WAZIRI WA AFYA NA NAIBU WAKE WAFANYA ZIARA ZA KUSHTUKIZA KATIKA HOSPITALI YA MWANANYAMALA NA AMANA

Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamis Kigwangala akiwasili katika Hospitali ya rufaa ya Amana iliyopo Ilala, Dar es Salaam alipofanya ziara ya kushtukiza baada ya sherehe za kuapishwa. Na : Shaaban Mpalule Waziri wa Afya, Maendeleo ya Jamii, Jinsia, Wazee na Watoto Mhe. Ummy Mwalimu amefanya ziara ya kushtukiza katika hospitali ya Rufaa ya Mwananyamala ikiwa ni masaa machache tangu kutoka kuapishwa na Rais wa Tanzania, Dkt. John Pombe Magufuli kuwa Waziri wa Wizara hiyo. Mhe. Ummy aliwasili katika hospitali ya Mwananyamala, majira ya saa 8 mchana na kuanza kuzungumza na wananchi mbalimbali waliokuwa wamekaa eneo la hospitali hiyo kuhusu matatizo yanayowakabili pindi wanapofika hospitali hapo kupatiwa huduma ambao wengi wao walionekana kutoridhishwa na huduma wanazopatiwa wanazozihitaji. Mmoja wa wananchi ambao alielezea kwa masikitiko yaliyomkuta pindi alipofika hospitalini hapo ni, Bi. Khadija Meso ambaye alisema kuwa walikuwa na siku tatu tangu wamefika hospitalini hapo ambapo walikuwa wamempeleka mtoto wao ambae alikuwa anaumwa lakini alikuwa hapatiwi huduma hali imeyopelekea kupoteza maisha kwa mtoto huyo. Mwingine aliyezungumza aliyejitambulisha kwa jina la Mama Madohoro alisema kuwa anashangazwa na hospitali ya rufaa kuwatoza wazee pesa licha ya sera ya afya kusema wazee na watoto chini ya miaka 5 kupatiwa bure huduma za kiafya. Alisema kuwa alimpeleka hospitalini hapo ndugu yake mwenye umri wa miaka 90 ambae alikuwa akihitajika kulipia vipimo vilivyo na gharama kubwa huku vya gharama ndogo akipatiwa bure na kutokana na uwezo mdogo wa kifedha alionao ukapelekea kupoteza maisha yake kwa mgonjwa huyo. Nae Othaman Rwambo alimuomba Mhe. Waziri kuwa ajaribu kuzungumza na wauguzi wa hospitali hiyo kutokana na kutoa majibu machafu kwa wagonjwa wanaofika katika hospitali hiyo kwa ajili ya kupatiwa matibabu. Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamis Kigwangala akikagua vyumba vya madaktari baada ya kuona mlundikano wa wagonjwa wakisubiri huduma. Alisema kuwa kasi ya rais wa awamu ya tano ni kufanya kazi na wao kama watumishi wa umma wanapaswa kufanya kazi kwa bidii ili kuwahudumia watanzania na kuwataka watumishi hao kuweka uzalendo mbele kuliko maslahi binafsi. Akiwajibu wananchi hao pamoja na kuelezea sababu ya ziara yake, Mhe. Ummy Mwalimu alisema kuwa amefika hospitalini hapo ili kujua changamoto zinazowakabili wananchi lakini pia kujifunza ni kitu gani ambacho wananchi wanahitaji kuboreshewa katika sekta ya afya. Alisema kuwa matatizo aliyoyakuta ni changamoto kwake na wizara yake na watakaa kama wizara kuona ni jinsi gani wanaweza kutatua matatizo yanayojitokeza katika hospitali hiyo na kuutaka uongozi wa hospitali hiyo kumaliza matatizo yaliyo ndani ya uwezo wao ndani ya siku 3. “Mambo ambayo nimeyakuta hapa ni kujifunza na kuona ni hali gani wanakumbana nayo wananchi wanapokuja kupata huduma za kiafya lakini pia kwangu ni changamoto lakini kwa kasi aliyonayo rais wetu wa awamu ya tano hatuna budi na sisi kuwa na kasi hiyo na mimi napenda kuwaambia wananchi wanaopata huduma katika hospitali hii tutatatua matatizo yanayowakabili, “Nimeupa uongozi wa hospitali kazi ya kumaliza matatizo yaliyopo wanayoweza kuyamaliza kama neti kwenye wodi kama ile ya wajawazito, na hata mambo ya feni kwenye wodi za wanaume na mengine tutakaa kama wizara kuyajadili tuone jinsi gani tutayamaliza,” alisema Mhe. Ummy. Mh. Naibu Waziri, Dkt. Hamis Kigwangala akiingia katika chumba cha X-Ray kuangalia utendaji wa kazi unavyoendelea. Aidha Mhe. Waziri alisema siku ya Jumatano wanatarajia kutambulisha namba ambayo wananchi watakuwa wanaitumia kutoa taarifa wizarani kuhusu kero wanazokutana nazo hospitalini wanapokwenda kupata huduma za matibabu. Nae Naibu Waziri wa Wizara hiyo ya Afya, Maendeleo ya Jamii, Jinsia, Wazee na Watoto, Dkt. Hamis Kigwangala amefanya ziara ya kushtukiza katika hospitali ya rufaa ya Amana na kukuta baadhi ya huduma za afya katika hospitali hiyo zikiwa zimesimama kwa sababu mbalimbali. Baadhi ya matatizo ambayo amekutana nayo hospitalini hapo ni pamoja na kutokuwepo kwa mtoa huduma katika chumba cha Utra Sound, Ubovu wa mashine ya kuchunguza matatizo yaliyopo mwilini (MS4S) na kubakia moja ikifanya kazi ambayo inachukua muda mrefu kutoa majibu. Matatizo mengine ambayo amekutana nayo ni uchache wa vitanda, kutokupatikana kwa dawa katika duka la hospitali huku maduka ya nje ya hospitali zikipatikana na kutokuwepo kwa baadhi ya watumishi ofisini kukiwa ni muda wa kazi. Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamis Kigwangala akizungumza na mtoa huduma katika chumba cha X-Ray ambapo aliridhishwa na utoaji huduma wa mtumishi huyo. Akizungumzia matatizo hayo alisema kuwa kuna uzembe umekuwa ukifanyika kwa baadhi ya watumishi hali inayofanya hospitali hiyo kuwa na wagonjwa wengi bila kupatiwa huduma na badala yake wanawapa rufaa kwenda Hospitali ya Taifa ya Muhimbili. “Tunachotaka ni kuona wananchi wanapata huduma, nimefika hapa nakuta hata chumba cha Utra Sound anaehusika hayupo na hata wagonjwa wakija hawatapata huduma na kinachofata hapo wanampeleka Muhimbili ndiyo maana Muhimbili imejaa wagonjwa kumbe sababu ni uzembe uliopo huku kwenye hospitali za rufaa,” alisema Dkt. Kingwangala. Aidha Mhe. Naibu Waziri ameuagiza uongozi wa hospitali hiyo kufika wizarani siku ya jumatatu saa 10 jioni ili kupewa maelekezo jinsi ya kufanya kazi ya kuwahudumia wananchi na kwenda sawa na kasi ya rais Dkt. John Pombe Magufuli ambaye anahitaji kuona serikali yake ikifanya kazi kwa kuhudumia wananchi. Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamis Kigwangala akizungumza na baadhi ya wananchi kuhusu upatikanaji wa huduma wanazopata hospitalini hapo ambao wengi wao hawajaridhishwa na utendaji wa wahudumu wa zamu wa siku hiyo. Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamis Kigwangala akizungumza na mmoja wa Daktari (ambaye hakutaka sura yake iyonekane) kuhusu utaratibu wa utoaji huduma kwa wagonjwa wanaosubiri huduma hizo. Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamis Kigwangala akimuulizia Kiongozi wa zamu katika ofisi za mapokezi ya hospitali hiyo. Muuguzi Kiongozi wa Hospitali ya rufaa ya Amana, Bupe Mwakalenge akijibu maswali ya Mheshimiwa Naibu Waziri kuhusu kutokuwepo kwa baadhi ya Madaktari katika baadhi ya vitengo. Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamis Kigwangala akitazama moja ya cheti cha mgonjwa aliyekuwa akilalamika kusubiri kwa muda mrefu bila kupatiwa huduma. Mwanasayansi wa Maabara ya Hospitali ya rufaa ya Amana, Jabir Mukhsin (kulia) akitoa maelezo kwa Naibu Waziri Dkt. Hamis Kigwangala kuhusu ubovu wa mashine inayotumika kufanya vipimo mbalimbali (MS4S) ikiwemo mzunguko wa damu mwilini ambayo kwa sasa imeharibika na kubakiwa na mashine moja ambayo ufanyaji wake wa kazi unachukua muda mrefu kutoa majibu sahihi. MS4S Mashine ambayo imeharibika. Mmoja wa wagonjwa waliokuwepo wakisubiri huduma ya kipimo cha MS4S akimwelezea Mh. Naibu Waziri kuhusu kutokufanyika kwa kipimo hicho licha ya kuwa hospitali wamepokea malipo yake ya kufanyiwa kipimo hicho. Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamis Kigwangala akionekana kushangwazwa na jambo fulani wakati akiendelea na ziara yake hospitalini hapo. Kushoto ni Kaimu Mkurugenzi Idara ya Utawala na Rasilimali Watu wa Wizara hiyo, Gideon Malabeja. Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamis Kigwangala akiwa nje ya chumba cha Ultra-sound ambacho kimefungwa kufuli licha ya maelezo ya Muuguzi Kiongozi wa Hospitali hiyo Bi. Mwakalenge kuwa mashine hiyo ni nzima na haina tatizo lolote. Muuguzi Kiongozi wa wagonjwa wa nje, Francis Itima akimwelezea Mheshimiwa kuhusu changamoto ya upungufu wa vitanda katika wodi ya wakina mama waliojifungua. Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamis Kigwangala akikagua wodi ya watoto ambayo aliridhishwa na hali iliyopo katika wodi hiyo. Mfamasia wa zamu katika hospitali ya Amana, Anna Kajiru akimpa maelezo Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamis Kigwangala kuhusu upungufu wa dawa uliopo katika duka hilo la dawa hospitalini hapo. Baadhi ya wananchi wakipatiwa huduma ya dawa katika duka la dawa lililopo hospitalini hapo. Pichani juu na chini ni Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamis Kigwangala akitoa mrejesho kwa waandishi wa habari kuhusu ziara yake ya kushtukiza, matatizo yanayoikabili hospitali hiyo na hatua ambayo wizara itachukua.

OFISI YA TAIFA YA TAKWIMU YATANGAZA MFUMUKO WA BEI WA MWEZI OKTOBA, 2015

Na Veronica Kazimoto

09/11/2015

Dar es Salaam.

MFUMUKO wa bei wa Taifa kwa mwezi Oktoba, 2015 umeongezeka hadi kufikia asilimia 6.3 kutoka asilimia 6.1 mwezi Septemba mwaka huu.

Akizungumza na waandishi wa habari Jijini Dar es Salaam leo Mkurugenzi wa Sensa ya Watu na Takwimu za Jamii,Ephraim Kwesigabo amesema kuongezeka kwa Mfumuko wa Bei kumesababishwa na kupanda kwa bei za bidhaa na huduma zingine za kijamii ikiwemo chakula na nishati.

“Kupanda kwa Mfumuko wa Bei wa mwezi Oktoba, 2015 kumechangiwa na ongezeko la bei za vyakula kama vile Mchele ambao umeongezeka bei kwa asilimia 0.8, unga wa muhogo umeongezeka hadi asilimia 0.7, nyama kwa asilimia 0.8, samaki kwa asilimia 5.5, ndizi za kupika asilimia 0.7 na choroko kwa asilimia 0.9”, amesema Kwesigabo.

Bidhaa zisizokuwa za vyakula kama vile vitambaa kwa ajili ya nguo za kike zimepanda kwa asilimia 1.6, viatu vya kiume asilimia 1.1, mkaa asilimia 1.4 na gharama za kupata ushauri kwa daktari pia zimepanda hadi kufikia asilimia 1.4.

Kwa upande Mfumuko wa bei kwa kipimo cha mwezi umeongezeka kwa asilimia 0.1 ambao ni ongezeko sawa na mwezi Septemba, 2015. Fahirisi za bei pia zimeongezeka kutoka 159.04 hadi kufikia 159.17 kwa mwezi Oktoba, 2015.

“Fahirisi za bei za vyakula vya nyumbani na migahawani iliongezeka kidogo hadi kufikia asilimia 10.0 kutoka asilimia 9.4 kwa mwezi Septemba, 2015 ambapo bidhaa zisizokuwa za vyakula zimepungua kidogo kutoka asilimia 1.9 hadi asilimia 1.7 kwa mwezi Oktoba, 2015,” amefafanua Kwesigabo.

Kwesigabo amesema kuwa Mfumuko wa Bei ambao haujumuishi vyakula na nishati kwa mwezi Oktoba, 2015 umepungua kidogo hadi kufikia asilimia 2.1 kutoka asilimia 2.2 kwa mwezi Septemba, 2015.

Mwisho. 

 Mkurugenzi wa Sensa ya Watu na Takwimu za Jamii Ephraim Kwesigabo wa Ofisi ya Taifa ya Takwimu akizungumza na waandishi wa habari  leo Jijini Dar es Salaam Kuhusu Mfumuko wa Bei wa Taifa kwa mwezi Oktoba, 2015 ambao umepanda hadi kufikia asilimia 6.3 kutoka asilimia 6.1 kwa mwezi Septemba, 2015.

Mkurugenzi wa Sensa ya Watu na Takwimu za Jamii Ephraim Kwesigabo wa Ofisi ya Taifa ya Takwimu akizungumza na waandishi wa habari  leo Jijini Dar es Salaam Kuhusu Mfumuko wa Bei wa Taifa kwa mwezi Oktoba, 2015 ambao umepanda hadi kufikia asilimia 6.3 kutoka asilimia 6.1 kwa mwezi Septemba, 2015. Kulia kwake ni Mtakwimu Mkuu wa Ofisi hiyo Bw. Muhdin Mtindo. (PICHA NA VERONICA KAZIMOTO)

Pata Habari Nzuri na za Uhakika kutoka hapa hapa.

RAIS KIKWETE AWEKA SHADA LA MAUA KABURI LA MASHUJAA, ATEMBELEA MAKUMBUSHO YA TAIFA YA ALGERIA

Ikiwa unatukio lolote au jambo lolote tuma kupitia Barua pepe yetu mchimati@gmail.com au Whatsapp namba +255767869133.

 Rais wa Jamhuri ya Muungano wa Tanzania, Dkt. Jakaya Mrisho Kikwete akiweka shada la maua kwenye kaburi la Mashujaa wa Algeria, leo Jumapili, Mei 10, 2015. Rais Kikwete yupo nchini Algeria kwa ziara ya siku tatu.

Rais wa Jamhuri ya Muungano wa Tanzania, Dkt. Jakaya Mrisho Kikwete akipewa maelezo wakati alipotembelea Makumbusho ya Taifa la Algeria, Mjini Algiers, leo Jumapili, Mei 10, 2015. Rais Kikwete yupo nchini Algeria kwa ziara ya siku tatu. 

 PICHA NA IKULU.

What is Zinduka?

ZDIF Presentation by Dimo Debwe

ZINDUKA Vocational Training Center Students:

ZINDUKA Vocational Training Center Students:

3

To respond to this community need, in 2011 Project Zawadi’s local partner organization, Zinduka Development Forum, opened the fully modern Zinduka Vocational Training Center (VTC) with significant financial support from Project Zawadi. This facility, in the final stages of receiving certification from the Tanzanian Government’s Vocational and Educational, is the community’s first high-quality vocational training center for local students. Currently providing course options in the areas of carpentry and needlework, the VTC will add welding to this list in 2013. It also houses the first ever computer lab and provides introductory computer skills training to students and local residents. It is a fully modern facility with a theory classroom, carpentry workshop, sewing room, library space, computer lab, secure materials storage area, teacher office, and staff and student toilets. It is supplied with electricity and running water and has the advantage of allowing students to remain in their local community while furthering their education. Zinduka Vocational Training Center - dormitory will be built three blocks away providing easy access for the students.

GARDENING PROGRAM:

Zinduka also have established a gardening program for twelve small scale gardeners around Nyamuswa and Makongoro villages. Volunteer students from Buffalo USA raised funds to buy kick start pumps which they supplied them to these gardeners. This program is successfully working well but the other problem is getting vegetable pesticides as well as manures. This program needed to be expanded to more villages if funds will be presently available. Zinduka is seeking for a donation oUS$ 5000 to open a farming pesticide store in Nyamuswa, where farmers can be able to get easily but also closely.  Also the program established the tree planting in Nyamuswa area. This program needed to be expanded to more villages if funds will be presently available

Serikali yajidhatiti Kudhibiti Makosa ya Utakatishaji fedha haramu Nchini- AG Masaju

 

Bi Rhoda Martin ,Hakimu Mkazi Mahakama ya Wilaya Dodoma akitoa neno la shukrani mara baada ya mafunzo hayo kufunguliwa rasmi.

Washiriki wa Mafunzo wakifuatilia hotuba ya ufunguzi ya ufunguzi wa kutoka kwa Mwanasheria Mkuu wa Serikali (hayupo pichani) kushoto ni Bw. Denis Mongula kutoka Ofisi ya Mwnasheria Mkuu wa Serikali

Picha ya pamoja ya washiriki wa mafunzo kuhusu utakatishaji fedha haramu na utaifishaji mali zilizopatikana kwa njia zisizo halali. Kutoka kushoto waliokaa ni Bw.Ayub Mwenda,Mkurugenzi Msaidizi(uendeshaji Mashtaka),Bw.George Masaju-Mwanasheria Mkuu wa Serikali,Bi Mary Lymo-Mkurugenzi Msaidizi (Makosa ya Rushwa na Udanganyifu) na kulia ni Bw.Angaza Mwipopo,Wakili wa Serikali Mfawidhi Ofisi ya Mwanasheria Mkuu wa Serikali Mkoa wa Dodoma.

…………………………………………………….

Na Mwandishi Wetu

Serikali kwa kushirikiana na wadau wa mapambano ya kudhibiti utakatishaji wa fedha haramu na utaifishaji wa fedha zilizopatikana kwa njia isiyo halali imeendelea kufanya jitihada katika kuongeza uelewa na kujenga uwezo wa Watendaji wake pamoja na kuendelea kuweka mifumo ya Kisheria na Kiutawala kupambana na kudhibiti makosa yanayohusu utakatishaji wa fedha haramu na utaifishaji wa mali iliyopatikana kwa njia ya uhalifu.

Hatua hizo zimefikiwa kutokana na kuendelea kuimarika kwa mbinu zinazotumiwa na wahalifu katika kutenda vitendo vya kihalifu, vikiwemo vitendo vya kutakatisha fedha haramu, ambazo zimekuwa zikibadilika kila siku, na hivi sasa wahalifu wanatumia maendeleo yaliyoletwa na Sayansi na Teknologia kupitia kompyuta na njia ya Teknolojiaya ya Habari na Mawasiliano kutenda makosa ya uhalifu yanayozalisha fedha haramu.

Katika kutekeleza azma yake hiyo, Serikali imeandaa Mswada wa Sheria ya Miamala ya Kielekroniki wa Mwaka 2015 (The Electronic Transaction Bill, 2015) na Mswada wa Sheria ya Makosa ya Mtandao wa Kompyuta ya Mwaka 2015 (The Computer and Cyber Crimes Bill, 2015) ambayo itawasilishwa katika Mkutano wa 19 wa Bunge la Jamhuri ya Muungano ikiwa ni mkakati wake wa kuendelea kupambana na kudhibiti makosa yanayohusu utakatishaji fedha haramu na utaifishaji mali zilizopatikana kwa njia isiyo halali.

Vilevile, Serikali imeendelea kuchukua hatua ya kuwajengea uwezo wataalamu ili kuimarisha uwezo wao katika utekelezaji wa Sheria Dhidi ya Utakatishaji Fedha Haramu ya mwaka 2006, ambapo Mwanasheria Mkuu wa Serikali, leo (18 Machi,2015) amefungua mafunzo ya pamoja yanayowahusisha Waendesha Mashtaka kutoka Ofisi ya Mwanasheria Mkuu wa Serikali pamoja na washiriki kutoka Mahakama na Vyombo vya Upelelezi nchini ili kuwawezesha watendaji hao kukabiliana na changamoto zinazotokana na mabadiliko katika mazingira na mbinu mpya za kutenda makosa hayo.

Akieleza umuhimu wa mafunzo hayo , Ndugu Masaju amesema kuwa uelewa wa watendaji wengi katika vyombo vya Uchunguzi, Uendeshaji Mashtaka na Mahakama kuhusu masuala haya bado ni mdogo hivyo kulazimika kuchukua hatua na jitihada katika kuongeza uelewa pamoja na ukweli kwamba zipo Sheria mahsusi za Makosa haya na nyinginezo kama Sheria Dhidi ya Uhujumu Uchumi ya mwaka 1984 ambazo zimeweka masharti ya utaifishaji wa mali zinazotokana na uhalifu na Sheria Dhidi ya Utakatishaji wa Fedha Haramu ya 2006 inayotambua makosa mengine (predicate offences) yanayozalisha fedha haramu.

Mwanasheria Mkuu wa Serikali ametumia fursa hiyo kuwasihi washiriki wa mafunzo hayo kutolala kwani wahalifu wako macho na wanatumia njia mpya kila siku kutenda uhalifu ambapo kumekuwa na ongezeko la makosa ya rushwa, madawa ya kulevya na udanganyifu ambayo yanachochewa na tamaa ya kupata mali.

“Ni vizuri mkafahamu bayana kuwa iwapo mtalala, wahalifu kwa upande wao, hawasubiri Serikali iweke mifumo ya kudhibiti au kujenga uwezo wa watendaji wake. Kinyume chake, wanatumia mwanya huo kutenda uhalifu na kutakatisha mali zinazotokana na uhalifu huo ili isiwe rahisi kuwakamata na kutaifisha mali hizo”.

Ndugu Masaju pia ameeleza kuwa wahalifu wanatumia fursa iliyoletwa na maendeleo ya mifumo ya Mawasiliano na Teknolojia (TEHAMA) katika biashara mbalimbali kutakatisha fedha zinazopatikana kwa njia ya uhalifu na kuzisafirisha haraka katika nchi nyingine ili kuficha uhalisia wa mali hizo kwa dhamira ya kuepuka kukamatwa na vyombo vya uchunguzi hapa nchini ambapo ametoa rai kwa washiriki wa mafunzo kutumia vizuri fursa waliyoipata kujifunza na kupata majibu ya changamoto mbalimbali wanazokabiliana nazo katika utendaji kazi ili kuongeza kuongeza ufanisi na kuhakikisha wahalifu hawafaidiki na uhalifu wanaoufanya. Awali, akimkaribisha Mwanasheria Mkuu wa Serikali, Bw.Ayub Mwenda ambaye ni Mkurugenzi Msaidizi anayeshugulikia Usimamizi na uratibu wa uendeshaji wa Mashtaka ya Jinai kutoka Ofisi ya Mwanasheria Mkuu wa Serikali alieleza kuwa Serikali inatoa uzito mkubwa katika suala la kukabiliana na uhalifu na mashauri yanayohusu masuala ya utakatishaji fedha hivyo nguvu na uelewa wa pamoja vinahitajika kutoka kwa wadau wote ikiwa ni pamoja na kuendelea kushirikiana ili kujiimarisha zaidi katika eneo hilo.

Serikali kuendelea kuandaa mazingira bora ya wavuvi Zanzibar

 

Na Masanja Mabula -Pemba .

Waziri wa Mifugo na Uvuvi Zanzibar Mhe A

bdilah Jihad Hassan amesema kuwa Serikali itaendelea kuandaa mazingira bora ya wavuvi ikiwa ni pamoja na kujenga  masoko  ya kisasa ili kuimarisha sekta ya uvuvi na kuzalisha ajira kwa wananchi . Amesema kuwa wananchi wengi wa Visiwa vya Zanzibar wanategemea sekta ya Uvuvi kuendesha shughuli zao za uchumi na kueleza kwamba jumla ya watu 34,000 wamejiajiri kupitia sekta ya uvuvi ambapo kupatikana kwa masoko ya kisasa kutaongeza ajira kwa wananchi .
Kauli hiyo ameitoa wakati akikabadhi soko la Tumbe Wilaya ya Micheweni kwa Mkuu wa Mkoa wa Kaskazni  Pemba , ambalo limejengwa na kampuni ya Ngogo ya Iringa  na kugharimu zaidi ya  shilingi milioni 712.
Aidha waziri jihad amewataka wananchi wa Wilaya ya Micheweni kulitumia soko hilo kwa kufuata  mila , silka na tamaduni wa watu wa Tumbe .

“Tunatambua kwamba soko hili liko sehemu za mkusanyika wa watu wengi kutoka sehemu tofauti za Pemba , hivyo basi mnatakiwa kusimamia na kufuata mila , silka na tamaduni za wenyeji wa hapa ili kusiwepo na mporomoko wa maadili ya jamii ” alisisitiza Jihad . Mapema Mkuu wa Mkoa wa Kaskazini Pemba Mhe Omar Khamis Othman amewashauri wavuvi wa Wilaya ya Micheweni kuhamasishana kulitumia soko hilo ili liweze kutumika na kukuza uchumi wao na Taifa kwa Ujumla .

Mkuu huyo wa Mkoa ameitaka Wizara ya Mifugo na Uvuvi kutoa kipaombale cha kwanza kwa wakaazi wa Tumbe nakushauri kwamba uteuzi wa vijana kujiunga na chuo cha Uvuvi  zielekezwe kwa wakaazi wa Tumbe .

” Hizi nafasi za vijana kujiunga na chuo cha Uvuvi ambazo Wizara mmeanza kuzitoa naomba vijana wa Tumbe nao wapewe kipaombele cha pekee ili kuwafanya wakiridu waweze kuliboresha soko hili  ” alishauri Mkuu wa Mkoa .

Akitoa taarifa za ujenzi wa Soko hilo Katibu Mkuu wa Wizara ya Mifugo na Uvuvi Bw Kassim Gharib Juma amesema kuwa katika kipindi cha mwaka 2014  jumla ya Tani 30,000 wenye thamani ya bilioni 106 na wamevuliwa Unguja na Pemba .

Amesema kuwa lengo la Serikali ni kuwafanya vijana kujiajiri wenyewe kupitia sekta ya Uvuvi na tuko mbioni kukamilisha mipango ya kuwaandaa wavuvi kuweza kufikia bahari kuu kwa ajili ya uvuvi .

Ameeleza kwamba hilo litafikiwa kutokana na azma za Rais Shein za kutoka kuiboresha sekta ya Uvuvi kwa kuwapatia vifaa na dhana za kisasa za uvuvi ambazo zitawafanya walitumie eneo la bahari kuu .

Mkutano wa 19 baraza la wawakilishi kuanza jumatano

Katibu Mkuu Baraza la Wawakilishi Zanzibar Nd. Yahya Khamis Hamad akizungumza na waandishi wa habari kwa kutoa ufafanuzi kuhusu kikao cha Mkutano wa Kumi na Tisa (19) wa Baraza la Nane (8) la Wawakilishi unaotarajiwa kuanza siku ya Jumatano ya Tarehe 11 March, 2015. (Picha na Rahma Khamis Maelezo-Zanzibar). Baadhi ya Waandishi wa Habari waliohudhuria katika mkutano huo wakimsikiliza kwa makini Katibu Mkuu Baraza la Wawakilishi Zanzibar. (Picha na Rahma Khamis Maelezo-Zanzibar).

Katibu Mkuu Baraza la Wawakilishi Zanzibar Nd. Yahya Khamis Hamad akijibu maswali yaliyoulizwa na baadhi ya waandishi wa habari wakati wa mkutano huo. (Picha na Rahma Khamis Maelezo-Zanzibar).

…………………………………………………………………..

Na Rahma Khamis na Mwanaisha Moh’d Maelezo-Zanzibar. Mkutano wa Kumi na Tisa (19) wa Baraza la Nane (8) la Wawakilishi Zanzibar unatarajiwa kuanza siku ya Jumatano Tarehe 11 March, 2015 saa 3:00 kamili za asubuhi ambapo miswada minne ya sheria itawasilishwa na kujadiliwa barazani hapo. Hayo yameelezwa na Katibu wa Baraza la Wawakilishi Nd. Yahya Khamis Hamad alipokuwa akizungumza na Waandishi wa Habari katika Ukumbi wa Baraza hilo huko Chukwani nje kidogo ya Mji wa Zanzibar. Amesema miswada itakayojadiliwa ni pamoja na Mswada wa Sheria ya kufuata Sheria ya Miradi ya Maridhiano Namba 1 ya mwaka 1999, Kutunga Sheria kwa ajili ya kuazishwa na kuendesha mashirikiano baina ya Sekta za Umma na Sekta Binafsi zilizopo nchini ikiwemo na Kuwasilishwa mbele ya Baraza, Sheria ya Kura ya Maoni No. 11 ya Mwaka 2013 ya Jamhuri ya Muungano wa Tanzania kwa mujibu wa kifungu 132(2) cha Katiba ya Zanzibar. Vile vile Katibu huyo ametanahabahisha kuwa mswada mwengine utakaojadiliwa ni pamoja na kuanzishwa kwa Baraza la Sensa ya Filamu na Utamduni Zanzibar ambalo litasaidia kukuza na kulinda utamaduni wa Wazanzibari. Sambamba na hayo amesema katika shughuli zitakazoendelea katika Baraza hilo ni pamoja na maswali na majibu ambayo yataulizwa na kujibiwa na wajumbe wa baraza hilo ambapo maswali 77 yanatarajiwa kujibiwa katika baraza hilo. Katibu Yahya amewaomba Wajumbe wa Baraza hilo kufika kwa wakati barazani hapo ili kwenda sambamba na muda kwa lengo la kutimiza majukumu yaliokusudiwa katika mkutano huo.

Balozi wa China akutana na Rais Dk.Shein

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akisalimiana  na Balozi wa China Nchini Tanzania Dr.Lu Youqing Uholanzi nchini Tanzania  alipofika Ikulu Mjini Zanzibar leo (kulia) Balozi Mdogo wa China anayefanyia kazi Zanzibar Xie Yunliang,[Picha na Ikulu.] Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akizungumza na Balozi wa China Nchini Tanzania Dr.Lu Youqing Uholanzi nchini Tanzania   alipofika Ikulu Mjini Zanzibar leo,[Picha na Ikulu.]

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akifuatana na mgeni wake Balozi wa China Nchini Tanzania Dr.Lu Youqing Uholanzi nchini Tanzania  baada ya mazungumzo yao yaliyofanyika leo alipofika Ikulu Mjini Zanzibar,[Picha na Ikulu.]

MAHAKAMA KUU YAFUTILIA MBALI KESI ILIYOFUNGULIWA NA ZITTO KABWE

 

Mahakama Kuu Kanda ya Dar es Salaam, imeifutilia mbali kesi iliyofunguliwa na Mbunge wa Kigoma Kaskazini, Zitto Kabwe dhidi ya Kamati Kuu ya Chama cha Demokrasia na Maendeleo (CHADEMA), baada ya kukubali mapingamizi yaliwasilishwa na chama hicho.

Uamuzi huo umetolewa na Jaji Richard Mziray baada ya kupitia hoja za pande zote mbili kuhusu mapingamizi ya CHADEMA.

Mapema Saa 3:20 asubuhi Jaji Mziray alisoma uamuzi huo mbele ya wanaodaiwa kuwa wanachama huku upande wa Zitto akiwa hana mwakilishi na alikuwepo wakili wa utetezi Peter Kibatala.

Alisema baada ya kupitia hoja za pande zote mbili mahakama imeona Zitto alikosea kuifungua kesi hiyo katika Masijala Kuu ya Mahakama Kuu badala ya Masijala ya Kanda ya Dar es Salaam ya mahakama hiyo.

Pia, Zitto hakuonyesha kwa sababu gani alifungua kesi hiyo ya madai Mahakama Kuu badala ya Mahakama ya Hakimu Mkazi kama Sheria ya Mwenendo wa Kesi za Madai.

Awali mahakamani hapo CHADEMA kupitia mawakili wake kiliwasilisha kwa njia ya maandishi mapingamizi dhidi ya kesi hiyo iliyofunguliwa na Zitto.

Katika pingamizi la kwanza, CHADEMA ilidai kwamba haikuwa sahihi kesi kufunguliwa Mahakama Kuu kwa sababu ilipaswa kufunguliwa Mahakama ya Wilaya/ Hakimu Mkazi kwa mujibu wa Sheria ya Mwenendo wa Kesi za madai.

Pingamizi jingine, kesi hiyo ilikosewa kufunguliwa Mahakama Kuu, Masijala Kuu badala ya Mahakama Kuu Kanda ya Dar es Salaam.

Jaji alikubali mapingamizi hayo kwamba yako sahihi na kuitupilia mbali kesi hiyo.

“Mahakama inaamuru Zitto kukilipa CHADEMA gharama zote za kesi hii” alisema Jaji Mziray.

Mapema Januari 2, mwaka 2014 Mahakama Kuu, iliyoketi chini ya Jaji John Utamwa, ilitoa zuio la muda kwa Kamati Kuu ya CHADEMA, kutojadili uanachama wa Zitto katika kikao cha chake kilichofanyika Januari 3, mwaka jana.

Hata hivyo, Januari 3, mwaka 2014 mahakama hiyo ilisikiliza hoja za mawakili wa pande zote mbili kuhusu maombi hayo mbele ya Jaji John Utamwa.

Januari 7, mwaka 2014, mahakama hiyo pia ilitoa amri kwamba Zitto asijadiliwe uana chama wake hadi kesi ya msingi itakaposikilizwa na kutolewa maamuzi.

Zitto alikuwa anatetewa na wakili msomi, Albert Msando na CHADEMA walikuwa wanawakilishwa na Tundu Lisu na Peter Kibatala.

Katika kesi ya msingi, Zitto amefungua kesi dhidi ya Baraza la Wadhamini la Chama hicho na Katibu Mkuu, Willbrod Slaa, akiiomba Mahakama itoe zuio la muda la Kamati Kuu kutojadili suala la uanachama wake hadi kesi ya msingi itakaposikilizwa na kutolewa maamuzi na mahakama hiyo.

Katika maombi yake, Zitto anaiomba mahakama kuiamuru kamati kuu na chombo chochote kisijadili uanachama wake hadi rufaa yake itakaposikilizwa katika Baraza Kuu la Chama.

Kadhalika, anaoimba mahakama imwamuru, Dk. Slaa kumkabidhi nakala za taarifa na mwenendo mzima wa vikao vilivyomvua uongozi ili akate rufaa katika ngazi ya juu ya chama hicho.

Zitto kupitia wakili wake Msando aliomba mahakama itoe zuio la muda la Kamati Kuu na vikao vingine vya chama kutojadili suala la uanachama wake hadi kesi ya msingi itakaposikilizwa na kutolewa uamuzi.

Akiwasilisha hoja zake wakili Msando aliomba zuio hilo litolewe hadi Zitto atakapopata nafasi ya kuwasilisha rufaa yake ya kupinga uamuzi wa kumvua uongozi katika chama, uliotolewa katika kikao kilichofanyika Novemba 12 mwaka 2013.

Wakili alidai endapo amri hiyo haitatolewa na Kamati Kuu ikamvua uanachama, Zitto atapata athari kubwa kuliko chama chenyewe kwa kuwa atapoteza nafasi yake ya ubunge na kushindwa kuwatumikia wananchi waliomchagua.

Pia, mwanasheria huyo alidai athari nyingine ni kwamba iwapo atafukuzwa uanachama, Zitto atapoteza nafasi ya Mwenyekiti wa Kamati ya Bunge ya Hesabu za Serikali (PAC).

Alisisitiza kuwa, Zitto haizuii CHADEMA kufanyakazi zake za kisiasa kama wao wanavyodai katika hati ya kiapo kinzani, bali anaomba Kamati Kuu isijadili suala lake la uanachama mpaka uamuzi utakapotolewa.

Akijibu hoja hizo Wakili wa CHADEMA, Lissu alidai kuwa katika kutoa zuio la muda mahakama inatakiwa iangalie maslahi ya walio wengi na si faida ya watu wachache.

Alidai katika hati ya kiapo, Zitto anadai hakuna tarehe ya kikao cha Baraza Kuu la chama kilichopangwa, pia asipokata rufaa hatotendewa haki na atapata madhara lakini dawa ya woga na hofu yake ni kuomba mahakama iamuru kikao cha Baraza Kuu kifanyike na siyo kuomba zuio.

Lissu alidai kuvuliwa uanachama kwa Zitto hakutakuwa na athari kubwa kama anavyodai, athari ataipata yeye kwa kukosa posho na mishahara.