Kituo cha sheria na haki za binadamu
(LHRC) chenye makao yake jijini Dar Es Salaam,kimewataka wajumbe wa
bunge maalum la katiba kuacha tabia ya kuwafumba midomo wananchi
wanaotoa maoni yao kuhusiana na mchakato mzima wa kuandika katiba mpya
nchini Tanzania.
Akiyasema hayo leo asubuhi akiongea na waandishi wa habari,Mkurugenzi Mtendaji,Dr.Helen Kijo-Bisimba alisema,”Bunge linaposema wananchi waache kutoa maoni yao kuhusu katiba mpya ni kwenda kinyume na katiba ya nchi yetu,ibara ya 18 na 21 kifungu cha pili”. Alisisitiza kuwa kwenye katiba ya Tanzania, ni haki ya kila raia kutoa ama kupokea taarifa na ni wajibu wake pia kuzitumia taarifa hizo kwa maendeleo ya taifa.
Kwa upande wa Bw.H.Sungusia na Bi.Ananilea Nkya waliongezea kwa kushauri kuwa bunge hili lisimamishwe na lisiendee kwani limekosa uhalali wa kisheria,kisiasa na kuna wasiwasi wa kupoteza pesa nyingi kwenye kitu ambacho kinajulikana wazi kitakataliwa na wananchi.
“Wananchi tusimamie ukweli, tupaze sauti zetu na twende juu ya vyama vyetu,juu ya familia zetu na tuweke maslahi ya nchi mbele”,alisema Bi.Ananilea. Aliyasema hayo akisisitiza kuhusu usimamishwaji wa bunge maalum la katiba na kuwasihi wajumbe hao wajali watanzania kuliko kujali “matumbo yao”. Aliongezea kwa kusema,”anayezorotesha mchakato huu hafai kuwa hata mjumbe wa nyumba kumi,kwani Rais na Jaji Warioba wameshamaliza kazi zao”
Kwa upande wa kuomba msaada kutoka mahakamani ili kusitisha bunge
hilo,mwanasheria Bw.Sungusia alisema ni jambo linalohitaji umakini zaidi
kwani ni kama wapo mtegoni. “Ndugu waandishi,kuna kesi nyingi sana zipo
mahakamani tangu 2008 lakini hakuna uamuzi uliochukuliwa,tunasita
kupeleka suala hili mahakamani kwani hatujui uamuzi wake utatolewa lini
na litakuwa na faida na hasara kwa kiasi gani”.
Mkutano huu wa waandishi wa habari uliitishwa na LHRC pamoja wadau wake wa karibu ikiwemo asasi ya vijana ya Tanzania Youth Vision Association (TYVA) iliyowakilishwa na Bw.Naamala Samson ambaye ni mratibu wa mradi wa FURSIKA NA AJIRA.
Unaweza kupakua tamko zima hapa: TAMKO KWA VYOMBO VYA HABARI- MWENENDO MCHAKATO WA KATIBA 7-8-2014
Akiyasema hayo leo asubuhi akiongea na waandishi wa habari,Mkurugenzi Mtendaji,Dr.Helen Kijo-Bisimba alisema,”Bunge linaposema wananchi waache kutoa maoni yao kuhusu katiba mpya ni kwenda kinyume na katiba ya nchi yetu,ibara ya 18 na 21 kifungu cha pili”. Alisisitiza kuwa kwenye katiba ya Tanzania, ni haki ya kila raia kutoa ama kupokea taarifa na ni wajibu wake pia kuzitumia taarifa hizo kwa maendeleo ya taifa.
Kwa upande wa Bw.H.Sungusia na Bi.Ananilea Nkya waliongezea kwa kushauri kuwa bunge hili lisimamishwe na lisiendee kwani limekosa uhalali wa kisheria,kisiasa na kuna wasiwasi wa kupoteza pesa nyingi kwenye kitu ambacho kinajulikana wazi kitakataliwa na wananchi.
“Wananchi tusimamie ukweli, tupaze sauti zetu na twende juu ya vyama vyetu,juu ya familia zetu na tuweke maslahi ya nchi mbele”,alisema Bi.Ananilea. Aliyasema hayo akisisitiza kuhusu usimamishwaji wa bunge maalum la katiba na kuwasihi wajumbe hao wajali watanzania kuliko kujali “matumbo yao”. Aliongezea kwa kusema,”anayezorotesha mchakato huu hafai kuwa hata mjumbe wa nyumba kumi,kwani Rais na Jaji Warioba wameshamaliza kazi zao”
Kwa upande wa kuomba msaada kutoka mahakamani ili kusitisha bunge
hilo,mwanasheria Bw.Sungusia alisema ni jambo linalohitaji umakini zaidi
kwani ni kama wapo mtegoni. “Ndugu waandishi,kuna kesi nyingi sana zipo
mahakamani tangu 2008 lakini hakuna uamuzi uliochukuliwa,tunasita
kupeleka suala hili mahakamani kwani hatujui uamuzi wake utatolewa lini
na litakuwa na faida na hasara kwa kiasi gani”.Mkutano huu wa waandishi wa habari uliitishwa na LHRC pamoja wadau wake wa karibu ikiwemo asasi ya vijana ya Tanzania Youth Vision Association (TYVA) iliyowakilishwa na Bw.Naamala Samson ambaye ni mratibu wa mradi wa FURSIKA NA AJIRA.
Unaweza kupakua tamko zima hapa: TAMKO KWA VYOMBO VYA HABARI- MWENENDO MCHAKATO WA KATIBA 7-8-2014
LHRC YATOA MACHAPISHO KUHUSU KATIBA KWA TYVA
Katika kutambua mchango wa asasi ya Tanzania Youth Vision Association(TYVA) kuwafikia vijana na kuwaelimisha kuhusu kuifahamu katiba, rasimu za katiba na kuwawezesha kutoa maoni yao kuhusu haki wazitakazo, Kituo cha Sheria na Haki za Binadamu(LHRC) kimetoa machapisho kwenye maboksi zaidi ya 31.
TYVA inaendesha mradi wa IJUEKATIBA unaolenga kuelimisha vijana kuhusu umuhimu wao kwenye kufuatilia mchakato mzima wa katiba. Mradi huu ulioanza tangu mwaka 2011 umeshafikia vijana milioni tano walio kwenye mikoa zaidi ya 18 Bara pamoja na Zanzibar, na inatarajiwa utawafikia walio kwenye mikoa zaidi mijini na vijijini, mashuleni na mitaani kwa njia mbalimbali za midahalo,mafunzo na vyombo vya habari.
Shukrani za dhati ziufikie utawala mzima wa Kituo cha Sheria na Haki Za Binadamu kuunga mkono zinazofanywa na TYVA.
JE, UKAWA WATARUDI BUNGENI?
MDAHALO WA KATIBA KUFANYIKA LEO JIJINI DAR ES SALAAM
Muungano wa Asasi za Kiraia Tanzania umeandaa Mdahalo wa wazi
kuhusu Changamoto za Mchakato wa Katiba mpya. Mdahalo huo utafanyika
tarehe 31 /5/2014 katika Ukumbi wa Blue Pearl Hotel, Ubungo Plaza,
jijini Dar es Salaam kuanzia saa 8.00 mchana hadi saa 10.00 Jioni.
Mdahalo huo utatangazwa moja kwa moja na vituo vya ITV, ABM Radio ya
Dodoma, pamoja na Chuchu FM na Istiqama Radio za Zanzibar. Vyombo
vingine vya habari vitakavyopenda kuutangaza Mdahalo huu kwa maslahi ya
umma pia vinakaribishwa.
Watoa Mada ni waliokuwa wajumbe wa Tume ya Mabadiliko ya Katiba: Prof. Mwesiga Baregu na Bw. Awadhi Ally Saidi.
Wananchi wote mnakaribishwa kushiriki katika mdahalo huu ili kuhakikisha kuwa Tanzania inapata katiba mpya inayokidhi maslahi ya watanzania.
Wote Mnakaribishwa na HAKUNA KIINGILIO !!!
Watoa Mada ni waliokuwa wajumbe wa Tume ya Mabadiliko ya Katiba: Prof. Mwesiga Baregu na Bw. Awadhi Ally Saidi.
Wananchi wote mnakaribishwa kushiriki katika mdahalo huu ili kuhakikisha kuwa Tanzania inapata katiba mpya inayokidhi maslahi ya watanzania.
Wote Mnakaribishwa na HAKUNA KIINGILIO !!!
HATI YA MUUNGANO WA TANZANIA YAWEKWA HADHARANI!
RAIS KIKWETE AWAASA WAJUMBE KUANDIKA KATIBA BORA!
RAIS Jakaya Kikwete,
amelihutubia Bunge Maalum la Katiba na kuwapongeza Wabunge wa Bunge hilo
na kusisitiza kuwa Mchakato wa kupata Katiba Mpya, unahitaji umakini wa
ziada ili Watanzania Wapate Katiba inayotekelezeka isiyo na Masharti
Magumu.
Aidha amewatahadharisha
Wajumbe hao kuwa Makini katika Mchakato wa kupata Katiba Mpya , ili
isije ikakataliwa na Wananchi, kwani hatua ya maamuzi katika suala hilo
imeanzia kwenye Bunge hilo na mwisho kwenda kwa Wananchi kupigiwa kura
ya kukubalika na hivyo wajiridhishe na Uandishi uliopo kwenye Rasimu
hiyo.
“Kile mtakachoona kinafaa
kurekebishwa au kufutwa msisite kikuondoa! Tunachotaka ni ili Watanzania
wapate Katiba iliyo nzuri ila tunaweza kupata wakati mgumu kuitekeleza
msipozingatia mambo muhimu, Bunge hili linawajibu wa kuzuia jambo hilo
ili lisitokee katika Nchi yetu”
Alisema kwasababu Rasimu
hiyo ina mambo mengi Wajumbe hao wafanye Uchambuzi kuhusu kufaa kwake na
manufaa yake, ili isije kuwaumiza Wananchi, huku akitolea mfano wa
kipengele kinacho mwekea Mbunge kizuizi cha Miezi (sita) kuingia Bungeni
au kushiriki shughuli za Kibunge endapo atakuwa gerezani au kuugua kwa
kipindi hicho, jambo ambalo amependekeza kuwa kipengele hicho wakijadili
kwa kina kwani kinaumiza watakao wekewa vizuizi kutokana na kuwa
magonjwa hayaepukiki kwa maisha ya Mwanadamu.
Ukomo wa Wabunge
Aidha amesema kuhusu suala
la Kikomo kwa Wabunge kuongoza kwa mda wa Miaka Mitatu, yeye binafsi
katika kifungu hicho, ambacho kipo kwenye Rasimu ya pili ya Katiba
ameona kina utata kwa vile haijaelezwa kama ni awamu mbili mfululizo au
la! Hakuna Nchi Duniani iliyoweka ukomo wa Wabunge na hivyo kupendekeza
Ukomo huo uwe kwa Viongozi wa Wakuu wa Serikali.
Muundo wa Muungano
Alisema pendekezo hilo, limesababisha kujaa kwa mijadala mirefu kuanzia kwenye Rasimu ya Kwanza na ya pili, na kuleta hisia kwa pande zote mbili katika upande wa Muungano ulipo hivi sasa, na kuwaomba Wajumbe hao kuwa wawe watulivu ili wanapolijadili, wasiwe na ‘Jazba’ kwani wakitumia nguvu Zaidi hawatafika popote.
“Waasisi wa Tifa letu
Mwalimu Nyerere na Sheikh Karume waliamua kuchagua Mfumo wa Serikali
mbili ili Tanganyika kuepuka gharama kwa Tanzania Bara kugharamia
serikali ya bara na ya Muungano, nafikiri tuzingatie mawazo ya Wazee
hao” alisema Dk Kikwete
‘Tume imependekeza kuwepo
Kwa Muundo wa Serikali tatu, kwa kuwa itakuwa endelevu kutokana na
Muundo uliopo sasa wa Serikali mbili”
Apigia debe Serikali mbili
Alisema kuna hatari ya
Nchi kushindwa kujiendesha kukiwa na Muundo wa Serikali tatu ambapo
alisema uamuzi wa kuwa na Serikali mbili au tatu uko mikononi mwa
Wajumbe hao, na lazima waweze kupitia Ibara kwa Ibara, Sura kwa Sura na
Neno kwa Neno, ili wakichagua Serikali tatu, wayaondoe mambo
yatakayokuwa vikwazo kwa Nchi washirika, kwani kama watapitisha Muundo
wa Serikali mbili hakutakuwa na tatizo.
Hata hivyo alisema Muundo
wa Serikali tatu Tume ilipendekeza kuwa utumike kutokana na maoni ya
Wananchi, ila mipaka ya Madaraka haijawekwa katika kipengele hicho na
upande wa mapato ambayo hayajawekwa bayana na kusababisha malalamiko
ambayo yamekuwepo kwamuda mrefu.
Anasema kuwa mjadala wa
Muundo wa Katiba sio jambo geni kama alivyoeleza Juzi Mwenyekiti wa Tume
ya Mabadilko ya Katiba, Jaji Joseph Warioba kwani Mwaka 1984 ulikuwa
chanzo cha Machafuko Zanzibar. Pia mwaka 1993 jambo hilo lilikuwa ni
chanzo na G55.
Rais Kikwete amehutubia
Bunge hilo, kwa mujibu wa kanuni ya 75 (1), inaeleza taarifa ya Katibu
wa Bunge la Katiba, ambapo Viongozi wa Kitaifa wameingia Bungeni kwa
maandamano wakiongozwa na Makamu wa Kwanza wa Rais Zanzibar, Balozi Seif
Ali Idi na Makamu wa Rais wa Jamhuri ya Muungano, Dk. Mohamed Gharib
Bilal.
Chanzo: FIKRA PEVU | KISIMA CHA BUSARA
BUNGE LA KATIBA LAPATA WENYEVITI NA MAKATIBU
Na Naamala Samson,
Baada ya kuendeshwa kwa zaidi ya wiki tatu bila mwenyekiti wa kudumu wala kujadili rasimu ya katiba,sasa bunge maalum la katiba litaanza kujadili vipengele na ibara mbalimbali zilizomo ndani ya rasimu ya katiba kwani wajumbe wa bunge hili muhimu wameweza kufanya uchaguzi na kumchagua Mhe. Samwel Sitta awe Mwenyekiti wa kudumu wa bunge hili kwa muda uliosalia mpaka kupatikana kwa katiba mpya kabla ya katiba hiyo kurudi kwa wananchi kupigiwa kura.
Kwa kitendo hiki kilichokuwa kinangojewa kwa hamu kubwa na wananchi, inatarajiwa sasa kusikia kama wajumbe wataweka maslahi ya taifa mbele au watajali tu maslahi yao binafsi na kuweka utaifa nyuma.
Ikumbukwe kuwa mashirika mengi yalikuwa yanapigia kelele suala zima la wajumbe hawa kutoangalia ubinafsi wao bali kuwaza taifa zima na kutengeneza katiba kwa ajili ya vizazi vijavyo ili Tanzania iwe nchi inayopiga hatua kwa kasi.
Baada ya kuendeshwa kwa zaidi ya wiki tatu bila mwenyekiti wa kudumu wala kujadili rasimu ya katiba,sasa bunge maalum la katiba litaanza kujadili vipengele na ibara mbalimbali zilizomo ndani ya rasimu ya katiba kwani wajumbe wa bunge hili muhimu wameweza kufanya uchaguzi na kumchagua Mhe. Samwel Sitta awe Mwenyekiti wa kudumu wa bunge hili kwa muda uliosalia mpaka kupatikana kwa katiba mpya kabla ya katiba hiyo kurudi kwa wananchi kupigiwa kura.
Kwa kitendo hiki kilichokuwa kinangojewa kwa hamu kubwa na wananchi, inatarajiwa sasa kusikia kama wajumbe wataweka maslahi ya taifa mbele au watajali tu maslahi yao binafsi na kuweka utaifa nyuma.
Ikumbukwe kuwa mashirika mengi yalikuwa yanapigia kelele suala zima la wajumbe hawa kutoangalia ubinafsi wao bali kuwaza taifa zima na kutengeneza katiba kwa ajili ya vizazi vijavyo ili Tanzania iwe nchi inayopiga hatua kwa kasi.
ASASI YA VIJANA YA TYVA KUFANYA BARAZA LA KATIBA TAREHE 17 AGOSTI 2013
Dear All,
TYVA is humbly inviting you to attend the Youth Constitutional Council to be held on Saturday 17th August 2013 at Peacock Hotel City Centre Mnazi Mmoja, Dar es Salaam from 08:00am to 4:00pm
The main Goal of the Youth Constitutional Council is to facilitate the collection of youth views on the recently released first draft of constitution, towards the process of writing the new constitution of United Republic of Tanzania.
TYVA will provide breakfast, Lunch Break and all refreshments during the conference. To show your commitment, TYVA request you to cover your own transport to and from the conference at Mnazi mmoja and we will NOT give any transport and sitting allowances to the participants.
Please confirm your participation by sending your Full name to Alfred Kiwuyo by Phone or Email before 14th August, 2013 for farther logistics arrangements. Should you have any questions, please do not hesitate to contact us through the addresses below.
Looking forward to have you on 17th August, 2013
Alfred Kiwuyo,
Head, Lobbing, Advocacy and Networking (LAN)
akiwuyo@yahoo.ca
+255 713 618 388
Tanzania Youth Vision Association
Mhe. Samuel Sitta afungua rasmi Baraza la Vijana la Taifa la Katiba leo jijini Dar es Salaam.
Na Benedict Liwenga.
WAZIRI wa Ushirikiano wa Afrika Mashariki na Mbunge wa Urambo
Mashiriki, Mhe. Samuel Sitta amewaaasa vijana kutoa maoni yao juu ya
uundwaji wa Katiba mpya ambayo haijengi mifumno ya serikli ya Udikteta,
ubinafsi na ambayo haitaibebesha mzigo Serikali.
Hayo yamesemwa leo jijini Dar es Salaam na Mhe. Sitta wakati
akifungua rasmi Baraza la Vijana la Taifa la Katiba lililoandaliwa na
Taasisi ya vijana ya Tanzania Youth Coalition (TYC) kwa kushirikiana na
Restless Development, UNFPA na ILO lililojumuisha vijana 120 kutoka
Wialaya 50 za mikoa yote Tanzania Bara na Visiwani na ambao wanatoka
katika mashirika mbalimbali, asasi, jumuiya na vikundi mbalimbali vya
vijana.
Waziri Sitta amewaasa vijana kuwa TYC pamoja na vijana wengine
nchini wanalojukumu kubwa la mapambano dhidi ya kupinga ulafi katika
mambo ya uongozi, udikteta pamoja na ubinafsi kwani vinailetea mzigo
serikali.
“Mtu ajue kuwa kutumia madaraka kwa manufaa yako mwenyewe ni mwiko”. Waziri Sitta alisema.
Waziri Sitta ameongeza kuwa vijana nchini wanatakiwa wawe
Wanaharakati katika kujali maadili mema na kusimamia kwa dhati pamoja na
kupigania haki na usawa nchini.
Aidha, kwa upande mwingine Waziri Sitta amevishukuru vyombo vya
habari kwa mchango wake mkubwa wa kufanya kazi ya kuhabarisha umma na
npia ameipongeza taasisi ya vijana ya Tanzania Youth Coalition kwa
kuandaa baraza hilo kwa vijana wenzao kwani litawasaidia kutambiua mabo
ya msingi yanayohitajika kuwepo katika Katiba mpya ya nchi.
Waziri Sitta alisema kuwa katika kutoa maoni juu ya Katiba mpya,
vijana wanaweza kupata katiba yenye manufaa mazuri au yenye athari kwa
maisha yao, hivyo amewaasa vijana wote watumie fursa wanazozipata
kupitia baraza hilo lililoandaliwa na TYC ili waweze kusikika katika
mambo yanayohitajika katika Katiba mpya ya Jamhuri ya Muungano wa
Tanzania.
Taasisi ya vijana ya Tanzania Youth Coalition ni moja ya taasisi
iliyoundwa kwa malengo ya kuhakikisha kuwa vijana wanashirki na
kushirikishwa katika mchakato wa kuunda katiba mpya ulioanza mwaka jana
hapa nchini.
VIONGOZI VIJANA WA YLTP 2013 WATOA MAENEO SITA YA KUZINGATIA KWENYE KATIBA
Washiriki vijana katika mjadala kuhusu rasimu ya katiba.
Katika kuendelea na mchakato wa kutoa maoni kuhusu rasimu ya KATIBA
ya Jamhuri ya Muungano wa Tanzania, vijana wapatao 25 kutoka Tanzania
Bara na Zanzibar, wanaoshiriki mafunzo ya uongozi yanayotolewa na
Shirika la Kijerumani la Friedrich Ebert Stiftung(FES) wamefanya mjadala
wa siku mbili wa kujadili rasimu hiyo na kutoa maeneo sita wanayoona
yanatakiwa kupewa uzito katika kupata katiba mpya.
Maeneo hayo sita ni:
1.Kuimarisha vyombo vya kusimamia uwajibikaji.
2.Suala la umiliki wa Ardhi
3.Usimamiaji na ugawanyaji wa rasilimali.
4.Kutajwa kwa lugha ya kufundishia
5.Kutajwa suala la serikali za mitaa
6.Mfumo mzima wa kubadili katiba hii kwenda mpya.
Dr.Ayoub Rioba akitoa mada katika mjadala wa rasimu ya katiba katika ofisi za FES.
No comments:
Post a Comment