LEO KATIKA BUNGE JUNI 3,2016.

Naibu Spika wa Bunge la Jamhuri ya Muungano wa Tanzania Dkt.Tulia Ackson akiendesha kikao cha 36 cha mkutano wa 3 wa Bunge la Jamhuri ya Muungano wa Tanzania leo mjini Dodoma.

Baadhi ya Wabunge na Mawaziri wakifuatilia masuala mbalimbali ndani ya ukumbi wa Bunge wakati wa kikao cha 36 cha Bunge la Jamhuri ya Muungano wa Tanzania leo.

Wageni mbalimbali waliolitembelea Bunge wakifuatilia kikao cha 36 cha mkutano wa 3 wa Bunge la Jamhuri ya Muungano wa Tanzania leo mjini Dodoma.

Baadhi ya Wanafunzi wa Shule ya Sekondari St. Anne Marie ya Mbezi Beach jijini Dar es salaam wakifuatilia kikao cha 36 cha mkutano wa 3 wa Bunge la Jamhuri ya Muungano wa Tanzania leo mjini Dodoma.

Waziri wa Habari, Vijana, Utamaduni, Sanaa na Michezo Mhe. Nape Nnauye (kulia) akijadiliana jambo na Waziri wa Nchi, Ofisi ya Rais Menejimenti ya Utumishi wa Umma na Utawala Bora Mhe. Angella Kairuki ndani ya Ukumbi wa Bunge, Dodoma leo.

Baadhi ya Mawaziri Mawaziri wakifuatilia masuala mbalimbali ndani ya ukumbi wa Bunge wakati wa kikao cha 36 cha Bunge la Jamhuri ya Muungano wa Tanzania leo.

Naibu Waziri, Ofisi ya Rais Tawala za Mikoa na Serikali za Mitaa (TAMISEMI) Mhe. Sulemani Jafo akijibu maswali ya wabunge wakati wa kikao cha 36 cha Bunge la Jamhuri ya Muungano wa Tanzania leo.

Read more » 

=============================================================

JK AOMBELEZA MSIBA WA RAIS WA SAHARA MAGAHARIBI

 

Mwenyekiti wa CCM Taifa, Rais Mstaafu wa awamu ya nne Dkt. Jakaya Mrisho Kikwete akisaini kitabu cha maombolezo katika ofisi ya Ubalozi wa nchi ya Sahara Magharibi nchini,kufuatia kifo cha Rais Abdel Aziz Mohamed kilichotokea siku ya tarehe 31,Mei 2016, kulia ni Mama Salma Kikwete.

Mke wa Mwenyekiti wa CCM Taifa, Rais Mstaafu wa awamu ya nne Mama Salma Kikwete akisaini kitabu cha maombolezo katika ofisi ya Ubalozi wa nchi ya Sahara Magharibi nchini,kufuatia kifo cha Rais Abdel Aziz Mohamed kilichotokea siku ya tarehe 31,Mei 2016, kulia ni Mwenyekiti wa CCM Taifa, Rais Mstaafu wa awamu ya nne Dkt. Jakaya Mrisho Kikete.

Mwenyekiti wa CCM Taifa, Rais Mstaafu wa awamu ya nne Dkt. Jakaya Mrisho Kikwete akizungumza na Balozi wa nchi ya Sahara Magharibi Brahim Salem Buseif mara baada ya kusaini kitabu cha maombolezo kufuatia kifo cha Rais Abdel Aziz Mohamed.

 

===============================================

KATIBU MKUU CHAMA CHA KIKOMINISTI BW. LIU ZHIJUN AKAMILISHA ZIARA YAKE ZANZIBAR NA KUELEKEA DAR-ES SAALAM

VIONGOZI wa Chama cha Mapinduzi CCM wakimsindikiza mgeni wao Katibu Mkuu Chama cha Kikoministi Bw. Liu Zhijun wakati alipofika Bandarini Mjini Zanzibar.

WAZIRI wa Nchi Afisi ya Rais Baraza La Mapinduzi Issa Haji Gavu akizungumza na Mgeni wake Katibu Mkuu Chama cha Kikoministi Bw. Liu Zhijun baada ya kukamilisha ziara yake Nchini Zanzibar.

MWENYEKITI wa CCM Wilaya ya Mjini Borafya Silima Juma akiagana na Katibu Mkuu Chama cha Kikoministi Bw. Liu Zhijun alipokuwa akiondoka Bandarini na kuelekea Dar es Saalamu.

MKUU wa Mkoa wa Mjini Magharib Ayoub Mohammed akiagana na Katibu Mkuu Chama cha Kikoministi Bw. Liu Zhijun alipokuwa akiondoka Bandarini na kuelekea Dar es Saalamu.

WAZIRI wa Nchi Afisi ya Rais Baraza La Mapinduzi Issa Haji Gavu akiagana na Katibu Mkuu Chama cha Kikoministi Bw. Liu Zhijun alipokuwa akiondoka Bandarini na kuelekea Dar es Saalamu.KATIBU Mkuu Chama cha Kikoministi Bw. Liu Zhijun aliyevaa nguo nyeusi akiingia katika Boti ya AV KILIMANJARO alikielekea Dar es Saalamu baada yakumaliza ziyaza yake Zanzibar.PICHA NA MIZA OTHMAN – HABARI MELEZO ZANZIBAR.

============================================

Banc ABC yaanzisha huduma ya kukuza biashara Afrika

 Mkurugenzi Mtendaji wa BancABC Tanzania Bwana. Dana Botha (wa pili kulia), akibadilishana mawazo na baadhi ya wateja wa benki hiyo katika hafla waliyowaandalia  wateja wao kuwajulisha mikakati ya benki hiyo katika kuhakikisha wanatoa huduma bora za kibenki chini ya kundi la atlasmara. Hafla hiyo ilifanyika jijini Dar es Salaam juzi. Wanaomsikiliza kutoka kushoto ni, John Kazimoto, Jones Mwalemba, naJohn Du Toit.

 Mkurugenzi Mtendaji wa BancABC Tanzania Bwana. Dana Botha ( kulia), akizungumza na baadhi ya wateja wa benki hiyo katika hafla waliyowaandalia  wateja wao kuwajulisha mikakati ya benki hiyo katika kuhakikisha wanatoa huduma bora za kibenki chini ya kundi la atlasmara. Hafla hiyo ilifanyika jijini Dar es Salaam juzi. Wanaomsikiliza kutoka kushoto ni, John Kazimoto na Jones Mwalemba.

Mkuu wa Idara ya Uwekezaji wa Kibenki ya Makampuni wa Kundi la BancABC, Dk. Mabouba Diagne (wa pili kulia), akibadikishana mawazo na baadhi ya wateja wa benki hiyo katika hafla waliyowaandalia  wateja wao kuwajulisha mikakati ya benki hiyo katika kuhakikisha wanatoa huduma bora za kibenki chini ya kundi la atlasmara. Hafla hiyo ilifanyika jijini Dar es Salaam juzi.

Mkuu wa Idara ya Uwekezaji wa Kibenki ya Makampuni wa Kundi la BancABC, Dk. Mabouba Diagne (wa pili kulia), akimsikiliza mmoja wa wateja wa benki hiyo, John Du Toit katika hafla waliyowaandalia  wateja wao kuwajulisha mikakati ya benki hiyo katika kuhakikisha wanatoa huduma bora za kibenki chini ya kundi la atlasmara. Hafla hiyo ilifanyika jijini Dar es Salaam juzi.

Mkuu wa Idara ya Uwekezaji wa Kibenki ya Makampuni  BancABC Tanzania, Khalifa Zidadu (kulia), akizungumza na baadhi ya wateja wa benki hiyo katika hafla waliyowaandalia  wateja wao kuwajulisha mikakati ya benki hiyo katika kuhakikisha wanatoa huduma bora za kibenki chini ya kundi la atlasmara. Hafla hiyo ilifanyika jijini Dar es Salaam juzi. Kushoto ni Ofisa Fedha Mkuu wa Superdoll, Sateesh Babu Desu na Prasanthar Govinder pia wa Superdoll.

 Mkurugenzi Mtendaji wa BancABC Tanzania Bwana. Dana Botha ( kulia), akizungumza na baadhi ya wateja wa benki hiyo (hawapo pichani) katika hafla waliyowaandalia  wateja wao kuwajulisha mikakati ya benki hiyo katika kuhakikisha wanatoa huduma bora za kibenki chini ya kundi la atlasmara. Hafla hiyo ilifanyika jijini Dar es Salaam juzi. Wanaomsikiliza kutoka kushoto ni, John Kazimoto na Jones Mwalemba.

Mkuu wa Idara ya Uwekezaji wa Kibenki ya Makampuni wa Kundi la BancABC, Dk. Mabouba Diagne (wa pili kulia), akifafanua jambo mbele ya baadhi ya wateja wa benki hiyo (hawapo pichani), katika hafla waliyowaandalia  wateja wao kuwajulisha mikakati ya benki hiyo katika kuhakikisha wanatoa huduma bora za kibenki chini ya kundi la atlasmara. Hafla hiyo ilifanyika jijini Dar es Salaam juzi.

Bank ABC imeanzisha huduma mpya kwa wafanyabishara wakubwa kuhamisha and kuingiza mitaji yao ndani na nje ya nchi kwa kutumia teknolojia ya kisasa ya elektroniki.Akizungumza katika hafla iliyofanyika Jumatano hii, Mkuu wa kundi la Benki hiyo katika ukanda wa Afrika, Dk. Mabouba Diagne alisema wametenga Dola za Kimarekani milioni 20 (zaidi ya Sh billion 40) kwa ajili ya mpango huo unaolenga kuimarisha biashara miungoni mwa nchi za Afrika.

“Tumeanzisha huduma hii mpya kwa ajili ya kurahisisha na kukuza biashara miungoni mwa wafanyabishara wakubwa barani Afrika. Tunataka wafanyabiashara waweze kufungua milango yenye fursa nyingi za kibishara barani Afrika,” Dk. Diagne alisema.Alisema Banc ABC imezimia kuwawezesha Watanzania kutumia teknolojia mpya ya kuhamisha mitaji na fedha nyingi si ndani ya nchi tu bali nje ambako kuna fursa nyingi za biashara zisizotumika.

“Mara nyingi wafanyabishara wengi wa hapa nchini wanaofanyabishara nan chi jirani wamekuwa wakilalamika kukosekana kwa huduma bora za kuhamisha fedha kwa wingi. Sasa jawabu limepatikana kwa Banc ABC kuanzisha huduma za kisasa za kuhamisha mitaji,” alisema.

Alisema watu wanaweza kuhamisha mitaji hata fedha nyingi nchi za nje kwa kutumia simu za mkononi bila kuathiri biashara.“Tumeanzisha huduma hii kwa sababu biashara baina ya nchi za Afrika ni jambo muhimu la kuwezesha nchi na wafanyabishara waweze kutumia fursa nyingi zilizomo barani Afrika kutokana na bara hili kuwa na rasilimali nyingi asilia,” alisema kiongozi huyo msomi mwenye shahada ya juu ya uzamili ya hisabati.

Alisema suala la kubadilishana na kuhamisha mitaji ni biashara kubwa duniani kwa sababu mitaji ni bidhaa muhimu kwa maendeleo ya nchi na watu.Mapema mkurugenzi wa Banc ABC Tanzania, Bw Dana Botha alisema tayari benki hiyo imeanzisha mtandao wa matawi 100 hapa nchini na kuwa miungoni mwa benki imara.Naye Mtendaji Mkuu wa kundi la benki hiyo Dk. Blessings Mudavanhu alisema kuwa benki hiyo ambayo imesajiliwa katika soko la fedha la London, ilizindua aina ya bidhaa yake mpya na kujitanua kimataifa baada ya kuungana na Atlas Mara.

“Tutatumia jamvia la teknolojia ya habari na mawasiliano. Tunataka watu waanchane na kuandika cheki nyingi na kutumia gharama kubwa za miamala ya katatazi badala yake watumie simu za mkononi,” alisema Dk Madavanhu.Alisema benki hiyo ambayo inaendesha biashara katika nchi za Tanzania, Nigeria, Afrika kusini, Botswana Zimbabwe, Rwanda, Burundi na Zambia imedhamiria kuwa benk kubwa inayokuza biashara miungoni mwa nchi za Afrika.

Katika hafla hiyo kampuni kadhaa kubwa zilishiriki na kuvutiwa na huduma hiyo mpya itakayotolewa na benki hiyo ya kimataifa. Kampuni hizo ni; Statoil, Mount Meru (T) Ltd, Lake Oil. Superdoll na Puma Energy.

=========================================

 

HEINEKEN HOSTS THE BIGGEST FOOTBALL PARTIES IN DAR TO #CHAMPIONTHEMATCH

The world most famous and travelled beer Heineken, hosted the biggest football viewing party to herald the final of the UEFA Champions League matches between Real Madrid and Atletico in Milano and Dar es Salaam.

Hundreds of football fans and consumers arrived in plenty at various premium outlets already to partake in once in a lifetime experience.

Heineken also hosted ‘the Heineken Ibiza Final’ which is held on the weekend of the UEFA Champions League Final and the beginning of the party season in Ibiza – the world’s ultimate Party Island.

Selected consumers who partake in various promotions were selected to be a part of the event which was also localised for the Tanzanian audience. The lucky fans from around the world had the opportunity of attending the screening party of the Champions League Finals and thereafter party with football stars, celebrities and renowned DJs.

While the party is going on in Ibiza & Milano, football fans across Tanzania were not left out as Heineken TZ also hosted a special Champions League parties for consumers at George n Dragon, Samaki Samaki outlets and Club 777 to #ChampionTheMatch. Fans were treated to a VIP experience and the premium ambience of various outlets.

The UEFA Champions League is the most prestigious club league; the premier sporting event has become a global phenomenon that fits perfectly with the Heineken brand, which is enjoyed in almost every country in the world. The Dutch brewer is a keen sponsor of global sports tournaments and unlike other industry players steers clear from sponsoring specific teams. 

===========================================

NAIBU WAZIRI WA HABARI MGENI RASMI AZANIA BANK KIDS RUN 2016 YATAKAYOFANYIKA KESHO KUTWA VIWANJA VYA MNAZI MMOJA JIJINI DAR E SALAAM

  Dotto Mwaibale

NAIBU Waziri wa Habari, Utamaduni, Sanaa na Michezo Anastazia Wambura anatarajiwa kuwa mgeni rasmi katika Mbio za Watoto za Azania Kids Run 2016, zitakazofanyika Jumapili Juni 5 jijini Dar es Salaam.

Akizungumza jijini Dar es Salaam leo, Mratibu wa Azania Kids Run 2016, zinazodhaminiwa na Benki ya Azania, Wilhelm Gidabuday, amesema kuwa Naibu Waziri Wambura atakuwa mgeni rasmi katika kinyang'anyiro hicho kitakachokuwa na mbio za kategori tano.

Gidabuday amebainisha kuwa, maandailizi yote ya Azania Kids Run 2016 yanaenda vema, ikiwamo idadi kubwa ya wazazi na walezi kujitokeza kusajili watoto wao, huku akiwataka wengi kutumia siku mbili zilizobaki kuhakikisha wanawapa vijana wao nafasi ya kushiriki.

"Mbio hizi zinazotarajia kushirikisha zaidi ya watoto 2,000, zinatarajia kufanyika Jumapili Juni 5, 2016 kwenye Viwanja vya Mnazi Mmoja, zikihusisha watoto chini ya miaka 16, ambako Naibu Waziri Wambura atakuwa mgeni rasmi," alisema Gidabuday.

Amewasisitiza wazazi, walezi na wadau kujitokeza kusajili watoto wao na kwamba fomu bado zinapatikana katika matawi yote ya Benki ya Azania, Ofisi za Baraza la Michezo la Taifa (BMT) zilizoko Samora Avenue na Ofisi za Shirikisho la Riadha Tanzania (RT).

Gidabuday ametumia nafasi hiyo kuwahakikishia wazazi na walezi wa watoto watakaoshiriki Azania Kids Run 2016 kuwa, usalama wa watoto wao wakati wa shindano utakuwa kipaumbele chao na kuwatoa hofu ya usalama wakati wa kukimbia.

"Barabara zote zitakazotumiwa na watoto kukimbilia zitakuwa na uangalizi maalum ikiwa ni pamoja na gari za huduma ya kwanza na matibabu kwa watakaohitaji kupatiwa huduma hizo," amesema Gidabuday katika mkutano na wanahabari Dar es Salaam.

Ofisa Masoko Mwandamizi wa Azania Bank, Othman Jibrea, amezitaja zawadi za washindi mbalimbali wa mbio hizo, huku akiweka msisitizo kwa kutawaka wazazi kuendelea kusajili watoto wao kuwa sehemu ya tukio hilo la kihistoria.

"Mshindi wa kwanza mbio za Kilomita 5 ni Sh. 200,000, mshindi wa pili Sh. 150,000 na mshindi wa tatu sh. 100,000, pamoja na medali, begi lenye vifaa vya shule na sare za michezo, wakati mshindi wa nne hadi wa 10 watapata kifuta jasho cha sh. 15,000," amesema.

Katika mbio za kilomita 2, Jibrea alitaja zawadi kuwa ni sh. 100,000 kwa mshindi, huku atakayeshika nafasi ya pili akitarajiwa kulamba sh. 75,000 na wa tatu kujitwalia sh. 50,000, kategori ambayo pia washindi wa nne hadi wa 10 watapata kifuta jasho cha sh. 15,000.

Aidha, amebanisha kuwa, kategori ya mbio za kilomita moja mshindi atatwaa sh. 75,000, huku wa pili akibeba sh. 50,000 na wa tatu akijishindia sh. 40,000, ambako pia washindi wa nne hadi wa 10 watapata kifuta jasho kama kilivyotajwa hapo juu.

Pia kutakuwa na mbio za mita 50 na 100, ambazo zitakimbiwa na watoto chini ya miaka mitatu, ambako washindi washindi wote watafunguliwa akaunti katika Benki ya Azania, itakayokuwa na kianzio cha sh.15,000, sanjari na begi la shule lenye vifaa vyote muhimu.

Waratibu wa mbio hizo wakionesha fulana zitakazotumiwa na watoto watakao kimbia mbio hizo. Kutoka kulia ni Mjumbe wa Kamati ya Ufundi ya Shirikisho la Riadha Tanzania (RT), Peter Mwita, Mratibu wa Mbio hizo, Wilhelm Gidabuday, Ofisa Masoko Mwandamizi wa Bank ya Azania, Othman Jibrea na Mjumbe wa Kamati ya Utendaji ya Shirikisho la Riadha Tanzania (RT), Tullo Chambo.

Mjumbe wa Kamati ya Utendaji ya Shirikisho la Riadha Tanzania (RT), Tullo Chambo (kushoto), akizungumza katika mkutano na waandishi wa habari Dar es Salaam leo mchana wakati akimkaribisha Ofisa Masoko Mwandamizi wa Bank ya Azania, Othman Jibrea (katikati), kuzungumza na wanahabari kuhusu mbio hizo zitakazofanyika kesho kutwa. Kulia ni Mratibu wa Mbio hizo, Wilhelm Gidabuday.

Mwanafunzi Rachel Stephen wa Shule ya Sekondari ya Mburahati (kulia) na Mwenzake Ali Muhidin kutoka Shule ya Msingi Muungano wakizungumzia ushiriki wa mbio hizo.

Read more » 

============================================ 

KAMPUNI YA SAFARI INDOOR DIGITAL (SID) KUTOA ELIMU KUPITIA MABASI.

 

Kampuni ya Safari Indoor Digital pamoja na kampuni ya mabasi ya Kilimanjaro Express leo hii wamezindua rasmi huduma ya kisasa ya kutoa elimu mbalimbali kwa abiria kupitia TV (Screen) za kwenye mabasi.

Hayo yamesemwa na Meneja operesheni wa kampuni ya Safari Indoor Digital Bi.Doreen Minja alipokuwa akiongea na waandishi wa Habari wakati wa uzinduzi rasmi wa huduma hiyo jijini Dar es Salaam.

Bi Doreen amesema kuwa katika programu hiyo kampuni yao ya safari indoor digital watatumia screen za ndani ya mabasi ya kampuni ya Kilimanjaro express na jitihada mbalimbali zinafanyika ili huduma hii kufika katika mabasi yote.

Aidha huduma hiyo itasaidia kumpatia abiria habari mbalimbali anapokuwa safarini kama haki yake ya msingi katika Nyanja za kijamii,kiuchumi na elimu na hasa elimu ya afya,sheria na biashara uku ikimwezesha abiria kutambua mambo mbalimbali ndani ya nchi na nje.

Hata hivyo kampuni ya Safari Indoor Digital watakuwa na kipengele cha matangazo kwa kanda ambacho kitasaidia abiria kuweza kutambua fursa mbalimbali za mkoa uendao na hata kujua viongozi wa mkoa husika na watashirikiana na jeshi la POLISI na SUMATRA na chama cha kutetea abiria Tanzania (CHAKUA) kwa ujumla kutoa elimu katika screen hizo kuhusu haki mbalimbali za abiria,sheria za usalama barabarani kwa kutengeneza kipindi maalum kitakachoelimisha jamii kuhusu suala hilo.

 

==================================================

JK AKUTANA NA BALOZI WA ZAMANI WA MAREKANI CHARLES STITH LEO

 Mwenyekiti wa CCM, Rais Mstaafu Jakaya Kikwete akimkaribisha Ofisini kwake,  Balozi wa zamani wa Marekani hapa nchini Tanzania, Balozi Charles Stith, alipomtembelea kwa ajili ya mazungumzo, Ofisi Ndogo ya Makao Makuu ya CCM, mjini Dar es Salaam, leo Juni 3, 2016.

Mwenyekiti wa CCM, Rais Mstaafu Jakaya Kikwete akiagana na mgeni wake Ofisini kwake,  Balozi wa zamani wa Marekani hapa nchini Tanzania, Balozi Charles Stith, alipomtembelea kwa ajili ya mazungumzo, Ofisi Ndogo ya Makao Makuu ya CCM, mjini Dar es Salaam, leo Juni 3, 2016. 

==================================

MADIWANI WA HALMASHAURI YA MJI WA KAHAMA WAUPONGEZA MGODI WA BUZWAGI

Meneja Uendelevu wa Mgodi wa Buzwagi, George Mkanza akifafanua jambo kwa madiwani wa halmshauri ya mji wa Kahama wakati ziara ya kutembelea Mgodi huo. 

Mwenyekiti wa halmashauri ya mji wa Kahama Abel Shija(mwenye skafu) pamoja na waheshimiwa madiwani na wataalamu wa halmashauri hiyo wakifuatilia kwa makini maelezo kutoka kwa wataalamu wa Mgodi huo. 

Afisa mazingira wa Mgodi wa Buzwagi Bwana Lusajo Njobelo akifafanua jambo kwa waheshimiwa madiwani na mbunge wa Kahama mjini Jumanne Kishimba wakati wa ziara hiyo. 

Madiwani wakipata maelezo kutoka kwa Marco Peter katika eneo la uchimbaji. 

Shimo ambalo shughuli za uchimbaji hufanyika kama linavyoonekana.

Eneo maalumu la kusagia mawe kabla ya kupelekwa kiwandani kwa ajili ya uchenjuaji wa dhahabu. 

Read more »\

============================================== 

diwani wa mwanga kusini mkoani Kigoma akishiriki shughuli za kijamii

Diwani wa Mwanga Kusini mkoani Kigoma, Mussa Maulid akichimba mtaro ili kuzuia maji yaliyokuwa yakijaa madarasani kipindi cha mvua za Masika katika shule ya msingi Muungano Manispaa ya Kigoma Ujiji, shule ambayo alisoma diwani huyo. 

Diwani wa Kaa ya Mwanga Kusini mkoani Kigoma, Mussa Maulid akikagua mradi wa barabara inayotengenezwa katika mtaa wa Kilimahewa, akimuelekeza Mwenyekiti wa mtaa huo Uhai Ahmed.

 

============================================

ACT WAZALENDO WATANGAZA SIKU RASMI YA MAPOKEZI YA KIONGOZI WAO ZITTO NA WALE WA UKAWA

Katibu wa Itikadi mawasiliano na uenezi wa chama cha ACT WAZALENDO Ndugu ADO SHAIBU akizngumza na wanahabari leo Jijini Dar es salaam kuhusu mapokezi ya kumpokea kiongozi yao na mbunge pekee wa chama hicho ZITTO KABWE ambaye naye amekumbwa na timua timua ya bungeni,mapokezi ambayo yatafanyika Jijini Dar es salaam siku ya Jumapili

Na EXAUD MTEI 

Story ambayo bado ipo maskioni mwa watanzania walio wengi ni mwenendo wa bunge la Jamhuri ya muungano wa Tanzania na mizengwe yake ambayo imesababisha wabunge saba wa vyama vya upinzani kusimamiswa kushiriki shughuli za bunge kwa vipindi Tofauti tofauti akiwemo mbunge kutoka ndani ya chama cha Act wazalendo Mh ZITTO ZUBERI KABWE na wabunge wa vyama vya UKAWA.

Sakata hilo limeendelea kuchukua Headline katika maeneo mbalimbali ambapo asubuhi hii chama cha ACT wazalendo kupitia kwa kiongozi wao ADO SHAIBU wamejitokeza mbele ya wanahabari kueleza msimamo wa chama chao kuhusu sakata hilo.

Akizungumza na wanahabari leo Katibu huyo wa itikadi mawasiliano na uenezi wa ACT ADO SHAIBU ameeleza kuwa chama hicho kimeandaa mapokezi ya kiongozi wao ambaye amekumbwa na adhabu hiyo mapokezi ambayo yanataraji kufanyika Jijini Dar es salaam na baadae kufwatiwa na mkutano mkubwa wa hadhara ambao umepangwa kufanyika katika viwanja vya ZAKIEM mbagala lengo likiwa ni kuwapa nafasi wabunge hao kueleza ukweli wa yale yanayoendelea bungeni Dodoma.

Pamoja na mandalizi hayo chama hicho kimewaandikia barua makatibu wa vyama vya upinzani ambao nao wanapinga adhabu hiyo kutoka CHADEMA,CUF,na NCCR-MAGEUZI kuwaomba kuungana nao katika mapokezi hayo ambayo yamepewa jina la OPERATION LINDA DEMOCRASIA na bado hawajapata majibu yao lakini wanaamini wataungana nao katika Operation iyo ambayo itafwatiwa na mikoa mingine takribani minne.

Habari24 tv imekuwekea video ya mkutano huyo wa wanahabari leo asubuhi

=========================================

SHIWATA kumkabidhi Samatta eneo Jumapili

Nahodha wa zamani wa timu ya Taifa ya Tanzania (Taifa Stars) na Klabu ya Yanga, Salvatory Edward (kushoto) akisaidia kupima eneo atakalokabidhiwa mchezaji bora wa Afrika, Mbwana Samatta kwenye kijiji cha wasanii Mwanzega Mkuranga.Kulia ni Mwenyekiti wa SHIWATA, Cassim Taalib.

SHEREHE za kukabidhi kiwanja cha ekari tano kwa mchezaji bora barani Afrika, Mbwana Ali Samatta unafanyika Jumapili 5,2016 kwenye kijiji cha wasanii Mwanzega, Mkuranga.

Mwenyekiti wa Mtandao wa Wasanii Tanzania (SHIWATA), Cassim Taalib alisema jana jijini Dar es SAlaam kuwa maandalizi yamekamilika na Mbwana amewasili nchini kwa mechi ya timu ya TAifa ya Tanzania (Taifa Stars) na Misri utakaochezwa Jumamosi.

Alisema sherehe hizo zitaambatana na ugawaji wa nyumba na misingi ya nyumba kwa wasanii 35 ambao wanafikisha ya wanachama 180 waliokwisha kabidhiwa nyumba zao.

Alisema SHIWATA imemzawadia Mbwana ekari tano ili ajenge kituo cha michezo kwa lengo la kuibua vipaji vya vijana wa Tanzania watakaolitangaza taifa hili kwenye medani ya michezo kimataifa.

Taalib alisema mtandao huo unaomiliki eneo la ekari 300 za kujenga makazi unawakaribisha wadau wa michezo kuwekeza kwa kujenga kumbi za burudani,shule za michezo, studio za kurekodia, viwanda vya kutengeneza vifaa vya michezo na hosteli za kufikia wachezaji.

Alisema sherehe za kugawa nyumba zinafanyika kwa mara ya tano kutoka ujenzi huo uanze katika kijiji hicho ambapo wanachama 185 wamekabidhiwa nyumba zao walizojengwewa kwa njia ya kuchangishana.

Alisema mgeni rasmi anatarajiwa kuwa Waziri wa HAbari, Utamaduni na Sanaa, NApe Mnauye ambaye atakuwa waziri wa pili kutembelea kijiji hicho baada ya NAibu WAziri wake, Anna Wambura kutembelea mapema mwaka huu.

Viongozi wengine waliowahi kutembelea kijiji hicho ni kiongozi wa mbio za mwenge mwaka 2014, Wakuu wa wilaya ya Mkuranga wastaafu, Mercy Silla, Clemency na Mkuu wa wilaya hiyo wa sasa, Abdallah Kihato.

Wageni wengine walioalikwa kwenye sherehe hizo ni Rais wa Shirikisho la Mpira wa Miguu Tanzania ITFF), Jamal Malinzi viongozi wa Serikali wa Wilaya ya Mkuranga na wasanii maarufu nchini.

=========================================

SHIMUTA wataka wanamuziki wasio na maadili kupuuzwa

Na Jacquiline Mrisho - MAELEZO

Shirikisho la Muziki Tanzania limewataka wananchi kuwapuuza wanamuziki wasio na maadili ili kuondokana na mmomonyoko wa maadili unaosababishwa na shughuli zao za kimuziki.

Tamko hilo limetolewa leo Jijini Dar es Saalam na Rais wa Shirikisho hilo, Addo November alipokua akimtambulisha Katibu Mkuu wa Shirikisho la muziki ambaye ni John Kitime.“Mchakato wa kumtafuta Katibu Mkuu tumeufanya bila kukurupuka, nimefarijika sana kwa kukubali kwake ili kuhakikisha tunawakwamua wanamuziki kwasababu changamoto za muziki tulizokuwa nazo ni nyingi ikiwemo ya wanamuziki wasio na maadili”, alisema November.

November aliongeza kuwa changamoto kubwa ni Sheria mbovu ya Haki Miliki ambayo mchakato wa kuirekebisha sheria hiyo pamoja na marekebisho ya sera ya utamaduni upo katika hatua za mwisho pia shirikisho limefanya jitihada za kuweka kipengele kinachozungumzia masuala ya sanaa kama haki ya msingi katika mchakato wa katiba mpya.

Aidha, alisisitiza kuwa shirikisho hilo halipo kwa kumsaidia mwanamuziki mmoja mmoja bali ni kuhakikisha mfumo mzima wa muziki nchini unaweza kuwanasua wanamuziki wote na tasnia kiujumla ili muziki uwe na heshima.Naye, Katibu Mkuu mpya wa Shirikisho hilo, John Kitime amesema kuwa anategemea kutoa elimu kwa wanamuziki kuhusu kazi zao kupitia semina mbalimbali pamoja na kuimarisha shirikisho hilo ili vikundi vya wanamuziki viweze kusimama na kukuza muziki ili iwanufaishe wanamuziki wenyewe.

“Sheria ya Haki za Binadamu namba 245 iko wazi kuwa kila mtu anastahili kupata mafao yake yanayotokana na ubunifu wake kwahiyo kutowalipa ni kuvunja haki hiyo ya binadamu, kazi kubwa tuliyonayo ni kuwaelimisha wanamuziki kufahamu haki zao”, alisema Kitime. 

Shirikisho la Muziki Tanzania linajumuisha mwanamuziki mmoja mmoja pamoja na vikundi ambalo limeundwa na vyama 7 ambavyo vimesajiliwa na Baraza la Sanaa Tanzania vifuatavyo; Chama cha Muziki wa Taarabu, Chama cha Muziki wa Rhumba, Chama cha Muziki wa Dansi, Chama cha Muziki wa Asili, Chama cha Muziki cha Wapiga Muziki wa Diski, Chama cha Muziki wa Kizazi kipya pamoja Chama cha Muziki wa Injili.

=======================================

MAKAMU WA RAIS KUZINDUA JUKWAA LA UWEZESHAJI WANAWAKE KIUCHUMI,

Makamu wa Rais Mheshimiwa Samia Suluhu Hassan anatarajiwa kuwa mgeni rasmi kwenye uzinduzi wa Jukwaa la Uwezeshaji Wanawake Kiuchumi utakaofanyika katika ukumbi wa mikutano wa Julius Nyerere, jijini Dar es salaam siku ya Jumatatu, Juni 6, mwaka huu.

Uzinduzi wa jukwaa hilo utafanyika sambamba na uzinduzi wa Akaunti ya Malaika kwa ajili ya kuwafungulia akaunti wanawake wajasiriamali wadogo wa hapa nchini.  

Hafla hiyo inategemewa kuhudhuriwa na watu wapatao 1,000 kutoka makundi ya wadau mbalimbali wakiwemo wanawake wajasiriamali wa Tanzania Bara na Visiwani.

Jukwaa hilo litatoa uelewa kwa washiriki hususan kuhusu fursa zilizopo na mikakati ya kumuwezesha mwanamke kiuchumi pamoja na juhudi zinazofanywa na serikali katika  harakati za kuinua wanawake kiuchumi.

 

Imetolewa na

Ofisi ya Makamu wa Rais

Dar es salaam

03/06/2016

==============================================

Wazanzibari wahimizwa kupanda miti

MJUMBE mstaafu wa Baraza la Wawakilishi Mhe. Ali Mzee (katikati), akipanda mti katika zoezi la upandaji miti lililofanyika uwanja wa michezo Malindi mjini Zanzibar jana, kwa lengo la kuhuisha mandhari ya eneo hilo ambalo limeanza kuathiriwa na athari za kimazingira. Kushoto ni Mwenyekiti wa jumuiya ya Green World Family Foundation iliyodhamini zoezi hilo Nazir Ahmad Bachoo iliyodhamini shughuli hiyo. (Picha na Haroub Hussein).

Na Salum Vuai, MAELEZO

JAMII nchini imehimizwa kujenga utamaduni wa kupanda miti ili kuirejeshea Zanzibar uoto wa asili na kuiepusha na janga la kimazingira.Akizindua zoezi la upandaji miti lililofanyika pembezoni mwa uwanja wa soka wa klabu ya Malindi mjini Zanzibar, mjumbe mstaafu wa Baraza la Wawakilishi Ali Mzee, amesema miti ni uhai kwa kila binadamu.

Mzee alisema ni jambo la kusikitisha kwamba mazingira ya Zanzibar yamegeuka kutoka rangi ya kijani iliyokuwepo zamani na kuwa yabisi, hali inayosababisha kuongezeka kwa joto.“Bila miti, viumbe hutaabika na nchi inakuwa kavu na maradhi hasa presha huongezeka kila uchao. Lazima tuzinduke kwani tusipopanda miti, tunakaribisha janga kwa taifa,” alisema Mzee. 

Aidha alivitaka vyombo vya habari kuandaa vipindi na makala mbalimbali kwa ajili ya kutoa elimu kwa wananchi juu ya umuhimu wa kupanda miti.

Mapema, Mwenyekiti wa jumuiya ya Green World Family Foundation iliyodhamini zoezi hilo Nazir Ahmad Bachoo, alisema jumuiya yake inathamini mazingira na imeamua kulifanya zoezi la upandaji miti kuwa endelevu.

Alisema ni jambo lililo wazi kwamba dunia nzima sasa inalia na hali ya joto litokanalo na ongezeko la hewa ukaa (carbon dioxide), inayosababishwa na upungufu wa miti na kuongezeka kwa vyombo vya usafiri barabarani vinavyozalisha moshi kwa wingi.“Umefika wakati sasa kila mmoja ahamasike kupanda na kuitunza miti katika eneo analoishi na yale yanayomzunguka, ili ilete manufaa kwa kizazi cha sasa na kijacho,” alisisitiza.

Kwa upande wake, mratibu wa zoezi hilo na mwanaharakati wa mazingira Mohammed Abdulrahman Bajbeir, alisema Zanzibar imejaaliwa kuwa na wataalamu wengi wa masuala ya mazingira, lakini bado hawajatumika kikamilifu kuisaidia nchi.

Kwa hivyo amezishauri mamlaka za juu kutanabahi na janga la kimazingira linaloinyemelea Zanzibar kutokana na utashi wa binadamu ambao wamekuwa wakikata miti ovyo bila kupanda mingine.

“Zanzibar ya sasa sio kama ile ya zamani ambayo ilijaa kila aina ya miti pembezoni mwa barabara na mitaani. Tunafyeka miti kujenga nyumba za makaazi na maduka tukisahau kwamba miti ni muhimu kwa uhai wetu. Tubadilike,” alieleza Bajbeir.

Wananchi mbalimbali wa mitaa ya Malindi, Mchangani na Mbuyuni wakiwemo wanasoka wa zamani wa klabu ya Malindi SC walioshiriki zoezi hilo, walieleza umuhimu wa kuilinda miti hiyo ili kuunusuru uwanja wa michezo, kwani umekuwa ukiharibiwa sana na watu wanaoweka magari pamoja na mifugo.

Jumla ya miti 41 ya aina mbalimbali ilipandwa kuzunguka uwanja huo, na itakuwa ikilindwa na wananchi kwa kushirikiana na vijana wa ulinzi shirikishi na polisi jamii wa shehia ya Malindi.

==========================================

SERIKALI YATOA UFAFANUZI KUHUSU TUHUMA ZILIZOTOLEWA NA MWANDISHI WA " THE ECONOMIST" GAZETI LA KIINGEREZA.

Na Dotto Mwaibale

SERIKALI imekanusha habari zilizoandikwa na gazeti la Kiingereza linalotpka kila wiki lililodai kuwa Rais Dk.John Magufuli anaongoza nchi kwa msukumo licha ya kuonekana mzuri na kuwa taarifa hiyo imelenga kuupotosha umma.

Habari iliyoandikwa kwenye gazeti hilo ilikuwa na kichwa kilicho andikwa "Government by gesture, A President who looks good but governs impulsively"

Akizungumza na waandishi wa habari Dar es Salaam leo mchana wakati akitoa ufafanuzi wa habari hiyo Kaimu  Mkurugenzi wa Idara Habari Maelezo, Zamarad Kawawa alisema taarifa hiyo haikuwa na uzalendo na amewataka wanahabari kuwa makini na habari zenye mlengo wa kupotosha taifa."Nawaombeni wanahabari wenzangu kuweni makini na taarifa zenye mlengo wa kupotosha umma" alisema Zamarad.

Akitoa ufafanuzi kuhusu suala la uchumi Meneja Uhusiano wa Kituo cha Uwekezaji Tanzania (TIC), Daud Biganda alisema taarifa hiyo siyo sahihi na imelenga kupotosha na inavuruga ukweli kwani Tangu Rais Dk.John Magufuli aingie madarakani kwa kipindi cha kati ya mwezi Desemba 2015 na 2016, Kituo cha Uwekezaji Tanzania (TIC) kimeweza kuandikisha miradi ya uwekezaji ipatayo 551 yenye thamani ya dola za kimarekani milioni 9,211.88 kati ya miradi hiyo miradi 229 yenye asilimia 42 inamilikiwa na watanzania, miradi 215 yenye asilimia 39 inamilikiwa na wageni na miradi 107 yenye asilimia 19 inamilikiwa kwa njia ya ubia kati ya watanzania na wageni.

Biganda alisema kuwa miradi yote hiyo ya uwekezaji ilitarajiwa kuzalisha ajira zipatazo 55,970 na kuleta matokeo mengine kwa watanzania na kuwa imesajiliwa na TIC.

 Kaimu  Mkurugenzi wa Idara Habari Maelezo, Zamarad Kawawa (kushoto), akizungumza katika mkutano na waandishi wa habari Dar es Salaam mchana huu wakati akitoa ufafanuzi juu ya tuhuma zilizotolewa na mwandishi wa " The Ecomist" Gazeti la Kiingereza linatoka kwa wiki dhidi ya Serikali ya Tanzania. Kulia ni Meneja Uhusiano wa Kituo cha Uwekezaji Tanzania (TCI), Daud Biganda. 

 Meneja Uhusiano wa Kituo cha Uwekezaji Tanzania (TCI), Daud Biganda (kulia), akitoa ufafanuzi wa Uchumi tangu Rais Dk. John Magufuli aingie madaraka na miradi iliyosajiliwa na kituo hicho.

Read more » 

=================================================== 

MAKAMU WA RAIS MHE. SAMIA AZUNGUMZA NA WATANZANIA WANAOISHI NCHINI PAPOA NEW GUINEA

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akizungumza na Wazee na Watanzania wanaoishi Nchini Papur New Guinea katika ukumbi wa Airways Hotel mjini Guinea Baada ya kukamilisha ziara yake ya kikazi ya kumwakilisha Rais Dkt. John Magufuli katika mkutano wa nane kwa Wakuu wa Nchi za Afrika, Caribean na Pacific uliojadili masuala ya kukuza Usawa na Maendeleo endelevu kwa ajili ya Wananchi wa Nchi wanachama kuimarisha majukumu ya Nchi za ACP katika Utawala Bora na Maendeleo, Usalama na Utulivu wa kisiasa uliomalizika Jana.

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akipokea zawadi ya Picha yenye Nembo inayotumika Nchini Papua New Guinea kutoka kwa Wazee na Watanzania wanaoishi Nchini Papur New Guinea baada ya kuzungumza nao katika ukumbi wa Airways Hotel mjini Guinea alipokamilisha ziara yake ya kikazi ya kumwakilisha Rais Dkt. John Magufuli katika mkutano wa nane kwa Wakuu wa Nchi za Afrika, Caribean na Pacific uliojadili masuala ya kukuza Usawa na Maendeleo endelevu kwa ajili ya Wananchi wa Nchi wanachama kuimarisha majukumu ya Nchi za ACP katika Utawala Bora na Maendeleo, Usalama na Utulivu wa kisiasa uliomalizika Jana.

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akiwa katika picha ya pamoja na Watanzania wanaoishi Nchini Papur New Guinea baada ya kuzungumza nao katika ukumbi wa Airways Hotel mjini Guinea alipokamilisha ziara yake ya kikazi ya kumwakilisha Rais Dkt. John Magufuli katika mkutano wa nane kwa Wakuu wa Nchi za Afrika, Caribean na Pacific uliojadili masuala ya kukuza Usawa na Maendeleo endelevu kwa ajili ya Wananchi wa Nchi wanachama kuimarisha majukumu ya Nchi za ACP katika Utawala Bora na Maendeleo, Usalama na Utulivu wa kisiasa uliomalizika Jana. (Picha na OMR).