TWIGA CEMENT YAZINDUA RASMI TIMU YA KOMBAINI YA MAKIPA WA LIGI KUU TANZANIA DHIDI YA TIMU YA KOMBAINI YA WAANDISHI WA HABARI TASWA F.C

Kikosi cha Timu ya Makipa walioshiriki katika Mchezo huo ni Fatuma Omari, Adam John Mahona, Helon Lupembe, Mstafa Ally mstafa(Baterzi), Benny Karama, Deogratius Munishi ‘Dida’. Abuu Hashim, Juma Kaseja, Shaaban Kado, Ivo Mapunda, na Kabal Faraji. wengine walioingia kuchukua nafasi ni pamoja na Mstafa Mabuluki, Hashimu Kizota, Ndizi Shomari, na Sarehe Malande,

Kikosi cha Timu ya Makipa walioshiriki katika Mchezo huo ni Fatuma Omari, Adam John Mahona, Helon Lupembe, Mstafa Ally mstafa(Baterzi), Benny Karama, Deogratius Munishi ‘Dida’. Abuu Hashim, Juma Kaseja, Shaaban Kado, Ivo Mapunda, na Kabal Faraji. wengine walioingia kuchukua nafasi ni pamoja na Mstafa Mabuluki, Hashimu Kizota, Ndizi Shomari, na Sarehe Malande,

 Baadhi ya Wachezaji wa Timu ya Kombaini ya Makipa( Chama cha Makipa) wakati wa Mapumziko

Wachezaji wa Timu ya Chama cha Makipa Tanzania, Muda Mfupi baada ya Kuwasili kwenye Viwanja vya Bora Kijitonyama.

Kikosi cha Timu ya Makipa walioshiriki katika Mchezo huo ni Fatuma Omari, Adam John Mahona, Helon Lupembe, Mstafa Ally mstafa(Baterzi), Benny Karama, Deogratius Munishi ‘Dida’. Abuu Hashim, Juma Kaseja, Shaaban Kado, Ivo Mapunda, na Kabal Faraji. wengine walioingia kuchukua nafasi ni pamoja na Mstafa Mabuluki, Hashimu Kizota, Ndizi Shomari, na Sarehe Malande,

  Na: Mwandishi Wetu.

Kampuni ya Twiga Cement ya jijini Dar es Salaam, jana imefanikiwa kuzindua rasmi Chama cha Wachezaji wa Nafasi ya Golikipa wanaoshiriki ligi kuu ya Vodacom Tanzania, ambapo katika uzinduzi huo timu hiyo ya Makipa ilicheza mchezo wa Kirafiki dhidi ya Timu ya Kombaini ya Waandishi wa Habari TASWA F.C.uliofanyika kwenye Uwanja wa Bora Kijitonyama jijini Dar es Salaam jana.

Katika mchezo huo ambao ulikuwa na Ushindani wa Kipekee kutokana na Timu zote kuwa na Wachezaji Nyota na Tegemeo katika Vipaji vyao, Mashabiki waliofika kushuhudia mchezo huo walifurahishwa na jinsi kila mchezaji alivyoonyesha Ujuzi binafsi na kiwango cha hali ya juu.

timu ya makipa ndiyo iliyokuwa ya kwanza kufanya shambulizi kwenye lango la timu ya TASWA ambapo dakika ya 26 mchezaji Shaaban Kado alikosa Penalt kutokana na beki wa Taswa Martin Peter kunawa akiwa eneo la kumi na nane na penalt hiyo ilidakwa na kipa nyota wa TASWA Ahmed Famau.

hadi kipindi cha kwanza kinamalizika kikosi cha timu ya Makipa kilikuwa mbele kwa bao 1-0,lililofungwa na Juma Kaseja baada ya kutokea piga nikupige langoni mwa TASWA, ambapo kipindi cha pili kila timu ilifanya mabadiliko ambapo Taswa iliwatoa, Majuto Omary, Ibrahim Masoud, Ally Mkongwe, Zahoro Mlanzi, Shafii Dauda, na nafasi zao kuchukuliwa na Salum Jaba, Juma Ramadhani, Hatibu Naheka,na Paul Limoy,mabadiliko ambayo hata hivyo yalishindwa kupunguza kasi ya wachezaji hao Makipa wa Ligi kuu waliokuwa muda wote wakilisakama lango la TASWA FC.

pamoja na kuwa na wachezaji wa akiba timu ya Makipa lakini walishindwa kufanya mabadiliko, kutokana na wachezaji wengi kuwa na pumzi ya kuwamudu TASWA ambapo Makipa hao walisaidiwa na mlinda mlango kutoka timu ya Taifa ya Wanawake Twiga Stars, Fatuma Omary ambaye hata hivyo alionyesha kiwango kikubwa baada ya kudaka michomo ya wazi kutoka kwa washambuliaji wa Taswa,Ibrahim  Masoud, Shafii Dauda,Majuto Omary pamoja na Ally Mkongwe waliokuwa wakilisakama Lango la timu ya makipa kila wakati.

goli la pili lilipatikana kunako dakika ya 67 kupitia kwa Ivo Mapunda aliyefunga kwa shuti kali lililomshinda mlinda wa TASWA  Ahmed Famau,kabla ya shaaban Kado kuhitimisha Kapu la Magoli kwa timu hiyo ya Makipa.

 

 Pamoja na Kufungwa kwa Taabu 3-0 timu ya TASWA FC, iliweza kuwachezesha mputa mputa wachezaji hao nyota wa Ligi kuu pamoja na kwamba wachezaji hao muda mwingi wanakuwa kwenye Mazoezi Makali na Timu zao za ligi kuu ya Vodacom Tanzania Bara,kitendo ambacho kiliwafanya kuonekana wakiwa na Uhai wa kukimbiza huku na kule katika kipindi cha dakika zote za mchezo.

 

Taswa ambayo kwa asilimia kubwa iliwachezesha wachezaji wake wengi ambao ni wafanyakazi wa vyombo mbali mbali vya habari, ilisifiwa na mashabiki waliohudhulia mchezo huo kwa kuwa Muda mwingi wanakuwa katika shuguli za kiofisi ambapo kwa mujibu wa Mwenyekiti wa Timu hiyo wachezaji ukutana mara moja kwa wiki kwa ajili ya mazoezi ya Pamoja.

"timu yetu ni nzuri sana hii TASWA, mwenyewe umeona wachezaji walivyowapeleka mpuata hawa Makipa pamoja na kwamba hii timu ya Makipa ni Wachezaji wa ligi kuu, nasema ligi kuu kwa kuwa wanashiriki hiyo ligi isipokuwa tofauti wao ni makipa, na tunapozungumzia suala la Wachezaji, mwenyewe unajua timu ili iwe bora ni lazima kwanza iwe na Makipa wazuri ndipo iwe bora, na kipa bora ni yule anayeweza kuwapanga wachezaji wake, hivyo kama hawa wachezaji ndiyo wapangaji wa timu zao wakati wa Mashindano, mimi nasema tumecheza na Timu ya Taifa na si kama unavyofikili wewe, na ndiyo maana nathubutu kusema kuwa kufungwa kwetu mabao 3-0 ni sawa na kupata ushindi sisi, maana hata hivyo wametuleta kwenye Uwanja wao, nadhani wakati wa mchezo wa Marudiano bila shaka itakuwa zamu yetu kuibuka na ushindi maana leo wameshinda wao na mpira ni mchezo wa mmoja kushinda, asiyekubali kushindwa siyo mshindani" alisema majuto 

na kuongeza kwamba mchezo huo kwa pande zote mbili umewapa changamoto ya kuifanya sasa timu hiyo ya Kombaini ya Makipa kutambuliwa kote Nchini.

"mkakati uliopo sasa ni kuhakikisha kwamba timu hii inazunguka kwenye Majiji Makuu kwa ajili ya kufanya michezo yake ya kirafiki na timu za Mikoa, lakini lengo kubwa ikiwa ni kuwapa Fursa wakazi wa Maeneo hayo kuwatambua zaidi hawa Makipa wetu, lakini pia wakati wachezaji hawa wakiwa kwenye hayo maeneo ya Majiji watakuwa na jukumu la kuwaandaa wachezaji wengine zaidi vijana katika nafasi za kipa ili kuweza kuwa na Makipa wengi zaidi kwa ajili ya Faida ya Taifa letu la Tanzania" alisema Majuto

 

Naye kocha wa Taswa FC Ally Mkongwe wakati akizungumza na wachezaji wa timu zote alisema kuwa ni jambo la kufurahisha ambalo limeweza kufanikiwa kwa asilimia 100 kwa kuwa lengo ilikuwa ni kufanya uzinduzi na timu zote zimeweza kucheza kwa hali kubwa bila vurugu wala kuonyeshana mchezo mbaya.

 

"tumefurahi sana, niwapongeze wachezaji wote yaani Makipa na Taswa, jambo hili si la mzaha kama tulivyofikili hapo mwanzo, lakini kumbe mwitikio wa watazamaji ulikuwa ni mkubwa sana na wengi wamekuja kuwatazama wachezaji na Waandishi wa habari, Watangazaji, na wakati umefika tukae tuangalie namna ya kuboresha mahusiano haya yawe ya kudumu baina ya TASWA na timu hii ya Kombaini ya Makipa wa Ligi kuu, isipokuwa tusameheane kwa yale Mapungufu madogo yaliyotokea maana sisi ni binadamu lakini wakati mwingine nadhani hayatatokea kwa pande zote mbili endapo yametokea kwa mchezo wa leo" alisema Mkongwe.

 

Hata hivyo wachezaji hao Makipa wametakiwa kufanya jitihada za kuhakikisha wanakuwa chachu ya kuleta Makipa wengine nyuma yao kutokana na kwamba nafasi ya Makipa kwa Tanzania inazidi kupungua kutokana na nafasi hiyo kuwa ngumu ukilinganisha na nafasi za wachezaji wengine wa ndani ambao wanakuwa ni wengi.

 

Naye mmoja wa Makocha wasaidizi wa timu ya TASWA Ibrahim Masoud aliwaasa wachezaji hao kuwa kioo kwa wenzao na kuwa kishawishi cha kuwapata vijana wengine watakaokuwa makipa wa Tanzania miaka ijayo"Sina Mengi ya Kusema kwa kuwa Kocha na Mwenyekiti wameeleza kwa kirefu lakini mimi niko tofauti kidogo na wenzangu, kikubwa hapa mimi ni kuhusu nyie Makipa wetu, kumbukeni kwamba nyinyi kina Kaseja, Ivo Mapunda, Shaaban Kado, Dida, mstafa na nyinyi wote, nyie sasa mnaelekea Ukingoni, ni kama kina Mwameja wakati wao, kina Manyika, Mfaume,nk, walikuwapo lakini walipopotea hao makipa Tanzania iliyumba sana kuwapata nyinyi, na hiyo inatokana na kwamba Wachezaji wengi Makipa hawapati Fursa ya kuandaliwa, na niwatake sasa kutumia mwanya huu kwa kuwa tayari mmekuwa ni makipa Hodari kuhakikisha kwamba wakati wa Mapumziko ya Ligi, muweze kuingia Darasani kwa ajili ya kupata ujuzi wa kuwa Walimu wa Makipa, Kila mmoja kwa wakati wake lengo mtakapomaliza muda wenu wa kuitumia Tanzania katika Soka, muweze kuwa walimu wazuri na wazalishaji wazuri wa Makipa wengine" alisema Ibrahim Masoud(Maestro)

 

Kwa Upande wao Makipa hao wao hawakuwa na la kusema isipokuwa kwa niaba ya wachezaji wote wa Makipa Ivo Mapunda alisema kuwa wanashukuru kwa Sapoti kubwa kutoka Chama cha TASWA, ambao mara zote wamekuwa mstari wa mbele kuwapa maelekezo, kitendo kilichowaweka karibu zaidi hata wakati wa Uzinduzi wa Chama hicho cha Magolikipa," Sisi binafsi tumefurahi kukutana na timu hii ya TASWA, maana kiujumla wachezaji wengi wa Taswa wanafahamu mpira, ila tumewafunga kutokana na kukosa Pumzi tofauti na sisi wengi tunafanya mazoezi kila siku na timu zetu tena timu kubwa za ligi kuu, mimi Kesho( Leo) naelekea Zazibar Kambini, kujiunga na Timu yangu, kwa hiyo unaona jinsi mchezo huu ulivyokuwa ni muhimu sana kwetu hata nimeshindwa kuongozana na wachezaji wazangu pamoja na Mwalimu wangu kutaka nisicheze hii leo lakini nimemkatalia kwamba ni lazima nijumuike na Makipa wenzangu kwenye jambo hili la Umoja, maana sasa sisi Makipa pia tumekuwa ndugu wa karibu na Marafiki wa Kweli, zama za kale kwamba huyu na huyu aziivi eti kwa kuwa wote ni Makipa imepitwa na wakati, utatukuta mimi, Kaseja, Kado, Dida, Mstafa, na wengine tukizungumza na kufurahi pamoja, sisi siyo maaduni ni marafiki tena niwapongeze Wadhamini wa Mpambano huu(Uzinduzi) Kampuni ya TWIGA CEMENT kwa kufanya jambo hili, limezidi kutuweka karibu zaidi, na naamini kwamba watazidi kutuunganisha na kuandaa michezo Mingi zaidi kwa ajili ya kuwapa Raha wakazi na mashabiki wetu Mikoani" alisema Ivo Mapunda

 Akizungumzia mchezo huo Afisa Masoko wa TWIGA CEMENT,Alex Gideon, alisema kuwa maandalizi yamekwenda kama walivyopanga isipokuwa mkanganyiko umetokea kwenye eneo dogo la Uwanja, ambapo awali mchezo huo ilikuwa ufanyike kwenye uwanja wa KARUME kwa mujibu wa Matangazo yaliyofanywa na vyombo vya habari,

 " sitaki kulizungumzia sana suala la mkanganyiko wa Uwanja, lakini nadhani TFF katika hatua za mwisho imeshindwa kuruhusu mchezo wetu kufanyika kwenye viwanja vyao ambako vyombo mbali mbali vilitangaza, hivyo mashabiki wengi walifika Karume, na nichukue fulsa hii kuwataka radhi sana wote waliotufuata kwenye viwanja vya Karume, mchezo wetu ulibadilishwa uwanja kutokana na sababu zilizokuwa nje ya uwezo wetu na kwa kuwa ni TFF wenyewe waliopanga hatua za Mwisho Mchezo wa Ligi daraja la kwanza kufanyika humo hatukuwa na kipingamizi, ni jambo la kimchezo na ukizingatia ni ligi yetu pia sisi watanzania hivyo hilo niombe radhi kwa mashabiki wetu wote, lakini kuhusu wadhamini wetu kama ulivyoona mwenyewe wamejitaidi na huu ni mwanzo na maandalizi yamefanyika kwa siku chache zana, wakati ujao tutaboresha na kulifanya jambo hili kuwa la kudumu na lenye kuleta tija ya Maendeleo kwa hawa Makipa wetu, kingine niwapongeze TASWA kwa ushirikiano wao maana wametufariji na kutupa sapoti kubwa"

 alisema Alex Gideon

aidha mchezo huo ulikuwa kwa ajili ya kujenga mahusiano mema baina ya timu zote, wachezaji pamoja na kufanya Uzinduzi wa Chama cha Makipa Tanzania, waandishi na Makipa wanaocheza ligi kuu Ya Vodacom Tanzania.

FAINALI YA Airtel UNI255 UDSM INTER-COLLEGE CHAMPIONS LEAGUE YAHIMITISHWA

Wachezaji wa timu ya Chuo cha Sayansi za Jamii, wakijifua kwa mazoezi kabla ya mchezo wao dhidi ya timu ya Chuo cha Uhandisi na Teknolojia katika fainali ya mashindano ya vitivo mbalimbali vya Chuo Kikuu cha Dar es Salaam, yaliyodhaminiwa na Airtel Tanzania kupitia huduma yake ya Uni 255, yaliyofanyika katika viwanja vya Chuo Kikuu jijini Dar es Salaam juzi. Timu hizo zilitoka sare ya magoli 1-1 katika mpambano huo, uliomalizika kabla ya muda kufutia giza kuingia na uwanja kukosaa taa.   Wachezaji wa timu za Chuo cha Sayansi za Jamii (jezi nyeusi) na Chuo cha Uhandisi na Teknolojia, wakigombea mpira wakati wa mchezo wa fainali ya mashindano ya vitivo mbalimbali vya Chuo Kikuu cha Dar es Salaam, yaliyodhaminiwa na Airtel Tanzania kupitia huduma yake ya Uni 255, yaliyofanyika katika viwanja vya Chuo Kikuu jijini Dar es Salaam juzi. Timu hizo zilitoka sare ya magoli 1-1 katika mpambano huo, uliomalizika kabla ya muda kufutia giza kuingia na uwanja kukosa taa. Kaimu Naibu Makamu Mkuu wa Chuo Kikuu cha Dar es Salaam, Prof. Betram Mapunda akikagua wachezaji wa Chuo cha Sayansi za Jamii, kabla ya kuanza kwa mchezo wa fainali ya mashindano ya vitivo mbalimbali vya Chuo Kikuu cha Dar es Salaam, yaliyodhaminiwa na Airtel Tanzania kupitia huduma yake ya Uni 255, yaliyofanyika katika viwanja vya Chuo Kikuu jijini Dar es Salaam juzi. Timu hizo zilitoka sare ya magoli 1-1 katika mpambano huo, uliomalizika kabla ya muda kufutia giza kuingia na uwanja kukosa taa. Kaimu Naibu Makamu Mkuu wa Chuo Kikuu cha Dar es Salaam, Prof. Betram Mapunda akikagua wachezaji wa Chuo cha Uhandisi na Teknolojia, kabla ya kuanza kwa mchezo wa fainali ya mashindano ya vitivo mbalimbali vya Chuo Kikuu cha Dar es Salaam, yaliyodhaminiwa na Airtel Tanzania kupitia huduma yake ya Uni 255, yaliyofanyika katika viwanja vya Chuo Kikuu jijini Dar es Salaam juzi. Timu hizo zilitoka sare ya magoli 1-1 katika mpambano huo, uliomalizika kabla ya muda kufutia giza kuingia na uwanja kukosa taa.Kushoto ni Meneja Masoko wa Airtel, Aneth Muga.

…………………………………………………………………………………………

Na: Mwandishi Wetu.

Fainali ya Mashindano ya mpira wa miguu kwa wanafunzi wa chuo kikuu cha Dar es Salaam (UDSM) yanayojulikana kama Airtel UNI255 yaliyoshirikisha wanafunzi wote wa schools na Colleges zilizopo chuoni hapo yamemalizika siku ya jumamosi ya tarehe 13/12/2014 Katika Fainali iliyovikutanisha vyuo vya Sayansi ya Jamii(College of Social Science)na Chuo cha Uhandisi na Teknolojia (College of Engineering and Technology) ambapo hadi dakika tisini(90) zinamalizika katika viwanja vya Chuo Kikuu cha Dar es Salaam(UDSM) zilikuwa zimefungana bao 1-1.

Timu ya kitivo cha CoET iliyokua na upinzani mkali kwa jumla ndiyo iliyokuwa ya kwanza kupata bao dakika ya 20 ya kipindi cha kwanza mfungaji akiwa ni Justin Rupia kwa shuti kali lililomshinda mlinda mlango wa CoSS Chawaka Francis na kumfanya mwamuzi wa mpambano huo Wema Ngota pamoja na wasaidizi wake Benjamini Mbughi, Hellen Mduma, Iddi Mfaume, Ramadhan Pondamali,Jackison Msilombo, Ally Sarehe na Faraji Gaibu,walioichezesha michezo hiyo tangu tarehe 8 mwezi huu kuwa katika hali tete kutokana na shangwe, nderemo na vifijo kutoka kwa Mashabiki wa CoET kucharuka uwanja mzima.

Kipindi cha Pili kila timu ilifanya mabadiliko ambapo CoSS iliwatoa Emmanuel George na Morrison Ng’owo na nafasi zao kuchukuliwa na wachezaji Rashidi Hussen na Ramadhan Hussen dakika ya 67 na 75 huku wenzao wa kitivo cha CoET aliingia mchezajji Tibe Mario kuchukua nafasi ya mchezaji George Michael katika dakika ya 62 mabadiliko yaliyowanufaisha zaidi CoSS waliposawazisha bao dakika za Majeruhi baada ya kutokea piga nikupige na hivyo kuleta mtafaruku kutokana na Muda(Kiza) kuingia ambapo timu hizo zilishindwa kupigiana Penalti ili kupata mshindi wa kwanza na mshindi wa pili.

Katika michezo ya awali timu hizo za College of Social Science waliokuwa kundi B lililokuwa katika viwanja vya chuo kikuu za Mabibo maarufu kama Mabibo Hostel ilifanikiwa kuongoza vizuri ambapo ilicheza mechi 3 ikashinda moja na kutoa sare ya bila kufungana mechi 2. matokeo yalioyowapa pointi 5 na goli 2 na kufanikiwa kutinga hatua ya fainali.

Katika michezo ya awali timu ya Chuo cha Uhandisi na Teknolojia-College of Engineering and Technology(CoET) iliyokuwa kundi A lililokuwa katika viwanja vya chuo kikuu cha Dar es Salaam(UDSM) ilifanikiwa kuongoza pia vizuri na kupata pointi zilizoiweka kwenye nafasi ya kucheza Fainali baada ya kushinda hatua ya nusu fainali dhi ya timu ya UDBS.

Timu iliyochukua nafasi ya tatu ni kitivo cha UDBS waliofanikiwa kuwafunga Kitivo cha SoED kwa njia ya penalty baada ya kumaliza dakika 90 kwa kufungana 2-2 katika mchezo uliokuwa wa upinzani mkubwa kutokana na timu ya SoED kuwa na wachezaji wengi wakongwe waliokaa muda mrefu hapo chuoni na wameshiriki michuano mingi na wamefanya vizuri na ndiyo timu pekee iliyokuwa ikipewa nafasi kubwa ya kunyakua Uchampioni huo wa Chuo.

Wakizungumza kwa nyakati tofauti timu Capateni wa Timu zilizoshiriki hatua ya nusu fainali, Bodoo Oduon wa Timu ya CoET, Michezo hiyo imeleta changamoto kubwa kwa wanafunzi na kuwataka wadhamini kujitokeza kudhamini michezo ya vyuo vya mkoa wa Dar es Salaam.

“Tumefurahi pamoja, tumecheza na kuruka ruka hii ni shangwe, tena mimi nasema hawa Airtel hakika wanatakiwa kuwa mfano wa kuigwa, ni pesa ngapi wamewekeza hapa, na hii ni kwa Chuo Kimoja tu ch UDSM na bado kuna hiyo michuano ya vyuo vya Dar es Salaam, ni muunganiko mzuri unaoletwa na hawa Airtel kwa kutuunganisha kati ya vyuo na vyuo”alisema Bodoo Oduon

Kuhusu kutopata matokeo ya Mshindi wa kwanza timu kampteni wa CoSS  Elias Mshomba alisema kuwa ni kawaida kutokea jambo hilo, maana Fainali ilihusisha watoto wa baba mmoja, kwamba jambo kubwa ni juu ya hizo College zilizoingia fainali kuwa wawakilishi wa College Championship Dar es Salaam inayotazamiwa kuunguruma mapema kuanzia mwezi wa tatu mwakani.

“Wewe unadhani kuna jambo limeharibika hapa kwa kutopata mshindi wa kwanza ama wa pili, sisi tulikuwa katika mchujo wa kupata wawakilishi wa chuo, kama ni zawadi zote ni za UDSM, hivyo nawaomba wachezaji wote waliofanikiwa kuzifikisha timu zao hatua ya nusu fainali, kuendelea na maandalizi makali ya kuhakikisha tunatwaa hizo zawadi zinazokuja za ushindani wa vyuo vya Dar es Salaam, mwenyewe umeona kiza kimeingia hivyo wachezaji wasingekuwa na uwezo wa kumaliza penalty tano kabla ya usiku na hapa hakuna taa, tusubiri hiyo michuano ambayo sijui wadhamini ni nani kama watakuwa ni Airtel basi itakuwa Raha sana maana tumefurahishwa na Airtel” alisema Elias Mshomba.

Akiongea kuhusiana na mwenendo wa mashindano hayo kwa Waziri wa michezo wa jumuiya ya wanafunzi chuo kikuu cha Dar es salaam STANLRY JULIUS alisema “Mashindano ya mwaka huu yamekuwa na mvuto wa kipekee hasa kutokana na wadhamini wetu Airtel kutupatia vifaa vya kutosha na kwa namna moja yameongeza hari sana kwa washiriki wote, na Pengine hii imekuwa ni changamoto kwetu kutokana na Uwepo wa Michuano ya Wanavyuo, College Championship Tanzania” alisema

 Na kuongeza kuwa “sisi kama UDSM tumepewa heshima kubwa ya kutoa wawakilishi wane watakaoungana na College zingine Kuunda jumla ya Timu 32 za College Kanda ya Mashariki,hivyo tumefaidika sana sisi kama chuo, kwa kuwa jambo lingine tumeweza kufanya Selection (Usahili) wa kupata timu ya chuo (UDSM ALLY STARS)ambayo inaweza kuwakilisha chuo kwenye michezo ya EAST AFRICAN UNIVERSITIES COMPETITION, inayoshirikisha nchi za Afrika mashariki kwa michezo ya Vyuo Vikuu,lakini pia nichukue Fulsa hii kuwaomba tena Airtel, kupitia hii hii Airtel UNI255 kuweza kudhamini hatua inayofuata ya Michezo ya Vyuo kwa Mkoa wa Dar es Salaam, NACTE & Inter College Championship-Dar es Salaam,itakayoshirikisha jumla ya vyuo 32, Kama ulivyoona mwenyewe jinsi ushindani ulivyomkubwa na hata soka lenyewe lipo vyuoni,shamra shamra zote hizi hapa ni chuo kimoja je itakapokuwa imekutanisha vyuo vingine kama vile IFM,DIT,NIT,TRA,ISW,IAE,BANDARI COLLEGE,CBE, DACICO, HEDEN HILL, NJUWENI, MUHIMBILI MEDICAL SCHOOLS, KIBAHA COTC na St. JOSEPH UNIVERSITY ambazo tayari zimefuzu hatua ya Makundi yake ya Michuano ya Bonanza la NACTE INTER COLLEGE DAR ES SALAAM BONANZA unadhani shamra shamra zitakuwaje, na tunaomba hiyo Fainali ya College za Dar es Salaam ifanyike Uwanja wa Taifa ili TFF na Makocha wa Timu ya Taifa waje wachague wachezaji watakaoisaidia Tanzania katika michuano ya Taifa na kimataifa”alisema STANLRY    

Timu iliyoonyesha nidhamu  na Ushindani mkubwa wa kuwania hizo nafasi wakati wa mchujo huo wa College ya UDSM ili kuingia kwenye ushiriki wa michuano ya Vyuo vya Dar es Salaam ni SJMC iliyokuwa kinara wa kundi A katika viwanja vya ndani ya chuo kikuu cha Dar es salaa ni (School of Journalism and Mass Communication) ilicheza mechi mbili na kushinda zote na kujitengenezea pointi 6 na huku akiongoza kwa kuwa na bao 5 za kufunga.

Akizungumzia michezo hiyo kwa upande wa College za UDSM mratibu  wa College za chuo hicho bwana. Albert Kimaro alisema kuwa “ Kundi B ambalo mechi zake zilichezewa katika viwanja vya chuo kikuu za Mabibo maarufu kama Mabibo Hostel, ndilo lililokuwa na timu zenye wachezaji wakongwe na liliongozwa na COSS (College of Social Science) timu iliyokuwa na mashabiki wengi na ambayo imeweza kucheza Fainali, lakini pia ndani ya UDSM zimeshiriki College kama CONAS, ambayo pia ilikuwa na wachezaji wazuri, UDSL,  COET, COICT,ISK,na COHU” alisema Albert.

Mgeni Rasmi katika Fainali hiyo (Kaimu Naibu Makamu Mkuu wa Chuo Kikuu cha Dar es Salaam, Prof. Betram Mapunda ) baada ya ukaguzi wa wachezaji aliwaasa kuwa na utulivu, Upendo, mshikamano,  wakati wote wa michezo na waepuke ugomvi wakati wote kwani michezo ujenga na kuimarisha mahusiano mwao.

“kikubwa hapa ni jinsi ya kujenga misingi imara ya michezo ndani ya vyuo vyetu, sina maana katika chuo hiki pekee, bali vyuo vyetu vyote, lakini pia niseme kwamba miaka ya nyumba hatukuwa na hamasa ya michezo vyuoni kutokana na miundo mbinu, lakini wakati huu nadhani kwamba michezo ama vipaji vipo vingi vyuoni, nimesikia kuna kampuni ya MIDETA entertainment imeanza harakati za kuanzisha hii michezo ya vyuo vyote vya Dar es Salaam na Tanzania kwa ujumla,inayojulikana kama College Championship Dar es Salaam, ambapo kwa sasa kuna mtowano mwingine unaendelea wa vyuo vingine kupitia mfumo uliowekwa wa Bonanza la Nacte inter College Dar Es Salaam ili kupata timu zitakazoshiriki ligi hiyo itakayokuwa na timu 32, nina hakika kwamba michuano itakuwa mizuri na itapendwa sana na pia itazalisha vijana wengi watakaokuwa wasomi kasha wawakilishi wetu kimichezo” alisema Profesa Mapunda.

 Naye Meneja Uhusiano wa Airtel Jackison Mbando alisema kuwa kuwa Mashindano yalikuwa mazuri na timu na kwamba imewapa changamoto ya kuongeza udhamini kwenye michezo ya vyuo, “ kama unavyoona mwenye jinsi Fainali ilivyosheheni watu utadhani mechi yay a Mtani Jembe, upinzani ni mkubwa sana na imeleta changamoto sana, lakini kubwa ni kuhakikisha kwamba Airtel inawafikia Watu wote kwa namna ya pekee,

Tupo katika harakati za kuboresha maisha ya wanavyuo kwani tunatambua kwamba wanahitaji kusoma kwa kutumia Mitandao katika ulimwengu huu wa sasa ambao Airtel kama unavyoona ni zaidi ya mitandao mingine, tunaanza sisi kisha wanafuata wengine nah ii tumeanza kwa kuwa karibu na wanavyuo ili tuwape nafuu katika usomaji na upataji wa mawasiliano, lakini si hivyo tu kama unavyoona hapa leo mambo yamenoga katika kuwapa pia afya wanafunzi wa vyuo kwani Michezo inaleta afya ndiyo maana tumeamua kuingia sasa kusaidia na kudhamini hii michezo ya Vyuo, na sasa tumeanza na College za Chuo Kikuu cha Dar es Salaam, tunatarajia kufanya mazungumzo na waandaaji wa Michezo ya vyuo kwa Mkoa wa Dar es Salaam (MIDETA entertainment) tupate mahitaji yao tuangalie, uwezekano upo wao waje tuzungumze na ikibidi hata kupata timu bora ya College za Tanzania,(College Championship Tanzania”alisema Jackison Mbando.

Aidha katika kilele cha tamasha hilo Airtel ilizindua kwa wanafunzi wa chuo kikuu huduma ya UNI255 itakayowawezesha kuwasiliana , kuperuzi internet kwa gharama nafuu.