WATUMISHI SABA WACHUNGUZWA HALMASHAURI YA KARATU

 

Mkurugenzi wa Halmashauri ya Karatu Moses Mabula.

Mbunge wa Karatu Wile Qambalo.

Mwenyekiti wa Baraza la Madiwani Halmashauri ya Karatu Jubilate Mnyenye.

Na Woinde Shizza,Karatu.

BARAZA la Madiwani katika Halmashauri ya Karatu limewasimamisha kazi baadhi ya watumishi kutokana na ubadhilifu wa fedha za Umma.

Mwenyekiti wa Baraza la madiwani wa Halmashauri ya Karatu Jubilate Mnyenye amewataja waiosimamishwa ni Dr.Thobias Nkina ambaye alikuwa mganga mkuu,Judas Mahuma -Afisa Ardhi, George Ndimbo aliyekuwa Mhasibu,Jonathan Rukuntuka-Mtunza fedha,Sigfred Njanga-Mtunza fedha,Rajabu Lingoni alikuwa Muweka Hazina na Gurisha Kavuga -Mtunza stoo, wote hawa wamesimamishwa kwaajili ya uchunguzi.

Amesema kuwa kutokana na tume ya uchunguzi iliyoundwa mwezi mmoja uliopita na kamati ya fedha ya Halmashauri ,ikitaka kufahamu mapato na matumizi ya Kilimo na Afya ,ilibaini mambo kadhaa ambayo iliwasilisha kwenye.kikao kwaajili ya maamuzi,ndipo kamati ya madiwani ilipoamua kuchukua hatua ya kuwasimamisha .

Sambamba na hayo wapo watumishi ambao wamepewa onyo ambao ni Afisa Elimu Bernad Mnyenyelwa, Dr.Kyabaroti Kyabaroti pamoja na Omari Shemdiru,ambapo wapo watumishi wengine 8 ambao wanapaswa kurudisha fedha walizozichukua shilingi milioni 81 kama masurugu ya kufanyia shughuli mbalimbali za idara zao ndani ya siku 14

Kwa maelezo ya baraza la madiwani limeomba wizara inayohusika kwa mkutugenzi huyo imuwajibishwe kwa kuisababishia Halmashauri hasara ya milioni 800 na kushindwa kuwasimamia watumishi wake na huku miradi ya kilimo na Afya ikiathirika.

Naye Mkurugenzi wa Halmashauri hiyo Moses Mabula amesema kuwa alipohamia katika, Halmashauri ya Karatu mwaka 2013 alikuta zimetumi zaidi ya milioni 200 pia ameongeza kuwa Halmashauri iliazima fedha kwaajili yakutekeleza miradi ya dharura,kati ya miradi hiyo ni pamoja na ukarabati wa stendi kuu ya Karatu,Zahanati ya Ayalabe iliyoungua moto,Ujenzi wa.madarasa 4 katika.shule ya msingi Ayalabe ili kupisha chuo ,ukamilishaji wa mitaro katika jengo la.halmashauri,ujenzi wa mahabara Endara na Mang'ola,Ujenzi wa madarasa katika shule ya msingi Manusway,Ukamilishaji wa hostel ya wasichana katika shule ya sekondari Kansay .

Hata hivyo Moses Mabula amesema kuwa fedha zote ziliripotiwa katika baraza lililopita la madiwani 2015,pia amesema.ameyapokea.malalamiko yote na atawajibu baraza namna fedha zilivyotumika.

=============================================

WAZIRI MKUU MAJALIWA AKUTANA UJUMBE WA CHUO KIKUU CHA AGHA KHAN

 

Waziri Mkuu, Kassim Majaliwa na Waziri wa Elimu, Sayansi na Mafunzo ya Ufundi, Profesa Joyce Ndalichako (wapili kulia) wakiwa katika picha ya pamoja na viongozi wa Chuo Kikuu cha Agha Khan baada yamazungumzo yao ofisini kwake bungeni mjini Dodoma Mei 19, 2016. Wengine pichani kutoka kushoto ni Al - Karim Haji , Firoz Rasul, Amin Kurjina Joel Lugallo. (Picha na Ofisi ya Waziri Mkuu). 

Waziri Mkuu, Kassim Majaliwa akizungumza na viongozi wa Chuo Kikuu cha Agha Khan, Ofisini kwake bungeni mjini Dodoma Mai 19, 2016. Kutoka kushoto ni Al - Karim Haji, Firoz Rasul, Joel Lugallo na Amin Kurji.

============================================

WATUMISHI SABA WASIMAMISHWA KAZI HALMASHAURI YA KARATU ,KUPISHA UCHUNGUZI

 

Mbunge wa Karatu Wile Qambalo.

Mwenyekiti wa Baraza la Madiwani Halmashauri ya Karatu Jubilate Mnyenye.

Mkuu wa Wilaya ya Karatu Omary Kaang.

Na Woinde Shizza,Karatu

Baraza la Madiwani katika Halmashauri ya Karatu limewasimamisha kazi baadhi ya watumishi kutokana na ubadhilifu wa fedha za Umma.

Mwenyekiti wa Baraza la madiwani wa Halmashauri ya Karatu Jubilate Mnyenye amewataja waiosimamishwa ni Dr.Thobias Nkina ambaye alikuwa mganga mkuu,Judas Mahuma -Afisa Ardhi, George Ndimbo aliyekuwa Mhasibu,Jonathan Rukuntuka-Mtunza fedha,Sigfred Njanga-Mtunza fedha,Rajabu Lingoni alikuwa Muweka Hazina na Gurisha Kavuga -Mtunza stoo, wote hawa wamesimamishwa kwaajili ya uchunguzi.

Amesema kuwa kutokana na tume ya uchunguzi iliyoundwa mwezi mmoja uliopita na kamati ya fedha ya Halmashauri ,ikitaka kufahamu mapato na matumizi ya Kilimo na Afya ,ilibaini mambo kadhaa ambayo iliwasilisha kwenye kikao kwa ajili ya maamuzi,ndipo kamati ya madiwani ilipoamua kuchukua hatua ya kuwasimamisha .

Sambamba na hayo wapo watumishi ambao wamepewa onyo ambao ni Afisa Elimu Bernad Mnyenyelwa, Dr.Kyabaroti Kyabaroti pamoja na Omari Shemdiru,ambapo wapo watumishi wengine 8 ambao wanapaswa kurudisha fedha walizozichukua shilingi milioni 81 kama masurugu ya kufanyia shughuli mbalimbali za idara zao ndani ya siku 14.

Kwa maelezo ya baraza la madiwani limeomba wizara inayohusika kwa mkutugenzi huyo imuwajibishwe kwa kuisababishia Halmashauri hasara ya milioni 800 na kushindwa kuwasimamia watumishi wake na huku miradi ya kilimo na Afya ikiathirika.

Mkurugenzi wa Halmashauri ya Karatu Moses Mabula.

Naye Mkurugenzi wa Halmashauri hiyo Moses Mabula amesema kuwa alipohamia katika.Halmashauri ya Karatu mwaka 2013 alikuta zimetumi zaidi ya milioni 200 pia ameongeza kuwa Halmashauri iliazima fedha kwa ajili ya kutekeleza miradi ya dharura,kati ya miradi hiyo ni pamoja na ukarabati wa stendi kuu ya Karatu,Zahanati ya Ayalabe iliyoungua moto,Ujenzi wa madarasa 4 katika shule ya msingi Ayalabe ili kupisha chuo ,ukamilishaji wa mitaro katika jengo la halmashauri,ujenzi wa maabara Endara na Mang'ola,Ujenzi wa madarasa katika shule ya msingi Manusway,Ukamilishaji wa hostel ya wasichana katika shule ya sekondari Kansay .

Hata hivyo Moses Mabula amesema kuwa fedha zote ziliripotiwa katika baraza lililopita la madiwani 2015,pia amesema ameyapokea malalamiko yote na atawajibu baraza namna fedha zilivyotumika.

========================================

PIGA *113# AU TUMA SMS KWENDA 113 KUPAMBANA NA RUSHWA IFIKAPO MEI 24,2016.

JAMHURI YA MUUNGANO WA TANZANIA

TAASISI YA KUZUIA NA KUPAMBANA NA RUSHWA.

UZINDUZI WA KAMPENI YA KUELIMISHA UMMA YA

 ‘LONGA NASI’ MEI 24, 2016.

Tasisi ya Kuzuia na Kupambana na Rushwa (TAKUKURU), katika kutekeleza jukumu la ‘kushirikisha umma katika mapambano dhidi ya rushwa’, imeandaa kampeni ya kuelimisha umma iliyopewa jina la LONGA NASI. 

Kampeni hii itatumika pia kuitangaza huduma mpya ya kutoa taarifa za rushwa kwa kupiga *113# au kutuma ujumbe mfupi wa maandishi (sms) kwenda namba 113 kutoa maoni, taarifa au kuuliza maswali kupitia mitandao ya AIRTEL, HALOTEL, TIGO, VODACOM na ZANTEL. Huduma hii ya bure kwa wananchi itazinduliwa rasmi wakati wa uzinduzi wa kampeni tajwa.

Uzinduzi huu unatarajiwa kufanyika Jumanne - Mei 24, 2016 katika uwanja wa Mwembeyanga, wilayani Temeke, jijini Dar es Salaam na Mgeni Rasmi anatarajiwa kuwa Mhe. Samia Suluhu Hassan, Makamu wa Rais wa Jamuhuri ya Muungano wa Tanzania. Baada ya kuzinduliwa, kampeni hii itafanyika nchi nzima na kushirikisha makundi yote ya jamii.

WANANCHI WOTE WANAKARIBISHWA KUHUDHURIA KATIKA KAMPENI HII.

Imetolewa na Ofisi ya Afisa Uhusiano, TAKUKURU Makao Makuu, Mei 20, 2016.

MAKAMU WA RAIS AFUNGUA MKUTANO WA UHAULISHAJI FEDHA KWA JAMII AFRIKA

Makamu wa Rais Samia Suluhu Hassan amezitahadharisha serikali za nchi za Kiafrika kuanza kujiandaa kutumia raslimali zao katika mpango wa kusaidia kaya maskini kwani wahisani hufikia ukomo.

Mheshimiwa Samia ameyasema hayo leo kwenye ufunguzi wa mkutano wa kubadilishana mawazo kuhusu mpango wa uhaulishaji fedha kwa jamii maskini Afrika unaofanyika katika hoteli ya Ngurdoto mkoani Arusha.

Mkutano huo wa siku tano ambao unahudhuriwa na washiriki kutoka nchi mbalimbali za Afrika, Latin America, Asia na Ulaya umeandaliwa na Benki ya Dunia (WB) na Unicef na kuratibiwa na Mfuko wa Maendeleo ya Jamii (TASAF) ambao umeonesha mafanikio makubwa katika mpango wa kunusuru kaya maskini nchini.

Makamu wa Rais alisema hatua hiyo ya kutumia raslimali za nchi husika itasaidia kuufanya mpango wa kusaidia kaya maskini kuwa endelevu.

Alibainisha kuwa pamoja na matokeo mazuri yaliyopatikana katika utekelezaji wa mpango wa uhaulishaji fedha kwa kaya masikini, serikali za nchi za Afrika zinapaswa kutambua kuwa miradi ya kutegemea wahisani ina mwisho wake.

"Serikali zetu zinatakiwa kujiandaa ipasavyo kwa ajili ya maendeleo endelevu ya wananchi wetu," alidokeza Mheshimiwa Samia.

Akizungumzia kwa upande wa Tanzania Mheshimiwa Samia alisema Mpaka sasa kaya maskini milioni 1.1 zimefaidika na mpango huo wa uhaulishaji fedha ambapo wanalipwa kila baada ya miezi miwili.

"Siri ya mafanikio ni kujitoa kwa Watanzania na kuupokea mradi kama wao. Tumeangalia zaidi hali ya maskini kule chini na umepokelewa mradi kama mkombozi," alisema na kuongeza

"Kuna kaya kama tatu kule mkoani Pwani baada ya kufanya tathmini wamesema hawahitaji tena, sasa hivi wanakula milo mitatu, watoto wao wanaenda shule, wako vizuri."    

Aliwaeleza wajumbe hao kuwa mkutano huo unafanyika wakati muafaka ambapo dunia inahangaika kujadili namna ya kuondokana na umaskini kupitia Malengo mapya ya Maendeleo Endelevu Ajenda 2030

Imetolewa na

Ofisi ya Makamu wa Rais

Arusha

16/5/2016

=====================================================

SERA YA TEHAMA YA 2016 KUSAIDIA TANZANIA KUINGIA KATIKA UCHUMI WA KATI MWAKA 2025.

 

Naibu Waziri wa Ujenzi, Uchukuzi na Mawasiliano Mhe. Injinia Edwin Ngonyani (wa pili kulia) akizindua Sera ya Taifa ya Teknolojia ya Habari na Mawasiliano ya mwaka 2016 leo mjini Dodoma. Wengine ni Mwakilishi wa Balozi wa Finland nchini Oscar Kassy(kulia) , Katibu Mkuu wa Wizara hiyo aliyeshughulikia mawasiliano Profesa Faustin Kamuzora( wa pili kushoto) na Katibu Tawala Mkoa wa Dodoma Rehema Madenge(kushoto). 

Naibu Waziri wa Ujenzi, Uchukuzi na Mawasiliano Mhe. Injinia Edwin Ngonyani akiwahutubia wadau wa TEHAMA wakati wa uzinduzi wa Sera ya Taifa ya Teknolojia ya Habari na Mawasiliano ya mwaka 2016 leo mjini Dodoma.

Baadhi ya wafanyakazi wa Wizara ya Ujenzi, Uchukuzi na Mawasiliano na wadau wa Teknolojia ya Habari na Mawasiliano wakifuatilia hotuba ya Naibu Waziri wa Ujenzi, Uchukuzi na Mawasiliano Mhe. Injinia Edwin Ngonyani wakati wa uzinduzi wa Sera ya Taifa ya Teknolojia ya Habari na Mawasiliano ya mwaka 2016 leo mjini Dodoma.

Na Tiganya Vincent_MAELEZO-Dodoma.

Serikali kwa kushirikiana na wadau wa ndani na nje ya Nchi wameifanyia maboresho Sera ya Teknolojia ya Habari na Mawasiliano ya mwaka 2003 na kuja ya sera mpya ya mwaka 2016 ili kuunganisha sekta muhimu za uzalishaji na viwanda katika miundombinu ya TEHAMA.

Kauli hiyo imetolewa leo mjini Dodoma na Naibu Waziri wa Ujenzi, Uchukuzi na Mawasiliano Mhe. Injinia Edwin Ngonyani wakati wa uzinduzi wa Sera ya Tekonolojia ya Habari na Mawasiliano ya mwaka 2016.

Alisema kuwa hatua hiyo inalenga kuiwezesha Tanzania kutumia fursa zinatokana na uwepo wa miundombinu ya TEHAMA kuingia katika uchumi wa kati ifakapo 2025 kwa kuimarisha matumizi ya TEHAMa katika sekta mbalimbali za uzalishaji nchini.

Mhe. Ngonyani aliongeza kuwa Sera hiyo ni muhimu katika kujenga jamii habari itakayowezesha nchi kufikia maarifa yatakayosaidia kwenda sanajari na mpango wa Taifa kujenga uchumi wa viwanda.

Alisema kuwa Sera hiyo imejikita katika kukuza matumzi TEHAMA katika uzalishaji ili kuongeza tija , kukuza utafiti na kuvutia uwekezaji wa sekta binafsi katika TEHAMA kwa ajili ya maendeleo ya wananchi na Taifa kwa ujumla.

Awali akiongea kabla ya uzinduzi wa Sera hiyo, Katibu Mkuu wa Wizara ya Ujenzi, Uchukuzi na Mawasiliano(Mawasiliano) Profesa Faustin Kamuzora alisema kuwa Sera hiyo itasaidia kuongeza ufanisi wa utendaji wa kazi wa kila siku katika sekta mbalimbali nchini.

Alisema kuwa sera hii itasiaidia kwenda sanajari ya ukuaji wa kasi wa matumzi ya mawasiliano hapa nchini.

=======================================================

SERIKALI KUZINUFAISHA JAMII ZINAZO LIZUNGUKA SHAMBA LA TAIFA LA SAO HILL

Naibu waziri wa maliasili na utalii Mh. Ramo Makani, Amesema serilikali ya awamu ya tano itahakikisha jamii zinazo ishi karibu na shamba la taifa la sao hill, lenye tarafa maalum (4) za Mgololo, Ihalimba, Ihefu na Irundi zinakuwa za kwanza kunufaika na mgao wa vibali vya uvunaji wa misitu ili zishiriki kikamilifu katika kulinda, kuhifadhi na kuiboresha misitu hiyo kwa faida ya kizazi cha sasa na kijacho.

Taarifa ya kitengo cha habari na mawasiliano cha halmashauri ya Wilaya ya Mufindi, imebainisha kuwa naibu waziri Makani ameyasema hayo alipofanya ziara ya kikazi katika shamba la miti la Taifa la sao hill wilayani Mufindi Mkoani Iringa.

Amesema, ili wananchi waone kuwa msitu huo ni mali yao kama Watanzania, ni lazima wawe wa kwanza kufikiriwa wakati wa ngao wa vibali vya uvunaji kupitia jumuia watakazo ziunda katika maeneo yao.

Akizungumzia suala la utoaji wa vibali vya uvunaji wa misitu amesema, msitu waSao Hill na mingine nchini ni mali ya Taifa, hivyo, ni haki kwa Mtanzania yeyote popote nchini kupata kibali na akasisitiza kuwa kwa mwaka huu huwenda vibali vikachelewa kutoka kwa kuwa wizara yake iyapiti maombi kwa umakini ili kupunguza malalamiko ya upendeleo katika utoaji vibali.

shamba la Miti la Sao hill lililopo Wilayani Mufindi ni la kwanza kwa ukubwa nchini kati ya mashamba 18 ya Taifa, ilikiwa na hekita zaidi ya laki moja na 35 elfu na lilianzishwa rasmi mwaka 1960.

========================================================

Watu wenye ulemavu wajengewe miundombinu rafiki kupunguza changamoto za kimaisha.

 Naibu Waziri Ofisi ya Waziri Mkuu Sera,Uratibu,Bunge,Kazi,Ajira na Walemavu Mhe. Dkt Abdallah Possi akizungumza watu wenye ulemavu na wadau wa maendeleo nchini mara baada ya uzinduzi wa kanzidata kwa ajili ya watu wenye ulemavu nchini.

 Naibu Waziri Ofisi ya Waziri Mkuu Sera,Uratibu,Bunge,Kazi,Ajira na Walemavu Mhe. Dkt Abdallah Possi akifatilia uwasilishwaji wa kanzidata ya watu wenyes ulemavu nchini iliyotolewa na Ofisi ya Taifa ya Takwimu. Picha na Raymond Mushumbusi MAELEZO. 

Na Raymond Mushumbusi - MAELEZO

Bwana Joachim Marege ni mtu mwenye ulemavu asiyeweza kutembea. Baba huyu anakofanyia kazi inabidi apande lifti hadi ghorofa ya kumi. Siku moja nikiwa nimeongozana naye kwenye lifti mara ghafla umeme ukakatika. Baada ya lift kufunguliwa nikamsaidia kutoka kwenye lift na kuendelea na safari yangu  lakini kwa ndugu huyu haikuwezekana kuendelea na safari yake kwa kupanda ngazi ilibidi asubiri kwa muda  hadi umeme utakaporudi ndo akapanda lift na kwenda ofisini kwake. Hii ni changamoto sana kwa watu wenye ulemavu katika kupata miundombinu rafiki ya kuwawezesha katika shughuli zao za kila siku na ambao idadi yao inaongezeka kila kukicha.

Mnamo Aprili 11 2016 Ofisi ya Taifa ya Takwimu wakishirikiana na Ofisi ya Waziri Mkuu walizindua kanzi data maalum kwa ajili ya kupata takwimu za watu wenye ulemavu nchini.Kulingana na takwimu za Shirika la Afya Duniani, zaidi ya watu bilioni moja dunia sawa na asilimia 15 ya watu wote duniani wanakadiriwa kuwa na aina fulani ya ulemavu. Idadi ya watu wenye ulemavu inaongezeka kutokana na sababu mbalimbali zikiwemo ajali, majanga ya asili na ya kusababishwa na binadamu, ongezeko la watu hasa wenye umri mkubwa, magonjwa ya kuambukiza, magonjwa ya akili na matatizo sugu ya kiafya.

 

Kuongezeka huku kwa idadi ya watu wenye ulemavu, kunasababisha mahitaji makubwa ya huduma muhimu za kijamii. Aidha, maisha ya watu wenye ulemavu yanakuwa magumu zaidi kutokana na unanyanyapaa kutoka kwa jamii kwa ujumla, hali ambayo inahitaji mabadiliko ya kimtazamo. Ni ukweli ulio wazi kwamba watu wenye ulemavu hasa katika nchi zinazoendelea kama Tanzania wana matatizo ya upatikanaji wa huduma za kijamii kama vile elimu na afya ikilinganishwa na watu ambao hawana ulemavu.

 

Kulingana na takwimu za Shirika la Afya Duniani (WHO), karibu asilimia 80 ya watu wenye ulemavu wanaishi katika nchi zinazoendelea. Umaskini hupunguza uwezekano wa watu wenye ulemavu kupata huduma za kijamii na haki nyingine za kimsingi. Kwa bahati mbaya programu nyingi za maendeleo zimeshindwa kuzingatia mahitaji maalum ya watu wenye ulemavu kinyume na makubaliano ya kimataifa yanayosisitiza uzingatiaji huo kwa ajili ya maendeleo endelevu.

 

Tumeshuhudia majengo yaliyojengwa muda mrefu hata yanayojengwa sasa mengi hayazingatii mahitaji maalum kwa watu wenye ulemavu. Inabidi katika ujenzi miundombinu rafiki kwa wenye ulemevu iwekwe ili kuwapunguzia adha katika maisha watu wenye ulemavu.

 

Pamoja na umuhimu na uelewa uliopo bado upatikanaji wa takwimu sahihi ni tatizo hasa katika nchi zinazoendelea kama Tanzania. Kwenye ngazi ya kimataifa, bado kuna tofauti kuhusu nini hasa maana ya ulemavu, suala ambalo husababisha ulinganifu wa takwimu kuwa mgumu. Katika ngazi ya kitaifa, taarifa za watu wenye ulemavu hazitoshelezi mahitaji ya kuweka misingi madhubuti ya kupanga na kutekeleza programu za maendeleo zinazolenga kuboresha maisha ya watu wenye ulemavu.

Read more »

  =======================================================

Maadili ni Msingi wa Uwajibikaji katika Utumishi wa Umma

Anitha Jonas - MAELEZO

TANGU enzi za Azimio la Arusha, suala la maadili limekuwa likisisitizwa kama nguzo muhimu katika utoaji wa huduma kwa umma. Lengo lilikuwa ni kuhakakisha kwamba kila mtumishi wa Umma anatekeleza wajibu wake kwa kufuata sheria, kanuni na miongozo iliyowekwa.

Kutofanikiwa kwa Azimio la Arusha kulitokana na baadhi ya Viongozi kujua kwamba utekelezaji wa malengo ya azimio hilo ungekwamisha nia ovu waliyokuwanayo kama Watumishi wa Umma katika kuwahudumia Wananchi. Ndio maana juhudi ya Hayati Baba wa Taifa Mwalimu Julius Kambarage Nyerere za kutaka azimio hilo liungwe mkono hazikuzaa matunda.

Pamoja na kuwepo sheria, kanuni, miongozo na mikakati ya kukuza maadili kwa watumishi wa Sekta ya Umma na watu binafsi, wananchi bado wamekuwa wakilalamika kuwepo urasimu usio wa lazima wenye lengo la kutengeneza mazingira ya rushwa na huduma zisizoridhisha. Aidha, wapo baadhi ya wafanyabishara binafsi wasiozingatia maadili na hata kufikia hatua ya kuchochea utoaji wa rushwa au kuzalisha bidhaa zisizo na viwango.

Katika jitihada za kuhakikisha kwamba watumishi wa Umma wanakuwa waadilifu na wanafuata maadili mema, Serikali ya Awamu ya Nne chini ya Rais Mstaafu Dkt. Jakaya Kikwete ilibuni mikakati ya kuwa na utaratibu mpya kwa viongozi na watumishi wa Sekta za Umma na Binafsi kusaini Ahadi ya Uadilifu (integrity pledge).

Ahadi ya Uadilifu ni tamko rasmi na bayana la dhamira ya kuwa na mwenendo wa kimaadili na kuunga mkono kampeni ya kitaifa ya maadili na mapambano dhidi ya rushwa. Kwa kusaini tamko hilo, mhusika au taasisi inakuwa imejipambanua kwa Umma kuwa haitajiingiza katika masuala yasiyo ya kimaadili katika utoaji huduma na uendeshaji wa biashara.

Kwa mujibu wa Kamishina wa Maadili Jaji Salome Kaganda, kuna aina tatu za hati za Ahadi ya Uadilifu yaani; Ahadi ya Uadilifu kwa Viongozi wa Umma, Watumishi wa Umma na Sekta binafsi ili kila kundi liwajibike kwa namna yake.

Akizindua Hati za Uadilifu mwezi agosti 2015, Dkt. Jakaya Mrisho Kikwete alisema, kuwepo kwa Hati hizo ni hatua kubwa muhimu na ya kihistoria katika safari ya kuboresha na kuhuisha mifumo ya uadilifu iliyopo ili iweze kwenda sambamba na mazingira na nyakati zilizopo.

Dkt. Kikwete hakusita kuelezea chimbuko la Hati ya Madili kwa kusema, “Kwa muda mrefu kumekuwepo na changamoto kubwa katika kupambana na rushwa kama moja ya tatizo kubwa la utovu wa uadilifu nchini.

Tumechukua hatua kadhaa ikiwemo kutengeneza Mkakati wa Mapambano Dhidi ya Rushwa na mabadiliko katika Sheria ambayo ilisaidia kuanzishwa kwa Taasisi ya Kuzuia na Kupambana na Rushwa (TAKUKURU). Tumepata mafanikio makubwa na ya kutia moyo ingawa bado zipo changamoto na manung’uniko ambayo hatuwezi kuyapuuza.”

Dkt. Kikwete alifafanua kuwa, kwa madhumuni ya kuyaongezea mapambano haya nguvu na kasi, Serikali iliamua Mpango wa Mapambano dhidi ya Rushwa uingizwe katika Mpango wa Tekeleza kwa Matokeo Makubwa Sasa (BRN) ili kutoa msukumo wa pekee katika utekelezaji wake.

Read more » 

===================================================================== 

JAMII YAASWA KUJENGA FAMILIA IMARA

Na Lorietha Laurence-Maelezo

Jamii nchini imeaswa kuendelea kujenga familia imara kwa kuwa ndicho kitovu cha mabadiliko katika jamii na maendeleo ya kiuchumi.

 Aidha, imekumbushwa kuwa masuala mbalimbali  hujadiliwa, kupangwa na kutekelezwa kuanzia ngazi ya familia kwa ajili ya kuimarisha ushiriki thabiti wa jamii katika maendeleo ya taifa.

Hayo yamo katika taarifa iliyotolewa na Wizara ya Afya,Maendeleo ya Jamii ,Jinsia, Wazee na Watoto wakati wa maadhimisho  ya Siku ya familia iliyofanyika Mei, 15, 2016.

Taarifa hiyo imeeleza kuwa Tanzania iliadhimisha siku hiyo chini ya kauli mbiu ya isemayo “Familia Yenye Afya Bora ni Mwanga wa Maendeleo”

Taarifa hiyo imebainisha kuwa familia ni kitovu cha Maendeleo katika jamii hivyo haina budi kutambua kuwa uzingatiaji wa masuala ya maendeleo ya kijamii na kiuchumi hupaswa kujadiliwa, kupangwa na kutekelezwa kuanzia ngazi ya familia kwa ajili ya kuimarisha ushiriki thabiti wa jamii katika maendeleo ya taifa.

Imebainisha kuwa  maendeleo ya nchi hayawezi kufikiwa kama familia hazitakuwa na afya bora hivyo kauli mbiu ya mwaka huu inalenga kuchochea mafanikio ya malengo ya Maendeleo Endelevu yatakayozingatia uboreshaji wa huduma ya afya bora ya familia, malezi bora ya watoto na utunzaji wa afya ya watu wenye mahitaji maalum wakiwemo wazee na watu wenye ulemavu.

“ Kila mwanafamilia anahitajika kushiriki  katika maadhimisho ya siku hii muhimu kwa kufanya shughuli mbalimbali za kimaendeleo, ikiwemo  vyombo vya habari kuelimisha wananchi kuhusu umuhimu wa maadhimisho haya ili kuharakisha uboreshaji wa afya za wanafamilia wote katika nchi yetu” imeeleza sehemu taarifa hiyo. 

Katika  hatua nyingine Mkurugenzi Mtendaji wa Mtandao wa Jinsia Nchini (TGNP) Bi. Lilian Liundi akiizungumzia siku hiyo katika mahojiano maalum na Idhaa ya Kiswahili ya Sauti ya Ujerumani (DW) ameeleza kuwa hali ya familia katika maeneo mbalimbali haiko salama kutokana na changamoto za kiuchumi.

Ameeleza kuwa kumekuwa na changamoto ya tatizo la mimba za utotoni kwa watoto wa kike na wanawake kuachiwa familia hivyo misingi ya familia inakuwa siyo bora kutokana na kuwepo kwa malezi ya upande mmoja.

Naye mchambuzi wa Masuala ya Siasa kutoka nchini Kenya Bw. Bobby Mkangi  ameeleza kuwa kufuatia hali ngumu ya uchumi misingi ya familia imevurugika na hivyo kupelekea kuwepo na ajira za watoto ambao badala ya kuwa shule wanafanya kazi ndogondogo kusaidia kipato cha familia.

Siku ya Familia Duniani  huadhimishwa na nchi wanachama wa Umoja wa Mataifa kwa mujibu  wa Tamko la Baraza la Umoja wa Mataifa namba 47/257 la Septemba 20, 1993.

=====================================================

Uelewa mdogo wakwamisha mapambano dhidi ya ‘aflatoxin’-Dr.Turuka

 Uelewa mdogo kuhusiana na sumu aina ya aflatoxin hapa Tanzania umesababisha vita dhidi yake kuwa na changamoto.

Aflatoxins ni kemikali yenye sumu inayoweza kusababisha saratani; huzalishwa na aina ya fangasi wanaoishi katika udongo au mimea na nafaka zinazooza.Katibu Mkuu, Wizara ya Kilimo, Mifugo na Uvuvi, Dkt. Florens Turuka amesema hali hiyo inasababisha usalama mdogo wa chakula na kuhatarisha afya za walaji.

Kwa mujibu wa Katibu Mkuu huyo, hali hiyo sio tu inahatarisha afya za walaji, bali pia kuharibu biashara ya bidhaa za mazao hasa nafaka.Alikuwa akiongea wakati wa mkutano uliozungumzia mapambano dhidi ya sumu hiyo hapa nchini. Mkutano huo ulifanyika jijini Dar es Salaam hivi karibuni.

Pamoja na mambo mengine, wajumbe wa mkutano huo walijadili namna bora ya kuhusisha mapambano ya sumu hiyo kwenye miradi, programu na mipango mbalimbali.Kwa sababu hiyo, Dkt. Turuka alisema, serikali itatoa kila aina ya ushirikiano kuhakikisha kuwa juhudi zote za mapambano dhidi ya aflatoxin zinafanikiwa.“Serikali itafanyia kazi mapendekezo ya mkutano huu ili kupata mafanikio,” alisema.

Kwa mujibu wa kiongozi huyo, aflatoxin ni tatizo kubwa kwenye mfumo wa chakula hapa nchini hasa mahindi, karanga na maziwa.Vyakula hivi ni kati ya vinavyoliwa kwa wingi hapa nchini.Dkt. Turuka alisema bado juhudi kubwa zinatakiwa kufanywa ili kuondokana na tatizo hilo ambalo huweza kusababisha saratani ya ini.

Utafiti wa hivi karibuni umeonyesha kuwa maeneo ya ukanda wa Mashariki na Magharibi hapa nchini ndio yaliyoathirika zaidi na sumu hiyo katika mfumo wa vyakula.Aliishukuru Kamisheni ya Umoja wa Afrika kwa juhudi zake za kudhibiti aflatoxin na timu nzima ya Partnership for Aflatoxin Control in Africa (PACA) kwa kuratibu mkutano huo.

Mkutano huo ulihudhuriwa pia na wajumbe kutoka nchi za Gambia, Malawi, Senegal na Uganda.PACA inafanya kazi na serikali za Afrika katika kupambana na kudhibiti changamoto ya aflatoxin. 

===========================================================

WCF, ILO ZATOA MAFUNZO KWA MADAKTARI 380 JUU YA NAMNA YA KUTATHIMINI AJALI NA MAGONJWA YANAYOTOKANA NA KAZI

MFUKO wa Fidia kwa Wafanyakazi (WCF) kwa kushirikiana na Shirika la Kazi Duniani (ILO) wameanza kutua mafunzo kwa madaktari nchi nzima kuhusu namna ya kubaini na kushughulikia wahanga wa ajali na magonjwa yanatosababishwa na kazi. Jumla ya madaktari 380 wa hospitali za rufaa mikoani na wilayani watafaidika na mafunzo hayo.

Mafunzo yatatolewa kwa siku tano katika vituo vikubwa vinne ikiwemo Dar es salaam, Arusha, Mwanza na Mbeya. Wataalamu kutoka ILO waliobobea katika ajali na magonjwa yanayotokana na kazi Dr. Jacques Pelletier na Dr. Sylvie Thibaudeau ndio watakaoendesha mafunzo hayo.

Mkurugenzi Mkuu wa Mfuko wa Fidia kwa Wafanyakazi Bw. Masha Mshomba amesema kwamba mafunzo haya ni hatua muhimu sana kwa Mfuko kwani Mfuko unaanza rasmi ulipaji wa mafao tarehe 01 Julai 2016 kwa Wafanyakazi wote watakaopata ajali au magonjwa kutokana na kazi. Miongoni mwa mafao yataayotolewa ni Huduma ya matibabu, Fidia kwa ulemavu wa muda, Fidia kwa ulemavu wa kudumu, Ukarabati na ushauri nasaha, Malipo kwa anayemhudumia mgonjwa, gharama za mazishi endapo mfanyakazi atafariki na fidia kwa wategemezi endapo mfanyakazi pia atafariki.

Bw. Masha Mshomba akifafanua dhumuni kubwa la kufanya haya mafunzo alisema, “Kazi kubwa ya madaktari hawa itakuwa ni kufanya tathimini ya magonjwa yanayotoka na kazi na kutupa ushauri wa kuendelea na malipo kama wahusika watakuwa wamepata ajali au kuugua na wakapata ulemavu”.

Mkurugenzi Mkuu wa Mfuko wa Fidia kwa Wafanyakazi, WCF, Bw. Masha Mshomba akielezea malengo ya Mfuko na kazi zake, wakati wa ufunguzi wa mafunzo ya siku tano kwa madaktari kwenye jengo la LAPF jijini Dar es Salaam Mei 16, 2016. Mafunzo hayo yanalenga kuwaelimjsha madaktari namna ya kubaini na kushughulikia wahanga wa ajali na magonjwa yatokanayo na kazi.


Mkurugenzi Mkuu wa Mamlaka ya Usimamizi na udhibiti wa Sekta ya Hifadhi ya Jamii, SSRA., Bi. Irene Isaka, akitoa hotuba ya ufunguzi.
NA K-VIS MEDIA/Khalfan Said

Baadhi ya washiriki wa mafnzo wakifuatilia maelezo ya Mkurugenzi Mkuu.

=======================================================

SERIKALI KUZINUFAISHA JAMII ZINAZO LIZUNGUKA SHAMBA LA TAIFA LA SAO HILL.

 

Naibu waziri wa maliasili na utalii Mh. Ramo Makani, Amesema serilikali ya awamu ya tano itahakikisha jamii zinazo ishi karibu na shamba la taifa la sao hill, lenye tarafa maalum (4) za Mgololo, Ihalimba, Ihefu na Irundi zinakuwa za kwanza kunufaika na mgao wa vibali vya uvunaji wa misitu ili zishiriki kikamilifu katika kulinda, kuhifadhi na kuiboresha misitu hiyo kwa faida ya kizazi cha sasa na kijacho.

Taarifa ya kitengo cha habari na mawasiliano cha halmashauri ya Wilaya ya Mufindi, imebainisha kuwa naibu waziri Makani ameyasema hayo alipofanya ziara ya kikazi katika shamba la miti la Taifa la sao hill wilayani Mufindi Mkoani Iringa.

Amesema, ili wananchi waone kuwa msitu huo ni mali yao kama Watanzania, ni lazima wawe wa kwanza kufikiriwa wakati wa ngao wa vibali vya uvunaji kupitia jumuia watakazo ziunda katika maeneo yao.

Akizungumzia suala la  utoaji wa vibali vya uvunaji wa misitu amesema, msitu waSao Hill na mingine nchini ni mali ya Taifa, hivyo, ni haki kwa Mtanzania yeyote popote nchini kupata kibali na akasisitiza kuwa kwa mwaka huu huwenda vibali vikachelewa kutoka kwa kuwa wizara yake iyapiti maombi kwa umakini ili kupunguza malalamiko ya upendeleo katika utoaji vibali.

shamba la Miti la Sao hill lililopo Wilayani Mufindi ni la kwanza kwa ukubwa nchini kati ya mashamba 18 ya Taifa, ilikiwa na hekita zaidi ya laki moja na 35 elfu na lilianzishwa rasmi mwaka 1960.

================================================

MAKAMU WA RAIS MHE. SAMIA AFUNGUA MKUTANO WA UHAWILISHAJI FEDHA KWA KAYA MASIKINI AFRIKA NA KUKABIDHI HUNDI ZA MADAWATI

 Makamu wa Rais wa Jamhuri ya Muungano wa Tanzania Mhe. Samia Suluhu Hassan, akisalimiana na Wajumbe wa Mkutano wa kwanza wa Mifuko ya Maendeleo ya Jamii TASAF kuhusu mpango wa Uhawilishaji wa Fedha na kunusuru kaya Masikini kwa Nchi Jumuiya za Afrika uliofunguliwa leo Mei 16, 2016 katika Hoteli ya Ngurudoto Mjini Arusha.

 Washiriki wa Mkutano wa kwanza wa Mifuko ya Maendeleo ya Jamii TASAF kuhusu mpango wa Uhawilishaji wa Fedha na kunusuru kaya masikini kwa Nchi Jumuiya ya Afrika wakimsikiliza Makamu wa Rais wa Jamhuri ya Muungano wa Tanzania Mhe. Samia Suluhu Hassan, alipokua akifungua mkutano leo Mei 16, 2016 katika Hoteli ya Ngurudoto Mjini Arusha.    

 Makamu wa Rais Mhe. Samia Suluhu Hassan, akizungumza na Waziri wa Nchi Ofisi ya Rais Menejiment ya Utumishi wa Umma na Utawala Bora Mhe. Angela Kairuki kabla ya kufungua Mkutano wa kwanza wa Mifuko ya Maendeleo ya Jamii TASAF kuhusu mpango wa Uhawilishaji wa Fedha na kunusuru kaya masikini kwa Nchi Jumuiya ya Afrika wakimsikiliza Makamu wa Rais wa Jamhuri ya Muungano wa Tanzania Mhe. Samia Suluhu Hassan, alipokua akifungua mkutano leo Mei 16, 2016 katika Hoteli ya Ngurudoto Mjini Arusha. 

 Makamu wa Rais wa Jamhuri ya Muungano wa Tanzania Mhe. Samia Suluhu Hassan, akizungumza na Mkurugenzi wa Benki ya Dunia anaeshughulikia Nchi za Tanzania, Burundi, Malawi na Somalia Bibi. Bella Bird walipokutana katika ukumbi wa Mikutano wa Ngurudoto Mjini Arusha leo Mei 16, 2016, ambapo Makamu wa Rais alifungua mkutano wa kwanza wa TASAF kuhusu Uhawilishaji wa Fedha na kunusuru kaya masikini kwa Nchi Jumuiya ya Afrika.

 Makamu wa Rais wa Jamhuri ya Muungano wa Tanzania Mhe. Samia Suluhu Hassan, akikabidhi Hundi kwa Mkuu wa Mkoa wa Mwanza Mhe. John Mongela  kwa ajili ya kukabiliana na uhaba wa Madawati. Jumla ya Madawati Elfu 16.5 yenye thamani ya Tshs. 1 Bilioni moja zilikabidhiwa kwa Wakuu wa Mikoa inayozunguka Mbuga ya Hifadhi ya Taifa kwa ajili ya kukabiliana na tatizo la Madawati kwenye Shule zote zilizomo katika Wilaya za Mikoa hiyo. Makabidhiano hayo yamefanyika leo Mei 16,2016 katika ukumbi wa Ngurudoto mjini Arusha. Katikati waziri wa Maliasili Utalii Profesa Jumanne Magembe (Picha na OMR)     

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akikabidhi Hundi kwa Mkuu wa Mkoa wa Songwe Mhe. Chiku Galawa kwa ajili ya kukabiliana na uhaba wa Madawati. Jumla ya  Madawati Elfu 16.5 yenye thamani ya Tshs. 1 Bilioni moja zilikabidhiwa kwa Wakuu wa Mikoa inayozunguka Mbuga ya Hifadhi ya Taifa kwa ajili yakukabiliana na tatizo la Madawati kwenye Shule zote zilizomo katika Wilaya za Mikoa hiyo. Makabidhiano hayo yamefanyika leo Mei 16,2016 katika ukumbi wa Ngurudoto mjini Arusha.katikati waziri wa Maliasili Utalii Profesa Jumanne Magembe.

=====================================================

TAASISI YA KARIMJEE JIVANJEE YATOA TSH. 10 MIL KWA TAASISI YA TUSHIKAMANE PAMOJA FOUNDATION

Meneja wa Taasisi ya Karimjee Jivanjee, Devotha Rubama (katikati) akisalimiana na Rais Mstaafu, Ali Hassan Mwinyi wakati wa hafla ya kuchangisha fedha kuisaidia taasisi Tushikamane Pamoja jijini Dar es Salaam jana (kulia) ni Meneja Mahusiano na Mauzo wa Toyota Tanzania, Kadiva William. Taasisi ya Karimjee Jivanjee ilichangia shilingi milioni 10.

 Meneja wa Taasisi ya Karimjee Jivanjee, Devotha Rubama (kushoto) akimkabidhi mfano wa hundi Mwenyekiti wa Taasisi ya Tushikamane Pamoja inayoshughulika na kutoa huduma kwa wazee, Rose Mwapachu wakati wa hafla ya kuchangisha fedha kuisaidia taasisi hiyo jijini Dar es Salaam jana (katikati) ni Meneja Mahusiano na Mauzo wa Toyota Tanzania, Kadiva William.

================================================

MATUKIO BUNGENI LEO.

 Waziri wa Habari, Utamaduni, Sanaa na Michezo, Mhe. Nape Nnauye (kulia) pamoja na Mbunge wa Viti Maalul CCM, Mhe. Halima Bulembo wakielekea Bungeni kwa jili ya vikao vya asubuhi vya Bunge hilo leo 16 Mei, 2016 mjini Dodoma.

Waziri wa Afya, Maendeleo ya Jamii, Jinsia, Wazee na Watoto, Mhe. Ummy Mwalimu (kushoto) pamoja na Makamu Mwenyekiti wa Kamati ya Sheria na Katiba, Mhe. Najma Giga wakielekea Bungeni kwa ajili ya vikao vya asubuhi vya Bunge hilo leo 16 Mei, 2016 mjini Dodoma.

 Baadhi ya Viongozi wa Jeshi la Polisi, Magereza, Uhamiaji na Zimamoto wakiingia ndani ya Ukumbi wa Bunge mjini Dodoma kwa ajili ya vikao vya bunge hususan kusikiliza Bajeti ya Wizara ya Mambo y Ndani ya Nchi 16 Mei, 2016 mjini Dodoma.

 Waziri wa Elimu, Sayansi, Teknolojia na Ufundi, Mhe. Profesa Joyce Ndalichako (kulia) pamoja na Naibu Waziri, Wizara ya Ujenzi, Uchukuzi na Mawasiliano, Mhe. Mhandisi Edwin Amandus Ngonyani wakielekea Bungeni kwa ajili ya vikao vya asubuhi vya Bunge hilo leo 16 Mei, 2016 mjini Dodoma

PICHA ZOTE NA BENEDICT LIWENGA-MAELEZO, DODOMA.

=============================================

  MWANZA: MWENDESHA PIKIPIKI MMOJA AFARIKI DUNIA NA MWINGINE KUJERUHIWA VIBAYA BAADA YA PIKIPIKI ZAO KUGONGANA.

JAMHURI YA MUUNGANO WA TANZANIA

WIZARA YA MAMBO YA NDANI YA NCHI

JESHI LA POLISI TANZANIA.

 JESHI LA POLISI MKOA WA MWANZA.

• WATU WAWILI WANASHIKILIWA NA JESHI LA POLISI BAADA YA KUFANYIKA MSAKO ENDELEVU WA KUSAKA NA KUKAMATA WAHALIFU JIJINI MWANZA.

• MWENDESHA PIKIPIKI MMOJA AMEFARIKI DUNIA NA MWINGINE KUJERUHIWA VIBAYA BAADA YA PIKIPIKI ZAO KUGONGANA.

KATIKA TUKIO LA KWANZA.

KATIKA MISAKO INAYOENDELEA YA KUSAKA NA KUKAMATA WAHALIFU JIJINI MWANZA JESHI LA POLISI LIMEWAKAMATA WATU WAWILI AMBAO NI CHACHA MWITA MIAKA 34 NA RASHIDI MOHAMED MIAKA 33 WOTE WAKAZI WA KITANGIRI WAKIWA NA BHANGI MISOKOTO SITA (6) KITENDO AMBACHO NI KINYUME NA SHERIA ZA NCHI ZINAVYOELEKEZA. MSAKO HUO UMEFANYIKA MNAMO TAREHE 14.05.2016 MAJIRA YA SAA 14.05HRS KATIKA KATA YA KITANGIRI WILAYA YA ILEMELA JIJI NA MKOA WA MWANZA.

ASKARI POLISI WAKIWA KWENYE DORIA WALIWEZA KUFANIKIWA KUPATA TAARIFA ZA WATU HAO, AMBAO WALIKAMATWA NA SASA WAPO KITUO CHA POLISI KWA MAHOJIANO KWA AJILI YA KUWEZA KUPATA TAARIFA ZA WATU WENGINE ZAIDI WANAOJIHUSISHA NA BIASHARA HIYO HARAMU. PINDI UCHUNGUZI UKIKAMILIKA WATAFIKISHWA MAHAKAMANI.

KAMANDA WA POLISI MKOA WA MWANZA KAMISHINA MSAIDIZI MWANDAMIZI WA POLISI AHMED MSANGI AMESEMA  “KUTOKANA NA KUONGEZEKA KWA VITENDO VYA UHALIFU WA AINA HIYO HAPA MKOANI MWANZA JESHI LA POLISI LINAFANYA MISAKO ENDELEVU YA KUSAKA NA KUKAMATA WAHALIFU KATIKA SEHEMU ZOTE”, HIVYO TUNAOMBA USHIRIKIANO NA WANANCHI WENYE TAARIFA ZA WATU WANAO JIHUSISHA NA BIASHARA HIYO ILI TUWEZE KUWAKAMATA. 

KATIKA TUKIO LA PILI

MWENDESHA PIKIPIKI MMOJA ASIYEFAHAMIKA JINA WALA MAKAZI AMEFARIKI DUNIA NA MWENGINE KUJERUHIWA VIBAYA ALIJULIKANA  KWA JINA LA STANLEY MAIMU MIAKA 24 MKAZI WA MABATINI  BAADA YA  PIKIPIKI ZAO KUGONGANA.

AJALI HIYO IMETOKEA MNAMO TAREHE 15.05.2016 MAJIRA YA SAA 15:30HRS KATIKA BARABARA YA NYERERE ENEO LA MABATINI SINAI WILAYA YA NYAMAGANA MKOA WA MWANZA AMBAPO PIKIPIKI NAMBA T.451 BBR AINA YA SANYA IKIENDESHWA NA STANLEY MAIMU ILIGONGANA NA PIKIPIKI NAMBA T.580 CBY AINA YA SANLG AMBAPO MTU ALIYEKUWA AKIIENDESHA PIKIPIKI HIYO ALIFARIKI PAPO HAPO NA KUPELEKEA KUSHINDWA KUFAHAMIKA JINA LAKE PAMOJA NA MAKAZI.

CHANZO CHA AJALI NI MWENDO KASI KWA WAENDESHA PIKIPIKI WOTE WAWILI, MWILI WA MAREHEMU UMEHIFADHIWA HOSPITALI YA RUFAA YA BUAGANDO NA MAJERUHI AMELAZWA HOSPITALI YA RUFAA YA BUGANDO KWA MATIBABU LAKINI HALI YAKE BADO SIO NZURI.

KAMANDA WA POLISI MKOA WA MWANZA KAMISHINA MSAIDIZI MWANDAMIZI WA POLISI AHMED MSANGI AMETOA WITO KWA WATUMIAJI WA VYOMBO VYA MOTO HASWA WAENDESHA PIKIPIKI (BODABODA) KUZINGATIA ALAMA NA SHERIA ZA USALA BARABARANI ILIKUWEZA KUZUI AJALI ZINAZOWEZA KUEPUKIKA.

IMESAINIWA NA:

SACP: AHMED MSANGI

KAMANDA WA POLISI (M) MWANZA.

============================================== 

SAFARI YA MWISHO YA MWANETU MAGGID MAKABURI YA KISUTU JIJINI DAR ES SALAAM

SAFARI YA MWISHO YA MWANETU MAGGID MAKABURI YA KISUTU JIJINI DAR ES SALAAM

Sunday, May 15, 2016 Maoni: 0

Mwili wa marehemu ukiingizwa katika msikiti wa Al Maamur Upanga jijini Dar es salaam leo tayari kwa kuswaliwa kabla ya mazishi.

Mbunge wa Chalinze Ridhiwani Kikwete (kushoto) akimfariji  baba wa marehemu Ankal Issa Michuzi. 

Mama wa marehemu (aliyevaa nguo nyeupe) akiwa na ndugu wa karibu wakiomboleza. 

Baba wa marehemu akiwa na viongozi wa dini wakiombea mwili wa marehemu dua.

Mke wa Rais mama Janeth Magufuli (kulia) akiwa na ndugu wa marehemu. 

Baba wa marehemu Ankal Issa Michuzi akipata chakula.

Mke wa Rais mama Janeth Magufuli (kulia) akiwasili msibani Wazo hill akiwa  na baba wa marehemu Ankal Issa Michuzi.

Baba wa marehemu akiwa na Balozi Cisco Mtiro na baadhi ya waombolezaji.

Baba wa marehemu (mwenye kofia), Ankal Issa Michuzi akipewa pole na baadhi ya waombolezaji mara baada ya maziko ya mtoto wake Maggid Muhidin Michuzi (18)yaliyofanyika katika makaburi ya Kisutu jijini Dar es Salaam leo.

Waziri Mkuu mstaafu Jaji Joseph Sinde Warioba akimpa pole Issa Michuzi.

Rais Mstaa mstaafu wa awamu ya nne, Jakaya Kikwete akimfariji Ankal Issa Michuzi.

Issa Michuzi (mwenye kofia) akifuatiwa na Rais mstaafu Dkt Jakaya Mrisho Kikwete,  kulia kwake ni Waziri Mkuu Mstaafu Jaji Joseph Sinde Warioba na Katibu Mkuu Kiongozi Mstaafu Mhe Ombeni Sefue. Kulia ni Katibu Mkuu Kiongozi Balozi Mhandisi  John Kijazi, Katibu Mkuu Ikulu Mhe. Peter Ilomo wakati maziko.

Waumini wakiomba dua.

Baba wa marehemu Issa Michuzi (katikati) akiwa na huzuni akiwa na Rais mstaafu Dkt Jakaya Mrisho Kikwete,  kulia kwake ni Waziri Mkuu Mstaafu Jaji Joseph Sinde 

Baba mkubwa wa marehemu, Ismail Issa Michuzi akitoa shukrani kwa walioshiriki mazishi ya mtoto wao.

Mroki Mroki ambaye aliyekuwa MC akitoa muongozo wakati wa mazishi.

Waombolezaji wakiweka udongo kwenye kaburi la marehemu.

Katibu Mkuu Kiongozi, Balozi Mhandisi John Kijazi akiweka udongo.

Waziri Mkuu mstaafu Jaji  Joseph Sinde Warioba akiweka udongo kaburini.

Rais mstaafu Jakaya Kikwete akiweka udongo kaburini.

Baba wa marehemu Ankal  Issa Michuzi akiweka udongo kaburini.

Mwili wa marehemu ukiwekwa kaburini.

Mwili ukiwasili makaburini.

Rais mstaafu Jakaya Kikwete akimpa pole baba wa marehemu, Ankal  Issa Michuzi. Kulia ni Katibu Mkuu Kiongozi Balozi Mhandisi  John Kijazi. Picha zote na Francis Dande

MAJALIWA: MAPAMBANO YA RUSHWA YANAHITAJI JUHUDI ZA PAMOJA

Saturday, May 14, 2016 Maoni: 0

WAZIRI MKUU Kassim Majaliwa amesema mkutano wa kimataifa uliojadili jinsi ya kupambana na rushwa duniani ni kiashiria tosha kwamba tatizo la rushwa ni kubwa sana na linataka juhudi za pamoja katika kukabiliana nalo. (It’s a serious graft that needs concerted efforts).

Ametoa kauli hiyo mwishoni mwa wiki wakati akizungumza na Waziri wa Nchi wa Uingereza anayeshughulikia Maendeleo ya Kimataifa, Bibi Justine Greening walipokutana kwenye mkutano huo uliofanyika Lancaster House, jijini London, Uingereza.

Waziri Mkuu ambaye alihudhuria mkutano huo kwa niaba ya Rais Dk. John Pombe Magufuli, alimweleza Bibi Greening kwamba viongozi wa Serikali wa awamu ya tano wameamua kwa dhati kupambana na kila ovu linalotokana na janga la rushwa na pia wameamua kuwajibika na kuachana na tabia ya kufanya kazi kwa mazoea.

“Sasa hivi nchi yetu ina utamaduni mpya wa kufanya kazi na tumeamua kufanya kazi kwelikweli na siyo tena kwa mazoea, tumeamua kuweka utamaduni mpya wa kupiga vita rushwa ili kuleta uwajibikaji na uwazi miongozi mwa watu wetu,” alisema.

Alipoulizwa ni kitu kimechangia kufanya Tanzania ing’are kimataifa katika vita hii, Waziri Mkuu alijibu kwamba Tanzania imetumia mambo manne ambayo ni kuzuia rushwa isitolewe ama kupokelewa (prevention), kampeni za kuelimisha jamii, kufanya mapitio ya sheria na kuwepo kwa utashi wa kisiasa.

“Serikali inachukua hatua za kiutawala na kisheria kama vile kuanzisha mahakama maalum ya mafisadi ambayo inatarajiwa kuanza kazi mwezi Julai mwaka huu,” alisema Waziri Mkuu.

Kwa upande wake, Bibi Greening alipongeza hatua zinazochukuliwa na Serikali ya awamu ya tano katika kupambana na rushwa na kwamba ndiyo maana Tanzania ilipewa mwaliko maalum wa kushiriki mkutano huo kwa vile baadhi ya mataifa yanaziona juhudi zinazofanywa na Serikali.

Pia alitumia fursa hiyo kumpongeza Waziri Mkuu kwa nia ambayo Serikali ya awamu ya tano imeionyesha katika kuwa na mpango wa kuendeleza viwanda.

Pia alimhakikishia Waziri Mkuu kwamba nchi yake iko tayari kuisaidia Tanzania kwenye mpango wake ilionao wa kupeleka umeme vijijini (Rural Electrification Programe). “Tuko tayari kuwasiidia kutekeleza mpango huu kupitia taasisi ya Energy Africa Initiative ambayo inapata ufadhili kupitia Shirika la Kimataifa la Maendeleo la Uingereza (DFID),” alisema.

Wakati huohuo, Naibu Waziri wa Mambo ya Nje wa Marekani anayeshughulikia masuala ya kimataifa, Bibi Sarah Sewall ameipongeza Tanzania kwa kupiga hatua katika mapambano dhidi ya rushwa na kusisitiza kwamba makampuni mengi ya Marekani yana nia ya kuja kuwekeza Tanzania.

“Ninaamini uwekezahji huu utasaidia kuleta maendeleo ya kiuchumi na kijamii kwa watu wetu. Tunampongeza Rais Dk. Magufuli kwa juhudi anazofanya na nipende kusisitiza kwamba ushirikiano baina ya Tanzania na Marekani utaendelezwa katika maeneo yetu ya siku zote,” alisema.

Waziri Mkuu alimshukuru Bibi Sewall na kumsisitiza asiache kusaidia kuwahimiza wamarekani wengi waje kutalii Tanzania na wawekezaji zaidi waje kuwekeza nchini katika nyanja mbalimbali zikiwemo uanzishaji wa viwanda, uongezaji thamani kwenye mazao yanayozalishwa nchini na kuhakiksha kuwa Watanzania wanajifunza teknolojia mpya na za kisasa.

IMETOLEWA NA:

OFISI YA WAZIRI MKUU

JUMAMOSI, MEI 14, 2016.

MAKAMU WA RAIS MHE. SAMIA AZINDUA KITUO CHA KISASA CHA HUDUMA ZA MAGARI MKOANI ARUSHA

Saturday, May 14, 2016 Maoni: 0

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akiangalia Matairi ya Magari aina ya BF Goodrich KO2 yanayosambazwa na kampuni ya Superdoll baada kuwasili katika kituo cha kisasa cha huduma za magari na Matairi cha Superdoll mjini Arusha kwa ajili ya kuzindua rasmi kituo hicho. Kusshoto Mkurugenzi Mkuu wa Kampuni ya Superdoll Seif Ali Seif. 

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akibonyeza kitufe na kupata maelezo kutoka kwa Mkurugenzi Mkuu wa Kampuni ya Superdoll Seif Ali Seif alipokua akizindua rasmi kituo cha kisasa cha huduma za magari pamoja na Matairi cha Superdoll mjini Arusha.

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akizungumza na Mkurugenzi Mkuu wa Kampuni ya Superdoll Seif Ali Seif baada ya kuzindua rasmi kituo cha kisasa cha huduma za magari pamoja na Matairi cha Superdoll mjini Arusha.

Makamu wa Rais wa Jamhuri ya Muungano wa Tanzania Mhe, Samia Suluhu Hassan, akisalimiana na Mkuu wa Mkoa Kilimanjaro Mhe. Said Meck Saddik alipowasili Uwanja wa ndege wa Kimataifa wa Kilimanjaro kwa ajili ya kuanza ziara ya kikazi ya siku tatu Mkoani Arusha, baada ya kukamilisha zira yake ya kikazi katika Mikoa ya Mwanza na Geita. Katikati Mkuu wa Mkoa Arusha Mhe. Daud Felix Ntibenda.

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akisalimiana na Viongozi na Makamanda wa Kamati za Ulinzi na Usalama za Mikoa ya Kilimanjaro na Arusha alipowasili Uwanja wa ndege wa Kimataifa wa Kilimanjaro kwa ajili ya kuanza ziara ya kikazi ya siku tatu Mkoani Arusha, baada ya kukamilisha zira yake ya kikazi katika Mikoa ya Mwanza na Geita.

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akiangalia Vikundi vya Ngoma za aina mbalimbali alipowasili Uwanja wa ndege wa Kimataifa wa Kilimanjaro kwa ajili ya kuanza ziara ya kikazi ya siku tatu Mkoani Arusha, baada ya kukamilisha zira yake ya kikazi katika Mikoa ya Mwanza na Geita.

(Picha na OMR)

TANZANIA KUSHIRIKIANA NA JUMUIYA YA MADOLA – MAJALIWA

Saturday, May 14, 2016 Maoni: 0

WAZIRI MKUU Kassim Majaliwa amesema Jumuiya ya Madola inaweza kuiga mbinu ambazo Tanzania imetumia katika kupambana na rushwa zikiwemo za kujumuisha wadau tofauti kwenye vita hiyo.

Ametoa kauli hiyo mwishoni mwa wiki wakati akizungumza na Katibu Mkuu wa Jumuiya ya Madola, Bibi Patricia Scotland walipokutana kwenye mkutano wa kimataifa uliojadili jinsi ya kupambana na rushwa duniani uliofanyika Lancaster House, jijini London, Uingereza.

“Tanzania iko tayari kushirikiana na ninyi katika kujenga timu hii na ili uweze kupata picha halisi, nakukaribisha Tanzania uje ujionee hatua ambazo tumechukua hadi kufikia hapa tulipo kwenye vita hii dhidi ya rushwa,” alisema Waziri Mkuu ambaye alihudhuria mkutano huo kwa niaba ya Rais Dk. John Pombe Magufuli.

Alimweleza Katibu Mkuu huyo kwamba Serikali ya Awamu ya Tano imefanikiwa kupambana na rushwa kutokana na ushirikiano mkubwa inaoupata kutoka kwa wananchi. “Wananchi wanafurahia juhudi za Serikali, vyama vya kiraia pia vinaunga mkono jitihada zetu na vyombo vya habari vinashirikiana nasi katika vita hii,” alisema.

Waziri Mkuu alitoa wito huo baada ya kuelezwa na Bibi Scotland kwamba anataka kuanzisha idara malum kwenye Jumuiya hiyo ambayo itasimamia mapambano dhidi ya rushwa na makosa ya jinai.

“Nataka tuwe na idara yenye watu mahiri wa idara za uhasibu, mahakama yenyewe ikiwemo waendesha mashtaka na wanasheria kutoka kwenye nchi kadhaa ili washirikishane uzoefu kutoka kwenye nchi zao. Ninaamini katika nchi 53 ambazo ni wanachama wetu, sitakosa watu wa aina hii,” alisema.

Alisema ameamua kufanya hivyo ili aweze kuendanana na malengo makuu matatu ya jumuiya hiyo ambayo ni kupiga vita rushwa, kuhimiza utawala bora na usimamizi wa demokrasia.

IMETOLEWA NA: OFISI YA WAZIRI MKUU

JUMAMOSI, MEI 14, 2016.

YANGA WALIVYONYAKUA KOMBE LA LIGI KUU MSIMU WA 2015/2016

Saturday, May 14, 2016 Maoni: 0

KOMBE LATUA JANGWANI: Chereko na nderemo uwanja wa Taifa jijini Dar es Salaam wakati Waziri wa Kilimo Mwigulu Nchemba akiikabidhi Yanga Kombe la Ligi Kuu. Huu ni ubingwa wa 26.Yanga walikabidhiwa kombe hilo na Waziri wa Kilimo, Mifugo na Uvuvi, Mh Mwigulu Nchemba, ambae ndie alikuwa mgeni rasmi.

WIZARA KUPIMA VIWANJA 2180 CHASIMBA

Saturday, May 14, 2016 Maoni: 0

Na Jacquiline Mrisho-MAELEZO

Wizara ya Ardhi, Nyumba na Maendeleo ya Makazi imeazimia kupima jumla ya viwanja 2180 katika Kijiji cha Chasimba,wilayani Kinondoni baada ya kuisha kwa mgogoro wa ardhi kati ya wananchi na Kiwanda cha Saruji (Twiga Cement).

Hayo yamesemwa leo Jijini Dar es Salaam na Mkurugenzi Msaidizi Usanifu wa Miji wa Wizara hiyo, Bi.Immaculata Senje alipokuwa akifafanua juu ya malalamiko ya wananchi kuhusu kukosa huduma za umeme na maji katika eneo hilo.“Baada ya kupatikana kwa suluhisho la mgogoro huu, zoezi la upimaji viwanja linaendelea ambapo hadi sasa tumeshapima jumla ya viwanja 370 kati ya viwanja 2180 vinavyotarajiwa kupimwa kwenye Kijiji hicho,”alisema Bi Senje.

Bi Senje aliongeza kuwa kazi ya kupima viwanja hivyo ilianza mwezi Agosti mwaka jana baada ya Wizara kuunda timu ya wataalamu kutoka Wizara ya Ardhi, Nyumba na Maendeleo ya Makazi, Halmashauri ya Manispaa ya Kinondoni, Mamlaka ya Maji Safi na Maji Taka Dar es Salaam (DAWASA), Wakala wa Barabara Nchini (TANROADS) pamoja na Shirika la Umeme Tanzania (TANESCO) ili waweze kutambua mipaka ya eneo kwa ajili ya kuweka miundombinu.

Aidha, Bi. Senje amesisitiza kuwa wananchi wawe wavumilivu kwani huduma za miundombinu kama vile maji, umeme na barabara zitawekwa baada ya upimaji wa viwanja hivyo kukamilika.Mgogoro huo ulimalizika mnamo Juni 13 mwaka jana baada ya uongozi wa Wizara kuweka kikao na uongozi wa Kiwanda cha Saruji pamoja na wananchi wa Chasimba ambapo uongozi wa Kiwanda ulikubali kuachia sehemu ya ardhi ambayo ilishaendelezwa na wakazi wa eneo hilo kwa makubaliano ya kupewa fidia na Wizara.

Rais Magufuli afanya ziara ya ghafla Uwanja wa Ndege JNIA Leo

Saturday, May 14, 2016 Maoni: 0

Rais wa Jamhuri ya Muungano wa Tanzania Dkt. John Pombe Magufuli akikagua mashine ya ukaguzi wa mizigo katika sehemu ya kuwasili abiria ya uwanja wa ndege wa Mwalimu Julius Nyerere, upande wa uwanja wa zamani (Terminal One) wakati wa ziara yake ya ghafla aliyoifanya Ijumaa tarehe 13 Mei, 2016. Kulia kwa Rais ni Mkuu wa Mkoa wa Dar es salaam Paul Makonda na kushoto ni Kaimu Meneja uendeshaji Lilian Minja.

Rais wa Jamhuri ya Muungano wa Tanzania Dkt. John Pombe Magufuli akimuuliza maswali Meneja wa Uwanja wa ndege wa Mwalimu Julius Nyerere Bw. Paul Rwegasha, kuhusu dosari zilizopo katika mashine za kukagulia mizigo ya wageni wanaowasili kupitia uwanja wa ndege wa Kimataifa wa Mwalimu Julius Nyerere, upande wa uwanja wa zamani (Terminal One)

Rais wa Jamhuri ya Muungano wa Tanzania Dkt. John Pombe Magufuli akiwabana maswali maafisa wa uwanja wa ndege wa kimataifa wa Mwalimu Julius Nyerere kuhusu dosari ya kutofanya kazi kwa mashine za ukaguzi katika sehemu ya kuwasili abiria ya uwanja wa zamani (Terminal One) .

Rais wa Jamhuri ya Muungano wa Tanzania Dkt. John Pombe Magufuli ameiagiza Wizara ya Ujenzi, Mawasiliano na Uchukuzi kwa kushirikiana na vyombo vya dola kuchukua hatua mara moja dhidi ya dosari za ukaguzi zilizopo katika kitengo cha ukaguzi wa mizigo na abiria katika uwanja wa ndege wa kimataifa wa Mwalimu Julius Nyerere (Terminal One) Jijini Dar es salaam.

Rais Magufuli ametoa agizo hilo leo tarehe 13 Mei, 2016 alipofanya ziara ya kushtukiza katika uwanja huo na kubaini kuwa mashine za ukaguzi za sehemu ya kuwasili abiria na mizigo hazifanyi kazi kwa muda mrefu.

Maafisa wa uwanja wa ndege wa Kimataifa wa Mwalimu Julius Nyerere waliokuwa wakitoa maelezo juu ya hali ya kitengo cha ukaguzi wa mizigo na abiria katika uwanja huo, walikuwa wakitoa taarifa zinazotofautiana kuhusu utendaji kazi wa mashine za ukaguzi, hali iliyosababisha Dkt. Magufuli aamue kuiagiza wizara husika kwa kushirikiana na vyombo vya dola kuchukua hatua mara moja.

"Unajua mimi sipendi kudanganywa, ni vizuri uzungumze ukweli tu, kwa nini nimeanzia hapa huwezi ukajiuliza? eeeh sasa sipendi kudanganywa, ukinidanganya nitachukia sasa hivi, wewe umenidanganya kwamba hiyo ndio mbovu na hii ndio nzima, nikawaambia muiwashe hiyo nzima, akaja huyu mwenzako amezungumza ukweli kabisa, akasema hii ni mbovu kwa miezi miwili. Dkt. Magufuli aliwahoji Maafisa wa uwanja wa ndege.

"Kwa hiyo mizigo inayoingia humu huwa hamuikagui kwa namna yoyote ile, kwa hiyo mtu nikiamua kuja na madawa yangu ya kulevya, nikaja na dhahabu zangu, na almasi zangu na meno ya tembo kwa kutumia hizi ndege ndogondogo napita tu"  Rais Magufuli aliendelea kuwabana maafisa hao wa uwanja wa ndege wa kimataifa wa Mwalimu Julius Nyerere. 

Rais Dkt. John Pombe Magufuli amefanya ziara hii ya kushtukiza mara baada ya kuwasili katika uwanja wa ndege wa Mwalimu Julius Nyerere akitokea Jijini Kampala nchini Uganda ambako jana alihudhuria sherehe ya kuapishwa kwa Rais wa Jamhuri ya Uganda Mhe. Yoweri Kaguta Museveni.

Gerson Msigwa

Kaimu Mkurugenzi wa Mawasiliano, IKULU

Dar es salaam

13 Mei, 2016

LUHWAVI AWASILI TANGA LEO, ASIKILIZA MAFANIKIO NA KERO ZA WAFANYAKAZI WA CCM WILAYA ZOTE ZA MKOA HUO

Saturday, May 14, 2016 Maoni: 0

Naibu Katibu Mkuu wa CCM, Rajab Luhwavi akisalimiana na Kada wa CCM, Mkuu wa mkoa wa Tanga Martine Shigella, alipowasili Ofisi ya CCM mkoa huo kuzungumza na watumishi wa Chama kutoka wilaya zote za mkoa huo leo. Kushoto ni Katibu wa CCM mkoa wa Tanga, Shija Othman

Vijana wa Umoja wa CCM mkoa wa Tanga, wakimfanyia mapokezi maalum, Naibu Katibu Mkuu wa CCM-Bara, Rajab Luhwavi alipowasili Ofisi ya CCM mkoa huo kuzungumza na watumishi wa Chama kutoka wilaya zote za mkoa huo leo.

Vijana wa Umoja wa Vijana wa CCM mkoa wa Tanga, akila kiapo cha utiifu wakati walipomfanyia mapokezi rasmi Katibu Mkuu wa CCM- Bara, Rajabu Luhwavi, alipowasili Ofisi ya CCM mkoa huo kuzungumza na watumishi wa Chama kutoka wilaya zote za mkoa huo leo. 

Kijana wa wa UVCCM, Mwanakombo Mwakulo akimvisha Skafu Naibu Katibu Mkuu wa CCM -Bara, Rajab Luhwavi, alipowasili Ofisi ya CCM mkoa huo kuzungumza na watumishi wa Chama kutoka wilaya zote za mkoa huo leo. Kulia ni kada wa CCM Mkuu wa mkoa wa Tanga, Martine Shigella.

Read more »

UPDATES ZA MSIBA WA MTOTO WA ANKAL: MWILI UMESHAWASILI DAR ES SALAAM, MAZISHI LEO JUMAMOSI SAA 10 ALASIRI MAKABURI YA KISUTU

Saturday, May 14, 2016 Maoni: 1

Assalaam Aleikhum,

Updates za familia ya Ankal Issa Michuzi iliyopatwa na msiba wa kuondokewa na Mtoto wa Ankal, Maggid Muhidin (18),  aliyefariki Jumapili Mei 8, 2016 huko Durban, Afrika Kusini:

Mwili wa Marehemu umeshawsili  nchini jana Ijumaa Mei 13, 2016 majira ya saa tisa  mchana kwa  ndege ya shirika la Emirates kupitia Dubai (kwa kukosekana kwa  ndege za moja kwa moja kuja nchini kutoka Durban). Mwili wa kijana wetu umepokelewa na ndugu, jamaa, majirani na marafiki katika   uwanja wa Ndege wa Kimataifa wa Julius  Nyerere eneo la Cargo la Swissport, Jijini Dar es salaam.

Mazishi yamepangwa  kufanyika leo  Jumamosi saa 10  alasiri katika Makaburi ya Kisutu jijini Dar es salaam. Taratibu  za kuandaa mazishi zitaanza  saa 4 asubuhi leo  Jumamosi, nyumbani  kwa mama wa marehemu kota za Wazo Hill, Tegeta, ulipo msiba.

 Jeneza lenye mwili wa marehemu Maggid baada ya kuwasili Dar es salaam jana Ijumaa

Ankal akiwa na ndugu, jamaa na  marafiki mara baada ya kuwasili na mwili wa marehemu katika msikiti wa Maamur, Upanga, Dar es salaam, ambako unahifadhiwa hadi baadae leo kabla ya kupelekwa Wazo Hill saa nne kwa dua na baadaye kurudi hapo msikitini kuswaliwa na hatimaye kupelekwa makaburi ya Kisutu kwa mazishi saa 10 Alasiri.

Ankal akiwa na ndugu, jamaa na  marafiki mara baada ya kuwasili katika msikiti wa Maamur, Upanga, Dar es salaam

Ankal akiwa msibani Wazo Hill na wanahabari wenzie usiku huu. Kutoka kushoto ni Faraja Mugwabati, Maggid Mjengwa na Sufiani Mafoto.

NAMNA YA KUFIKA MSIBANI

Ukitokea Tegeta Kibaoni kama unaelekea Kiwanda cha Cement cha Wazo Hill, mbele mkono wako wa kulia kuna Kanisa la KKKT na ukienda mbele tena kidogo, utaona Bar yenye uzio wa rangi ya njano ambao umeandikwa "Twiga Cement",  hapo pana bango linaloelekeza njia karibu na kituo cha Bajaji nje. Unaingia upande huo wa kulia mita 250 mbele unakata tena kulia, mita 70 mbele utakuta maturubai, ndipo msibani.

Innalillah wa inna ilayhi raajiun

-AMIN.