TIGO NA MATUKIO YA NANENANE DODOMA

Baadhi ya wanafunzi waliofika katika banda la kampuni ya simu za mkononi ya Tigo wakipata huduma mbalimbali katika maonyesho ya wakulima ya Nane Nane mjini Dodoma. Kampuni hiyo imetoa punguzo kwa bidhaa zake zote katika muda wa maonyesho hayo.

Baadhi ya wanafunzi waliofika katika banda la kampuni ya simu za mkononi ya Tigo wakipata huduma mbalimbali katika maonyesho ya wakulima ya Nane Nane mjini Dodoma. Kampuni hiyo imetoa punguzo kwa bidhaa zake zote katika muda wa maonyesho hayo.

 Burudani

TIGO na Huduma kwa Wateja

WAZIRI WA HABARI DR. EMMANUEL NCHIMBI AZINDUA BODI MPYA YA MCT

WAZIRI wa Habari, Vijana, Utamaduni na Michezo, Dkt. Emmanuel Nchimbi akizungumza na wajumbe wa Bodi mpya na ya zamani ya Baraza la Habari Tanzania(MCT), wakiwemo na wadau wengine wakati wa uzinduzi wa bodi hiyo uliofanyika jana jioni katika hoteli ya Courtyard jijini Dar es Salaam.

WAZIRI wa Habari, Vijana, Utamaduni na Michezo Dkt. Emmanuel (kulia) Nchimbi akimkabidhi cheti cha utendaji kazi mzuri katika kipindi cha bodi iliyopita Rais wa Baraza la Habari Tanzania (MCT), Jaji Robert Kisanga, wakati wa uzinduzi wa bodi mpya uliofanyika jana jioni katika hoteli ya Courtyard jijini Dar es Salaam.Jaji Kisanga amendelea pia kuwa Rais wa MCT.

WAZIRI wa Habari, Vijana, Utamaduni na Michezo, Dkt. Emmanuel Nchimbi wanne kutoka (kulia) akiwa katika picha ya pamoja na wajumbe wa Bodi mpya na ya zamani ya Baraza la Habari Tanzania(MCT), wakati wa uzinduzi wa bodi mpya uliofanyika jana jioni katika hoteli ya Courtyard jijini Dar es Salaam.

WAZIRI wa Habari, Vijana, Utamaduni na Michezo, Dkt. Emmanuel Nchimbi (kulia) akimpongeza Mhariri wa gazeti la Nipashe Jumapili, Flora Fwingia kwa uhodari wake wa kuandika makala, ambaye pia alikuwa ni mjumbe wa Bodi ya zamani ya Baraza la Habari Tanzania(MCT), wakati wa uzinduzi wa bodi mpya uliofanyika jana jioni katika hoteli ya Courtyard jijini Dar es Salaam.

WAZIRI wa Habari, Vijana, Utamaduni na Michezo Dkt. Emmanuel (kulia) Nchimbi akimkabidhi vitendea kazi mjumbe wa Bodi mpya ya Baraza la Habari Tanzania (MCT) Bi. Badra Masoud kushoto na katikati ni Katibu Mtendaji wa Baraza la Habari Tanzania(MCT),Kajubi Mukajanga. Makabidhiano hayo yalifanyika wakati wa uzinduzi wa bodi hiyo uliofanyika jana jioni katika hoteli ya Courtyard jijini Dar es Salaam.

WAZIRI wa Habari, Vijana, Utamaduni na Michezo, Dkt. Emmanuel Nchimbi (kulia) akifafanua jambo kwa Alex Mgongolwa ambaye alikuwa mjumbe wa Bodi ya ya zamani ya Baraza la Habari Tanzania(MCT), wakati wa uzinduzi wa bodi mpya uliofanyika jana jioni katika hoteli ya Courtyard jijini Dar es Salaam.

KOCHA JEAN PAULSEN AKITANGAZA KIKOSI CHA TAIFA STARS LEO

Kocha wa timu ya taifa Taifa Stars Jean Paulsen akizungumza na waandishi wa habari mchana huu katika ofisi za shirikisho la mpira wa miguu TFF, wakati alipotangaza kikosi cha timu hiyo kitakachopambana na Chard katika mchujo wa kushiriki kombe la Dunia. Timu hiyo inaingiaka kambini kesho katika hoteli ya Atriums iliyoko Sinza Afrika Sana jijini Dar es salaam. kwa ajili ya kujiandaa na mchezo wao wa kujipima nguvu Agosti 10 kutokana na kalenda ya FIFA hata hivyo timu ya taifa itacheza mchezo huo ugenini na itatangazwa baadae ni timu gani Taifa Stars itakutana nayo

Timu ya Tanzania (Taifa Stars) imepangwa kundi C Kanda ya Afrika ambalo lina timu za Cote d’Ivoire, Morocco na Gambia. Lakini kabla ya kuingia katika kundi hilo Stars italazimika kucheza raundi ya kwanza ya mchujo dhidi ya Chad.

Stars ikifanikiwa kuitoa Chad baada ya mechi mbili za nyumbani na ugenini zitakazochezwa kati ya Novemba 11-15 mwaka huu ndiyo itaingia katika kundi hilo la C. Pia mshindi wa kundi C ndiye atakayeingia katika raundi inayofuata kabla ya kupata tiketi ya kwenda Brazil, katika picha kushoto ni msemaji wa Shirikisho la pira wa miguu Tanzania TFF Boniface Wambura.

Waandishi wa habari wakimsikiliza kocha wa timu ya taifa Taifa Stars wakati alipokuwa akitangaza kikosi chake kwa ajili ya mchezo wa kujipima nguvu.

Na Tiganya Vincent, Dodoma _MAELEZO_Dodoma

Chuo cha Mipango cha Mjini Dodoma kinatarajia kufungua tawi jipya katika Mkoa wa Mwanza mapema mwezi ujao ili kuongeza udahili wa wanachuo waochukua Astashahaya ya Mipango vijijini.

Hatua hiyo inalenga kuzalisha wataalamu wengi watakaosaidia kuzalisha wataalamu wengi wa sekta ya mipango wataowezesha wananchi kupanga mipango mbalimbali ya maendeleo kuanzia ngazi ya kijjiji hadi Taifa.

Kauli hiyo ilitolewa jana na Afisa Masoko na Mahusiano wa Chuo cha Mipango cha Dodoma Godrick Ngoli wakati anaongea na waandishi wa habari mjini Dodoma kwenye Banda la Wizara ya Fedha wakati wa maonyesho ya wakulima ya nane kitaifa yanayofanyika mkoani hapa.

Alisema kuwa kimsingi masomo katika tawi la Mwanza yangeanza Mwezi wa Saba lakini kutokana na utaratibu wa uboreshaji wa miundombinu kwa ajili ya kujifunzia na kufundishia wamelazimika kusogeza mbele hadi septemba mwaka huu ambapo ndio mwaka wa masoko kwa tawi hilo utakapoanza.

Ngoli alisema kuwa katika kuanzia wanatarajia kuchukua wanafaunzi 300 ambao watajiunga na kozi hikwa wale watakaofanikiwa kufaulu vizuri katika mitihani yao ya kila ngazi.

Aidha Afisa huyo alisema lengo la Chuo hicho ni kuanzisha astashahada mbalimbali zinazowiana na shaho la kuzalissha wataalamu waliobebea katika fani za mazingira na mipango ambayo ndio chachu ya kuwasaidia wakulima vijijini kupata mazao mengi.

Ngoli aliongeza kuwa bila kuwa na wataalamu waliobobea katika mipango mizuri ya utunzaji wa mazingira hatuwezi kuwa na kilimo kilichoendelevu.

Alisema kuwa Chuo hicho kimefanyia maboresho mitala yake ili kuhakikisha kuwa nchini kunakuwepo na wanasimia miradi ili kuifanya iwe endelevu badala ya kuwa ya muda mfupi.

Ngoli alisema kuwa mipango mizuri inayotokana na wataalamu walioelimika watasaidia kuharikisha mapinduzi ya kijani nchini.

Mke wa Rais wa Burundi Mama Denise Bucumi (kushoto) akiongea na waandishi wa habari katika Ofisi za Taasisi ya WAMA jijini Dar es Salaam August 3 baada ya kufanya mazugumzo na Mwenyeji wake mke wa Rais na Mwenyekiti wa Taasisi ya WAMA Mama Salma Kikwete (kulia), Mke wa Rais wa Burundi amewasili August 3 2011 ambapo atakuwa na ziara ya siku sita nchini Picha na Mwanakombo Jumaa -MAELEZO,

Mke wa Rais Wa Serikali ya Jamhuri ya Tanzania na Mwenyekiti wa Taasisi ya Wanawake nchini WAMA Mama Salma Kikwete(kulia) akifafanua jambo wakati alipoongea na waandishi wa habari August 3,2011 katika ofisi ya Taasisi yake jijini baada ya kumkaribisha mke wa Rais wa Burundi Mama Denise Bucumi Nkurunziza (kushoto) aliepo nchini kwa ziara ya siku sita, (Picha na Mwanakombo Jumaa-MAELEZO)

Mke wa Rais na Mwenyekiti wa Taasisi ya WAMA Mama Salma Kikwete (kulia) akimkabidhi vipeperushi vya Taasisi yake Mke wa Rais wa Burundi Mama Denise Bucumi (kushoto) alipotembelea katika Ofisi za Taasisi hiyo August 3,2011 jijini Dar es Salaam ambapo alifanya mazungumzo kuhusu masuala mbalimbali ya maendeleo ya wanawake na watoto pamoja na masuala mengine ya kijamii, Picha na Mwanakombo Jumaa-MAELEZO.

WAZIRI WA HABARI ATEMBELEA MFUKO WA VYOMBO VYA HABARI TANZANIA LEO

 

Mtendaji mkuu wa Mfuko wa Vyombo vya Habari Tanzania (TMF) Bw. Ernest Sungura (wa pili kutoka kulia) akiwatambulisha baadhi ya wafanyakazi wa mfuko huo kwa waziri wa Habari, Vijana, Utamaduni na Michezo Dkt. Emmanuel Nchimbi (wa kwanza kulia) leo alipozitembelea ofisi za mfuko wa Vyombo vya Habari jijini Dar es salaam.

Mpiga picha kutoka Flame Tree Media Trust Bw. Mwanzo Millinga akimwonyesha Waziri wa Habari, Vijana, Utamaduni na Michezo Dkt. Emmanuel Nchimbi baadhi ya picha za matukio mbalimbali alizopiga katika maeneo mbalimbali nchini kwa lengo la kutoa habari kwa umma kutokana na ufadhili wa Mfuko wa vyombo vya Habari (TMF) leo jijini Dar es salaam.

Waziri wa Habari, Vijana, Utamaduni na Michezo Dkt. Emmanuel Nchimbi( wa kwanza kulia) akiwa na Mtendaji mkuu wa Mfuko wa Vyombo vya Habari Tanzania (TMF) Bw. Ernest Sungura(kushoto) pamoja na wafanyakazi wa mfuko huo na waandishi wa habari wakiangalia moja ya kipindi cha Nchi Yetu kilichoandaliwa kwa ufadhili wa TMF kumulika Haki za Binadamu na masuala mbalimbali ya kijamii.

Waziri wa Habari, Vijana, Utamaduni na Michezo Dkt. Emmanuel Nchimbi (katikati) akitoa ufafanuzi wa baadhi ya picha zilizopigwa mkoani Lindi leo jijini Dar es salaam mara baada ya kutembelea Mfuko wa Vyombo vya Habari Tanzania.

Waziri wa Habari, Vijana, Utamaduni na Michezo Dkt. Emmanuel Nchimbi akiongea na wafanyakazi wa Mfuko wa Vyombo vya Habari Tanzania (TMF) leo alipotembelea ofisi hizo kuona kazi mbalimbali zinazofanywa na mfuko huo.Pamoja na mambo mengine kazi mbalimbali zinazofanywa na mfuko huo.Pamoja na mambo mengine ametoa wito kwa mfuko huo kuhamasisha jamii kufanya kazi kwa bidii na kuibua masuala mbalimbali na fursa zilizopo nchini kwa maendeleo taifa.

MAKAMU WA RAIS KATIKA MAONYESHO YA NANENANE DODOMA.

Makamu wa Rais Dkt. Mohamed Gharib Bilal akiwahotubia wakazi wa Dodoma leo wakati wa maadhimisho ya utekelezaji wa mwaka wa pili wa kauli ya kilimo kwanza kwenye maadhimisho ya wakulima nanenane yanayoendelea mjini Dodoma.

Makamu wa Rais Dkt. Mohamed Gharib Bilali ( wa tatu kutoka kulia) akipata maelezo kutoka kwa Afisa Mauzo wa Pampu za kumwagiliaji aina ya Money marker kwa mikoa ya Dodoma, Iringa na Ruvuma wa Kampuni ya Kick Start International Deus Shauri( wa pili kulia) jinsi pampu hizo zilivyo saidia kuinua kipato kwa baadhi ya wakulima wanaozitimika. Afisa huyo alitoa maelezo hayo kwa Makamu wa Rais leo mjini Dodoma alioptembea maonyesho ya wakulima ya nane nane yanayoendelea.

Askari wa kikosi cha kutuliza Ghasia mkoani Dodoma Anna Makenge(kushoto) na Monica Haule(kulia)wakipata maelezo leo kutoka kwa Meneja Mawasiliano wa Mfuko wa Changamoto za Milenia Tanzania (MCA-T) Margaret Mussai juu ya shughuli mbalimbali zinzosimamiwa na mfuko huo katika kuwaletea maendeleo Watanzania. Polisi hao walipata maelezo hayo jana mjini Dodoma wakati walioptembelea banda la Wizara ya Fedha kwenye maonyesho ya wakulima nane nane yanayoendelea.

Mmoja wa watumishi wa umma wastaafu ambaye alikuwa Afisa Kilimo Mwandamzi Elias Sabuni akimuuliza Msemaji wa Wizara ya Fedha Ingiahedi Mduma(kushoto) juu hatua za uboreshaji wa stahili za wastaafu mbalimbali katika Wizara mbalimbali. Mstaafu huyo aliuza hayo leo mjini Dodoma alipotembelea banda la Wizara ya Fedha kwenye maonyesho ya nane nane yanayoendelea m jinni Dodoma Kitaifa.

Afisa Mikopo Mwandamizi wa Benki ya Uwekezaji Tanzania(Tanzania Investment Bank-TIB) Adelitha Kibuya akimweleza Makamu wa Rais Dkt Mohamed Gharib Bilali leo mjini Dodoma juu ya mikopo mbalimbali inayotolewa na Benki hiyo katika kusiadia uwekezaji katika sekta mbalimbali ili kuinua uchumi wa wananchi. Afisa huyo alitoa maelezo hayo jana mjini Dodoma wakati Makamu wa Rais alipotembelea maonyesho ya wakulima ya nane nane yanayoendelea Kitaifa mkoani hapa.

Afisa Elimu Mazingira Mkuu kutoka Idara ya Mazingira Ofisi ya Makamu wa Rais Martha Ngalowera akitoa maelezo kwa Makamu wa Rais Dkt Mohamed Gharib Bilali leo mjini Dodoma juu ya hatua mbalimbali zinazochukuliwa na Ofisi hiyo katika kulielimisha jamii juu ya utunzaji mazingira kwa ajili ya kizazi cha sasa na kijacho. Makamu wa Rais alitembelea maonyesho ya wakulima ya nane nane yanayoendelea mjini Dodoma ili kujionea sshughuli mbalimbali zinazoendelea.

WATANZANIA WAHAMASISHWA KUPIGIA KURA MLIMA KILIMANJARO

BEATRICE MLYANSI NA ESTHER MUZE

MAELEZO

Watanzania wamehamasishwa kujitokeza kupigia kura Mlima Kilimanjaro ili uweze kushinda katika maajabu saba mapya ya dunia yatakayofanyika tarehe 11 Novemba 2011 Lisbon Ureno .

Akizungumza na waandishi wa habari leo jijini Dare es salaam Mwenyekiti wa shirika lisilo la kiserikali la Save Mt.Kilimanjaro Bw.Ernest Olotu amesema mlima Kilimanjaro ulipendekezwa kuingia kwenye mashindano ya maajabu saba mapya ya duniani . tarehe 7/7/2007.

Akielezea kuhusu mashindano hayo Bw. Olotu amesema shindano la Maajabu saba mapya ya duniani yalizinduliwa na shirika la New Open World Cooperation (NOWC) tarehe saba mwezi wa saba Lisbon Ureno ambapo kura zaidi ya milioni 100 zilipigwa kutafuta maajabu 28 mapya ya dunia.

Mwenyekiti huyo ameelezea kuwa vivutio 77 vilipendekezwa mwanzoni ambapo 28 vilipigiwa kura kuingia kwenye shindano hilo”,Afrika ikitoa nchi mbili Tanzania inayoshindanisha mlima Kilimanjaro pamoja na Afrika kusini inayoshindanisha Table Mountains.

Aidha Bw Olotu amesema Mlima Kilimanjaro una nafasi nzuri yakushinda kuingia katika maajabu hayo kama utapigiwa kura nyingi kutoka kwa watanzania.

“waandishi wa vyombo mbalimbali vya habari mlioko hapa na wasiokuwepo hapa ni jukumu letu kuwahabarisha na kuwahamasisha Watanzania wote popote waliko bila kujali itikadi,dini ,rangi wala kabila kuonyesha uzalendo tushirikiane pamoja katika kupiga kura ili kuhakikisha Mlima Wetu unashinda”.alisema Bw.Olotu.

Amesema watu watakaotaka kupiga kura waingie kwenye tovuti ya http://www.smk.or.tz/ kupata maelezo ya kupiga kura au wanaweza kuingia moja kwa moja kwenye tovuti ya http://www.new7wonders.com/.

Sambamba na mtandao namba za simu zitakazotumika kupiga kura kimataifa kutokea nchini ni +2392201055,+18697605990,+16493398080 na +447589001290.

 

MSAJILI HANA UWEZO KUFUTA CHAMA CHA SIASA AMBACHO WABUNGE WAKE WANAFANYA FUJO BUNGENI

JOSEPH ISHENGOMANA MPOKI NGOLOKE

MAELEZO

Msajili wa vyama vya siasa amesema kuwa ofisi yake haina nguvu kisheria kifuta chama chochote cha siasa kutokana na wabunge wake kukosa heshima bungeni.

Akizungumza na waandishi wa habari ofisini kwake leo jinini Dar es Salaam Bwana John Tendwa amesema Bunge ni Mhimili mwingine wa serikali baada ya Mahakama na Utawala, na kuna kanuni lililojiwekea za kuwaongoza kufanyakazi.

Hivi karibuni kumekuwepo na vitendo vya vurugu bungeni, kuwasha vipaza sauti ovyo na kupiga kelele bila kuruhusiwa na Spika au Mwenyekiti wa Bunge. Hali hii imesababisha wabunge kadhaa kutolewa nje ya bunge kutokana na kukiuka kanuni.

“Wabunge wakiwa ndani ya bunge sio wangu, sina madaraka nao, lakini wakiwa nje ya kuta za bunge ni wangu. Ndani ya Bunge mikono na midomo yangu imefungwa kabisa, lakini kwa mtazamo wa wananchi wanajua kuwa mimi ninamamlaka ya kuwawajibisha kutokana na utovu wa nidhamu wanouonyesha bungeni, lakini sio,” amesema

“Mimi nimechukia sana kuona vitendo hivi kwasababu natupiwa lawama na watu kuwa wanaofanya vurugu bungeni ni watu wanaotoka katika vyama vyangu. Ninafurahi kwakuwa vyama vyangu nilivyovisajili viko ndani ya bunge, lakini sifurahishwi na utovu wa nidhamu wanaofanya”

Kwa mujibu wa Msajili wa vyama vya Siasa, baadhi ya wabunge vitendo wanavyofanya ndani ya Bunge kila anayesikia au kushuhdia vitendo hivyo, lazima asikitike.

“Taratibu na mamlaka ya kudhibiti utovu huo wa nidhamu uko ndani ya Bunge. Bunge ni taasisi inayojitegemea haiingiliwi na upande wowote (Mahakama na Utawala).

Baadaye mwezi huu, Msajili wa Vyama vya Siasa atakutana na viongozi mbalimbali wa vyama vya siasa katika baraza la vyama na kuwaelezea masikitiko yake.

“Tutakuwa katika baraza la vyama kabla ya bunge lijalo. Tutazungumzia hali hii na kutoa jibu,” amesema

Waziri Hamad Masuod Hamad akizindua kamati ya mabaharia

Waziri wa Wizara ya muindombinu na mawasiliano Hamad Masuod Hamad katika akisoma risala wakati wa uzinduzi wa kamati mbili ya usafiri wa anga na kamati ya mabaharia ambazo zitakuwa na jukumu la kusimamia uanzishwaji vyuo vya sehemu hizo na kulia ni ndugu Sururu ambaye ni meneja shirika la meli Zanzibar (Picha na Hamad Hija maelezo Zanzibar) 

WAZIRI MKUU NA MATUKIO BUNGENI DODOMA LEO

Waziri Mkuu, Mizengo Pinda akizungumza na Mbunge wa Simanjiro, Christopher Ole Sendeka Bungeni Mjini Dodoma Augost 3, 2011. (Picha na Ofisi yaWaziri Mkuu)

Waziri Mkuu, Mizengo Pinda akizungumza na Mbunge wa Viti Maalum , Mhandisi Stella Manyanya bungeni Mjini Dodoma Augost 3, 2011. (Picha na Ofisi ya Waziri MKuu)

Mbunge wa Viti Maalum Anna Abdallah (kushoto) akisalimiana na Mbunge wa Kahama, James Lembeli kwenye viwanja vya Bunge Mjini Dodoma Augost 3,2011.(Picha na Ofisi ya Waziri Mkuu)

Vyama vya UDP na NCCR Mageuzi vyashindwa kuwasilisha ripoti za gharama za uchaguzi

NA MPOKI NGOLOKE

MAELEZO

Vyama vya siasa 12 kati ya 18 vilivyosajiliwa nchini vimerejesha taarifa zao za matumizi ya fedha wakati wa uchaguzi Mkuu uliomalizika Oktoba mwaka 2010.

Msajili wa Vyama vya siasa nchini Bwana John Tendwa amesema hayo leo jijini Dar es Salaam, wakati alipoongea na waandishi wa habari na kuongeza kuwa vyama viwili vimeongezewa muda wa kukamilisha taarifa zake.

Bwana Tendwa amevitaja vyama vilivyowasilisha taarifa zake za matumizi ya fedha wakati wa uchaguzi mkuu kuwa ni UPDP,DP, NRA, UMD, APPT- Maendeleo, Chama Cha Mapinduzi, CUF na CHADEMA.

Vyama vingine ni AFP, TLP,NLD na SAU. “Vyama vya UMD na Chausta havikushiriki mahali popote katika uchaguzi Mkuu wa mwaka jana hivyo haviguswi na sheria hii,” amesema.

“Naomba nisitaje majina ya wagombea walioshindwa kuleta ripoti zao kwasababu wengine wanamatatizo ya msingi na bado tunayachambua, ila UDP na NCCR- Mageuzi wameshindwa kuwasilisha ripoti yao kwa muda na tumewapa muda wa wiki mbili kukamilisha taarifa yao,” amesema.

Kwa mujibu wa Sheria ya gharama za uchaguzi, endapo chama cha siasa kitashindwa kuwasilisha ripoti, kitapoteza sifa ya kushiriki uchaguzi mkuu utakaofuata na kulipa faini ya shilingi milioni tatu. Wakati mgombea wa chama chochote akishindwa kuwasilisha ripoti yake atalipa faini ya Tsh milioni mbili.

Kwa mujibu wa sheria hiyo, wagombea wote walitakiwa kukamilisha ripotii hizo ndani ya siku 90 baada ya uchaguzi mkuu kumalizika, lakini Msajili aliwaongezea muda kwasababu ilikuwa mara ya kwanza sheria hiyo kutumika.

Bwana Tendwa amesema, “baada ya wiki mbili kuanzia sasa nitakabidhi ripoti hivi za vyama vya siasa kwa Mkaguzi na Mdhibiti wa Hesabu za Serikali (CAG) ili azifanyie kazi. CAG akimaliza kazi yake atawasilisha ripoti ya ukaguzi wake Bungeni na nakala nyingine ataipeleka kwa Rais wa Jamhuri ya Muungano wa Tanzania.”

Jumla ya wagombea 10,000 walishiriki katika uchaguzi mkuu wa mwaka 2010 katika nafasi za urais, Ubunge na Udiwani.

Wakati huo huo Msajili wa Vyama vya Siasa amezungumzia uchaguzi mdogo wa ubunge wa jimbo la Igunga mkoani Tabora na kusema kuwa uchaguzi huo utakuwa mfano wa utekelezaji wa sheria ya gharama za uchaguzi na hakutakuwepo vitendo vyovyote vya rushwa vitakavyoruhusiwa katika uchaguzi huo.

“Rushwa katika uchaguzi Bye bye, hakutakuwa na rushwa Igunga. Igunga ni eneo dogo linalodhibitiwa. Sasa hivi Igunga kuna tatizo la njaa, tatizo hili lisitumiwe na wanasiasa vibaya kujipenyeza kwa wananchi na kutoa rushwa,” amesema na kuongeza kuwa kama mtu atataka kutoa msaada wa chakula apitie mamlaka husika ikiwemo Ofisi ya Waziri Mkuu kitengo cha Maafa.

Ameeleza kuwa ofisi yake itashirikiana na Taasisi ya Kupambana na Kuzuia Rushwa nchini TAKUKURU na Taasisi ya Elimu ya Watu Wazima kuelezea sheria ya gharama za uchaguzi kwa wananchi wa Igunga na Mkoa wa Tabora kwa ujumla ili watu wasijihusishe na vitendo vya kupokea na kutoa rushwa.

MISS ILALA WAKABIDHIWA ZAWADI ZAO

 kutoka kushoto-Nasra Salm,  prisila mchemwa,Edina  Mnada, Maria Manyanya, augustina williad, Salha Izrael, Alexia William, Jenifa Kakolaki

Miss Ilala 2011-Salha Izrael, akiwa na sura ya furaha baada ya kukabidhiwa zawadi zake

TIGO JIPANGE KIMAISHA MWENDO MDUNDO- WATANZANIA WAZIDI KUNUFAIKA.

Mtaalam wa viwango kutoka Tigo Pamela Shellukindo (kushoto) akimkabidhi Nassoro Muharam (Kulia) mfano wa hundi ya Tsh. Milioni tano mshindi wa promosheni ya Jipange Kimaisha inayoendeshwa na kampuni ya simu za mkononi ya Tigo jijini Dar es Salaam jana. Katikati ni Afisa wa Tigo Tawonga Mpore.    

PARADISE CITY HOTEL KUWAINUA -BABLOON BAND

 Mkurugenzi wa Babloom Band, Seif Kisauji(kushoto) na Mwimbaji wa band hiyo Getrud Zongo, wakati wakitumbuiza katika Hotel ya Kimataifa ya Paradise City Hotel, ndani ya SAVANNAH LOUNGE, mwishoni mwa juma, pia bendi hii inapatikana katika ukumbi huo kila jumatatu, jumanne na jumatano.

 Mkurugenzi wa Babloom Band, Seif Kisauji(kushoto) na Mwimbaji wa band hiyo Getrud Zongo

 Mkurugenzi wa Babloom Band, Seif Kisauji(kushoto) na Mwimbaji wa band hiyo Getrud Zongo

 Mpiga keyboard wa Babloom Band, Emmanuel Hakimu, hakiungurumisha Kinanda katika onyesho lililofanyika kwenye Hotel ya Paradise City Hotel iliyopo jengo la Benjamini Mkapa-Posta.

Mkurugenzi wa Babloom Band, Seif Kisauji(kulia) na Mpiga Gitaa la Solo, Benny Benny

REDDS MISS ILALA 2011- HATUA YA PILI KABLA YA WASHINDI- KUELEKEA TANO BORA

 Picha Zote za juu ni Washiriki Miss Ilala 2011, katika kuwania kuingia hatua ya tano bora, chini ya Udhamini wa PARADISE CITY HOTEL -iliyopo jengo la Benjamini Mkapa Posta,

Kamati ya Miss Tanzania, ikiongozwa na Hashimu Lundenga wakifuatilia kwa Makini Mashindano hayo(hatua inayofuata utaona washindi na majina yao usikose muda mfupi ujao)(Picha Zote na Shaaban Mpalule).