NEW MPANDA AIRPORT TO PROMOTE TOURISM IN WESTERN

 

Katavi national park is ready for sustainable mass tourism, thanks to the paving and lengthening of the runway and the refurbishing of the Mpanda airport terminal building, only 40km from the Park. The runway can accommodate modern and large airplanes such as ATR72.

Tanzania haiwezi kukwepa maendeleo ya bioteknolojia ya utandawazi duniani

 

Naibu katibu Mkuu Ofisi ya Makamu wa Rais Eng. Ngosi Mwihava akifungua Warsha kwa maafisa wa mipakani kuhusu usimamizi wa mazao na bidhaa zitokanazo na Bioteknolojia ya kisasa. Kulia ni Mkurugenzi wa Mazingira Ofisi ya Makamu wa Rais Mazingira Dkt. Julius Ningu na kushoto ni Afisa Mazingira Mkuu Ofisi ya Makamu wa Rais Bi Esta Makwaia. Warsha hii imefanyika leo kwenye Hotel ya La kairo jijini Mwanza

 

Washiriki wa Warsha ya Usimamizi wa mazao na bidhaa zitokanazo na bioteknolojia ya kisasa wakiwa kwenye picha ya pamoja na mgeni rasmi (katikati) Mara baada ya kufungua warsha hiyo kwenye Hoteli ya La kairo Jiji Mwanza

 …………………………………………….

Lulu Mussa na Ali Meja

Mwanza

 Imeelezwa kuwa Tanzania kama nchi nyingine haiwezi kukwepa maendeleo ya bioteknolojia kutokana na utandawazi na maendeleo duniani kote, kwa kuwa bioteknolojia ya kisasa ni nyenzo muhimu katika kukuza uchumi na kupunguza umaskini, kuboresha kilimo, uzalishaji viwandani, afya na hifadhi ya mazingira.

 Hayo yamesemwa leo na Naibu Katibu Mkuu Ofisi ya Makamu wa Rais, Eng. Ngosi Mwihava katika warsha ya siku moja kwa maafisa wa mipakani kutoka mikoa ya kanda ya ziwa, warsha iliyolenga kukuza uelewa kwa watendaji wanaosimamia mazao na bidhaa zitokanazo na bioteknolojia ya kisasa.

 Amesema, Serikali kwa kutambua mchango mkubwa unaoweza kupatikana kutokana na matumizi ya bioteknolojia ya kisasa katika sekta za afya, kilimo, viwanda na mazingira, imeridhia Itifaki ya Cartagena ya Mkataba wa Bioanuai mwaka 2003 kwa lengo la kuhifadhi mazingira kwa kuzingatia usalama katika usafirishaji,  kuunda na kupitisha mfumo wa kitaifa wa usimamizi wa matumizi salama ya Bioteknolojia mwaka 2007.

 Eng. Mwihava amewaasa watendaji katika maeneo ya mipakani kuwa na usimamizi madhubuti katika maeneo yao ya kazi kwa kuwa mipaka kati ya Tanzania na nchi nyingine ndiyo njia kuu za uingizaji wa mazao na bidhaa zitokazo nje.

 Pamoja na faida za bioteknolojia hiyo ya kisasa Eng. Mwihava amewataka watendaji hao kuwa makini na athari zinazoweza kutokana na matumizi ya teknolojia hiyo pale itakapotumiwa bila kufuata taratibu za usalama zilizowekwa.

 Warsha hii ya siku moja kwa imewashirikisha maafisa forodha, Maafisa Afya na watafiti wa Mazao kutoka Mikoa ya Mwanza, Mara na Kagera, kutoka Idara , wakala za Serikali na sekta binafsi.

Waziri mukangara akagua vikundi vilivyopata mkopo wa vijana Bukoba

 

Waziri wa Habari, Vijana, Utamaduni na Michezo Dk. Fenella Mukangara  (kushoto) akiangalia kahawa  katika shamba darasa inayolimwa na Ibrahim Mulokozi (kulia) ambaye ni mkazi wa kijiji cha Ibwera wilayani Bukoba aliyenufaika na mkopo wa shilingi laki nne kutoka mfuko wa maendeleo ya vijana. Waziri Dk. Mukangara alilitembelea shamba hilo la kahawa na migomba jana ili kuona fedha za mkopo walizozipata vijana kutoka SACCOS ya Ibwera zimewanufaishaje kimaisha.

 

Waziri wa Habari, Vijana, Utamaduni na Michezo Dk. Fenella Mukangara  (kushoto) akimuangalia samaki mwenye umri wa miezi mitatu anayefugwa katika bwawa la Kikundi cha Msifuni kilichopo kijiji cha Kemondo wilayani Bukoba ambacho kilipata mkopo kutoka mfuko wa maendeleo ya vijana. Waziri Dk. Mukangara alilitembelea bwawa hilo jana ili kuona fedha za mkopo walizozipata vijana kupitia mfuko wa Halmashauri nimewasaidiaje vijana kujikwamua kiuchumi.

 

Waziri wa Habari, Vijana, Utamaduni na Michezo Dk. Fenella Mukangara  (wa tatu kulia) akiangalia  jana nyavu za kuvulia samaki za Kikundi cha Msifuni kilichopo katika kijiji cha Kemondo wilayani Bukoba ambacho kilipata mkopo kutoka mfuko wa maendeleo ya vijana na kuanzisha mradi wa bwawa la samaki. Kushoto ni Katibu wa kikundi hicho Johanes Joel.

 

Waziri wa Habari, Vijana, Utamaduni na Michezo Dk. Fenella Mukangara  (kushoto) akipokea taarifa ya SACCOS ya Ibwera iliyopo  wilayani Bukoba kutoka kwa Benedicta Peter ambaye ni katibu msaidizi. SACCOS hiyo  ilipata mkopo wa shilingi milioni tano kutoka mfuko wa maendeleo ya vijana na kuvikopesha vikundi mbalimbali vya maendeleo vya vijana.

 

Waziri wa Habari, Vijana, Utamaduni na Michezo Dk. Fenella Mukangara  (wanne kushoto) akiwa katika picha ya pamoja na wanachama wa SACCOS ya Ibwera na viongozi wa wilaya ya Bukoba  wakati alipowatembelea jana ili kuona fedha walizopata kutoka mfuko wa waendeleo ya vijana  zilivyoweza kuwasaidia vijana kujikwamua kimaisha.

 

Waziri wa Habari, Vijana, Utamaduni na Michezo Dk. Fenella Mukangara  akiangalia shamba darasa la kahawa na migomba la mkazi wa kijiji cha Ibwera wilayani Bukoba Ibrahim Mulokozi (hayupo pichani) wakati alipolitembelea  jana ili kuona fedha za mkopo wa mfuko wa vijana alizozipata kupitia SACCOS ya Ibwera zimemnufaishaje kimaisha. Kushoto  ni Mkurugenzi Msaidizi Idara ya Maendeleo ya Vijana James Kajugusi.

  Picha na Anna Nkinda – Maelezo

Serikali yaombwa kuongeza fedha za mkopo wa vijana

Waziri wa Habari, Vijana, Utamaduni na Michezo Dk. Fenella Mukangara  (kushoto) akipokea taarifa ya SACCOS ya Ibwera iliyopo  wilayani Bukoba kutoka kwa Benedicta Peter ambaye ni katibu msaidizi. SACCOS hiyo  ilipata mkopo wa shilingi milioni tano kutoka mfuko wa maendeleo ya vijana na kuvikopesha vikundi mbalimbali vya maendeleo vya vijana.

……………………………………………………….

Na Anna Nkinda – Maelezo, Kagera

Serikali imeombwa kuongeza kiasi cha mkopo kinachotoa kwa vijana kupitia mfuko wa maendeleo wa vijana na Halmashauri za wilaya kwani kiwango kinachotolewa kwa sasa cha shilingi milioni tano kwa vyama vya Kuweka Akiba na Kukopa (SACCOS) ni kidogo ukilinganisha na mahitaji ya mkopo huo.

Ombi hilo limetolewa jana na baadhi ya  vijana waliopata mkopo huo kupitia SACCOS ya Ibwera na halmashauri ya wilaya ya Bukoba wakati wakiongea kwa nyakati tofauti na Waziri wa Habari, Vijana, Utamaduni na Michezo Dk. Fenella Mukangara  alipotembelea wilaya hiyo ili kuona jinsi fedha hizo zilivyoweza kuwasaidia vijana kujikwamua kiuchumi.

Vijana hao walisema kuwa fedha za mkopo walizozipata zimewasaidia kujiinua kiuchumi ikiwa ni pamoja na kuajiri vijana wenzao, kupanua mitaji ya biashara zao, kulipa karo za shule za watoto wao na kujikwamua kimaisha tofauti na ilvyokuwa awali kaba hawajapata mkopo na kufanya shughuli za ujasiriamali.

Kwa upande wake mkazi wa kijiji cha Ibwera Ibrahim Mulokozi ambaye alipata mkopo wa shilingi laki nne kupitia SACCOS ya kijiji hicho alisema kuwa ameweza kununua matandazo na kulipa wasaidizi wanaohudumia  shamba lake la migimba na kahawa  ambalo  ni la mfano kwa vijana na wazee wanaotoka kata ya Ibwera, Mikoni na Nyakibimbili na kwenda  kujifunza na kuchukua miche ya migomba.

Alisema kuwa anakabiliwa na changamoto za kutokuwa na fedha za kuendeleza shughuli za kilimo, kutoka na mbolea ya kutosha ya kurutubisha shamba, bei ya miche ya kahawa kupanda kutoka shilingi 50 hadi 500 kwa mche mmoja, kuendelea kutumia jembe la mkono, kutokuwa na masoko ya uhakika hasa soko la ndizi na  magonjwa ya migomba.

Naye katibu wa  kikundi cha Msifuni  Johanes Joel ambacho kilipata mkopo wa shilingi milioni moja na laki tano  kutoka Halmashauri ya wilaya ya Bukoba  alisema kuwa kikundi chao kinajishughulisha na kazi ya ukulima wa  samaki  na walianza na bwawa moja na hivi sasa wana mabwawa matatu na wanampango wa kuhakikisha kuwa   kila mwanakikundi anakuwa na bwawa lake.

Flightlink yawaandalia chakula cha jioni wafanyakazi wake na familia zao katika kuuaga mwaka

 Mkurugenzi Mtendaji wa Kampuni ya Ndege ya Flightlink,Munawer Dhiren akizungumza wakati wa hafla ya chakula cha usiku kilichokuwa kimeandaliwa maalum kwa ajili ya kukutana kwa wafanyakazi wote wa kampuni hiyo pamoja na familia zao ikiwa ni sehemu pia ya kuuaga mwaka iliyofanyika kwenye Hoteli ya Serena jijini Dar es Salaam jana.Picha zote na Othman Michuzi.

 Mkurugenzi Mtendaji wa Kampuni ya Ndege ya Flightlink,Munawer Dhiren akiendelea kuzungumza.

 Sehemu ya Wafanyakazi wa Kampuni ya Ndege ya Flightlink pamoja na familia zao wakimsikiliza kwa makini Mkurugenzi Mtendaji wa Kampuni hiyo,Munawer Dhiren (hayupo pichani) wakati alipokuwa akizungumza nao wakati wa hafla ya chakula cha usiki iliyokuwa imeandaliwa maalum kwa ajili ya kukutana kwa wafanyakazi wote wa kampuni hiyo pamoja na familia zao ikiwa ni sehemu pia ya kuuaga mwaka iliyofanyika kwenye Hoteli ya Serena jijini Dar es Salaam jana. 

 Mazungumzo ya hapa na pale kwa wadau wa Kampuni ya Flightlink yakiendelea wakati wa hafla hiyo.

 Wakati wa Chakula uliwadia na kila mmoja alipita kuchukua chakula akipendacho.

 Baadhi ya wafanyakazi wa Kampuni ya Flightlink wakipozi kwa picha wakati wa hafla ya chakula cha usiki iliyokuwa imeandaliwa maalum kwa ajili ya kukutana kwa wafanyakazi wote wa kampuni hiyo pamoja na familia zao ikiwa ni sehemu pia ya kuuaga mwaka iliyofanyika kwenye Hoteli ya Serena jijini Dar es Salaam jana.

 Picha ya pamoja kwa wafanyakazi wote wa Kampuni ya Ndege ya Flightlink.

Wakurugenzi wa Kampuni ya Flightlink wakiwa katika picha ya pamoja na baadhi ya wageni waalikwa.