MBUNGE MPYA JAMES MBATIA

KUTOKA KATIKA MTANDAO WETU WA MAJIRA GAZETI LA KILA SIKU                                         Posted: 04 May 2012 02:15 AM PDT

JK ampa ubunge James Mbatia Posted: 04 May 2012 01:45 AM PDT *Wamo Profesa Muhongo, Bi. Janet Mbene *Watabiriwa kuwemo kwenyea baraza jipya *Nchimbi awaomba Watanzania wamuombee *Tibaijuka, Magufuli nyota zao zang'aa WAKATI Rais Kikwete anatarajia kufanya mabadiliko katika baraza kake la mawaziri wakati wowote sasa, jana amemteua Mwenyekiti wa NCCR-Mageuzi, Bw. James Mbatia, kuwa mbunge. Mbali na Bw. Mbatia, Rais Kikwete amemteua Profesa safi Profesa Sospeter Muhongo, Bi. Janet Mbene, kuwa wabunge. Taarifa iliyotolewa kwenye vyombo vya habari jana Kurugenzi ya Mawasiliano ya Rais, Ikulu, ilieleza kuwa Rais Kikwete amefanya uteuzi huo kwa mujibu wa mamlaka ya uteuzi aliyopewa. "Rais Kikwete amefanya uteuzi huo kwa mujibu wa mamlaka ya uteuzi aliyo nayo chini ya Ibara ya 66(i) (e) ya Katiba ya Jamhuri ya Muungano wa Tanzania," ilieleza sehemu ya taarifa hiyo. Uteuzi huo umetafsiriwa na wachambuzi wa masuala ya kisiasa kuwa watu hao wanaandaliwa kuwa mawaziri, hasa ikizingatiwa kuwa Rais anatarajiwa kufanya mabadiliko ya baraza lake wakati wowote kuanzia sasa. Profesa Muhongo ambaye ni mtaalam wa masuala ya madini Geology anatabiriwa kukabidhiwa kuongoza Wizara Nishati na Madini, huku nafasi za wengine walioteuliwa zikiwa bado kitendawili. Akizungumza na gazeti hili Dar es Salaam jana Mhadhiri wa Kitivo cha Sayansi za Siasa katika Chuo Kikuu cha SAUT, Profesa Mwesiga Baregu, kuhusu uteuzi huo, alisema; "Anawaandaa kwa ajili ya kuwaweke katika baraza lake la mawaziri." Profesa Baregu alisema alisema baraza la mawaziri la sasa limepwa ndiyo maana ameamua kuchukua watu kutoka nje ya CCM. Alimshauri Rais Kikwete, kuteua baraza la mawaziri lenye sura mpya na watu wachache na wenye uwezo wa kufanyakazi. Alitaja sifa nyingine ambazo anataka mawaziri wapya kuwa nazo kuwa ni uaminifu, wawajibikaji, uadilifu na wenye kuleta tija kwa wananchi wanaowatumikia. "Akichagua wale wale wa zamani hakutakuwa na mabadiliko yoyote," alisema Profesa Baregu. Alishauri mabadiliko hayo ya baraza yafanyike haraka  kwani kuwaacha wanaotuhumiwa kwa kushindwa kuwajibika kuendelea kuwepo ofisini kunaweza kuwapa mwanya wa kupoteza vielelezo pindi watakapofikishwa kwenye vyombo vya sheria. "Mimi namshauri rais kufanya mabadiliko haraka iwezekanavyo, kwani kuendelea kuwepo ofisini kwa mawaziri hao ni tatizo na mambo yanaweza kuharibika kwa kuwa wana uwezo wa kuchukua vielelezo na kupoteza ushahidi," alisema. Hata hivyo alisema  kufanya mabadiliko pekee hakutasaidia bali  kinachotakiwa ni kuwatendea haki mawaziri hao kwa kuwafikisha mahakamani ili watakaobainika. Alisema mbali na kubadilisha baraza la mawaziri, pia anatakiwa kuwachukulia hatua wote waliohusika wakiwemo makatibu wakuu wa wizara kama wanahusika. Alisema upotevu wa fedha ni matokeo ya kukosekana kwa uwajibikaji miongoni mwa mawaziri hao. Alipoulizwa ni mawaziri wapi wanafaa kubaki kwenye safu mpya itakayoundwa, alisema atatoa maoni yake baada ya uteuzi. Naye, Mkurugenzi wa Kituo cha Sheria na Haki za Binadamu (LHRC) Dkt. Helen Kijo- Bisimba, alisema kubadilisha mawaziri si suluhuhisho kukabiliana na tatizo la viongozi kutowajibika. Alisema kuwa suluhu ni kuwawajibisha wale wote waliohusika na  kwa kuwfaikisha mahakamani ili haki itendeke. Kuhusu makatibu wakuu wambao ndio watendaji, Dkt. Kijo-Bisimba alisema kuwa mawaziri hao walitakiwa kuwawajibisha makatibu wakuu pale wanapoona kwamba hawarishishwi na utendani wao wa kazi kwa kuwa wao ndio wapo nafasi za juu kiutendaji. Mwenyekiti wa Chama cha PPT-Maendeleo, Bw. Peter Mziray, alisema wabunge wamemweka Rais Kikwete kwenye kona mbaya, hivyo ni lazima afanye mabadiliko kwa kuteua mawaziri ambao wananchi wanawaamini. Pia alishauri baraza atakalounda Rais Kikwete, liwe dogo, kwani la sasa ni kubwa kiasi kwamba inawezaka wakati mwingine akashindwa kuwafahamu. "Ndiyo maana waziri anaweza kuwa na mali nyingi, lakini akashindwa kufahamu kwa sababu hana muda wa kuwafuatilia," alisema Bw.Mziray. Aliwataja mawaziri wanaofaa kuwemo kwenye baraza hilo kuwa ni Profesa Anna Tibaijuka, Dkt. John Magufuli, Dkt. David Matayo, Bw. Bernard Membe na Bw. Shamsa Vuai Nahodha. Wakati huo huo Waziri wa Habari, Vijana, Utamaduni na Michezo Dkt. Emanuel Nchimbi, amewaomba Watanzania kumuombea ili aweze kuteuliwa tena kurudi kwenye baraza la mawaziri. Alisema bado ana moyo wa kuwatetea Watanzania katika mambo mbalimbali ili kuijenga nchi hii. "Bado ninahitaji kuwasaidia Watanzania wenzangu na ninawapenda, ndiyo maana leo hii tena muda kama huu ambapo mawaziri wengi wapo katika sala za kumuomba Mungu wao ili waweze kupita tena, lakini mimi nimeamua kuja kwenu kwa ajili ya upendo wangu na ni moja ya kazi yangu,"alisema, Dkt. Nchimbi. Aliongeza kusema kuwa angeweza kumtuma hata mwakilishi wake ili afike katika hafla ya uzinduzi wa mwongozi wa wamiliki na mameneja wa vyombo vya habari, lakini kwa kuwa anafahamu maana yake, ndiyo maana ameamua kufika mwenyewe. Naye, Mwenyekiti wa Chama cha Wamiliki wa Vyombo vya Habari Tanzania (MOAT) Bw. Regnald Mengi alimpongeza Dkt. Nchimbi kwa ujasiri wake wa kufika katika uzinduzi huo wakati mawaziri wengine hadi hivi sasa wapo matumbo joto wakiangaika huku na kule ili majina yao yaweze kupitishwa. "Nakupongeza Dkt. Nchimbi kwa ushujaa ulioonesha ni mkubwa na mawaziri wengi sasa hivi matumbo joto kwa ajili ya kusikiliza kitakachotokea, tunakuona ni jasiri, "alisema Bw. Mengi.

MKUTANO Posted: 04 May 2012 01:37 AM PDT Waziri wa Elimu na Mafunzo ya Amali wa Zanzibra Bw. Ali Juma Shamuhuna akizungumza na wananchi kabla ya kumkaribisha Rais wa Zanzibar na Mwenyekiti wa Baraza la Mapinduzi Dkt. Ali Mohamed Shein, ili awasalimie wananchi wa Matemwe Kigomani, wakati wa uwekaji wa jiwe la msingi madarasa mpya katika shehia hiyo. Rais alikuwa katika ziara ya kuangalia maendeleo ya miradi mbali mbali ya kijamii Wilaya ya Kaskazini A. (Picha Ikulu Zanzibar)

UCHANGIAJI Posted: 04 May 2012 01:27 AM PDT

DC awashauri waandishi kuzitumia kalamu vema Posted: 04 May 2012 01:21 AM PDT Na Theonestina Juma, Kagera WAANDISHI wa habari mkoani Kagera wametakiwa kuwa makini katika kuelimisha jamii juu ya rushwa kutokana vitendo hivyo huathiri zaidi wananchi maskini kwa kushindwa kupata haki zao. Kauli hiyo ilitolewa jana na Mkuu wa Wilaya ya Bukoba mkoani Kagera Bw. Samuel Kamote wakati akifungua mafunzo ya siku tatu ya waandishi wa habari wanachama wa Kagera Press Club (KPC) wapatao 34 yaliyodhaminiwa na Taasisi ya Kuzuia na Kupambana na Rushwa nchini (TAKUKURU) yanayofanyika mjini Bukoba. Alisema, kutokana na vitendo vya rushwa kuathiri zaidi wananchi maskini kwa kuwakosesha kupata haki zao, hivyo waandishi wa habari wanalo jukumu na nafasi kubwa ya kuelimisha wananchi kuhusu wajibu na namna ya kuepuka rushwa. Alisema, jamii inategemea waandishi wa habari kupitia vyombo vyao vya habari kupata ufafanuzi mbalimbali wa rushwa na hivyo wanatakiwa kuwa makini wanapoandika masuala ya rushwa ambayo yasipoandikwa na kutangawa kwa usahihi, yanawachang’anya wananchi. Aidha, Bw. Kamote aliwataka waandishi hao kuwa waadilifu na waaminifu pindi wanapoandika habari zao kwa kuzingatia maadili ya taaluma yao. Pia aliwasihi wanahabari hao kutoingilia kesi ambazo zinachunguzwa na TAKUKURU kwa vile kufanya hivyo huathiri mwenendo mzima wa uchunguzi wao. Alisema, waandishi hao wanatakiwa kujielimisha zaidi na kufahamu vizuri sheria za kupambana na kuzuia rushwa ya mwaka 2007. Aidha, kwa upande wa Kamanda wa TAKUKURU mkoani Kagera Bi. Domina Mukama alisema lengo la mafunzo hayo ni kukuza uelewa kwa waandishi wa habari juu ya rushwa ili kuweza kufahamisha umma juu ya suala hilo. Alisema, mafunzo hayo ni mwendelezo wa mipango ya TAKUKURU katika kushirikiana na vyombo vya habari ili kuwawezesha waandishi wa habari kuandika kwa usahihi taarifa zinazohusu rushwa.

DC awashauri waandishi kuzitumia kalamu vema Posted: 04 May 2012 12:50 AM PDT Na Theonestina Juma, Kagera WAANDISHI wa habari mkoani Kagera wametakiwa kuwa makini katika kuelimisha jamii juu ya rushwa kutokana vitendo hivyo huathiri zaidi wananchi maskini kwa kushindwa kupata haki zao. Kauli hiyo ilitolewa jana na Mkuu wa Wilaya ya Bukoba mkoani Kagera Bw. Samuel Kamote wakati akifungua mafunzo ya siku tatu ya waandishi wa habari wanachama wa Kagera Press Club (KPC) wapatao 34 yaliyodhaminiwa na Taasisi ya Kuzuia na Kupambana na Rushwa nchini (TAKUKURU) yanayofanyika mjini Bukoba. Alisema, kutokana na vitendo vya rushwa kuathiri zaidi wananchi maskini kwa kuwakosesha kupata haki zao, hivyo waandishi wa habari wanalo jukumu na nafasi kubwa ya kuelimisha wananchi kuhusu wajibu na namna ya kuepuka rushwa. Alisema, jamii inategemea waandishi wa habari kupitia vyombo vyao vya habari kupata ufafanuzi mbalimbali wa rushwa na hivyo wanatakiwa kuwa makini wanapoandika masuala ya rushwa ambayo yasipoandikwa na kutangawa kwa usahihi, yanawachang’anya wananchi. Aidha, Bw. Kamote aliwataka waandishi hao kuwa waadilifu na waaminifu pindi wanapoandika habari zao kwa kuzingatia maadili ya taaluma yao. Pia aliwasihi wanahabari hao kutoingilia kesi ambazo zinachunguzwa na TAKUKURU kwa vile kufanya hivyo huathiri mwenendo mzima wa uchunguzi wao. Alisema, waandishi hao wanatakiwa kujielimisha zaidi na kufahamu vizuri sheria za kupambana na kuzuia rushwa ya mwaka 2007. Aidha, kwa upande wa Kamanda wa TAKUKURU mkoani Kagera Bi. Domina Mukama alisema lengo la mafunzo hayo ni kukuza uelewa kwa waandishi wa habari juu ya rushwa ili kuweza kufahamisha umma juu ya suala hilo. Alisema, mafunzo hayo ni mwendelezo wa mipango ya TAKUKURU katika kushirikiana na vyombo vya habari ili kuwawezesha waandishi wa habari kuandika kwa usahihi taarifa zinazohusu rushwa.

DARASANI Posted: 04 May 2012 12:39 AM PDT

KATUNI Posted: 04 May 2012 12:28 AM PDT

Madiwani walalamikia fedha za maendeleo Posted: 04 May 2012 12:24 AM PDT Na Yusuph Mussa, Tanga BAADHI ya madiwani wa Halmashauri ya Wilaya ya Lushoto mkoani Tanga wamesema fedha za miradi zinazopelekwa kwa wananchi kwa ajili ya miradi ya maendeleo ni kidogo ukilinganisha na kiwango kilichoidhishwa kwenye bajeti, hivyo madiwani hao kuonekana ni waongo mbele ya jamii. Hayo yalisemwa jana kwenye mafunzo ya siku tatu kwa madiwani hao yanayoratibiwa na halmashauri kwa uwezeshaji wa Ofisi ya Waziri Mkuu, Tawala za Mikoa na Serikali za Mitaa (TAMISEMI), ambapo Diwani wa Kata ya Mgwashi Bw. Bakari Kavumo alisema kutopeleka fedha hizo ni kuwahadaa wananchi. "Kila tunapopitisha bajeti na Serikali kukubali kiwango cha fedha za kuleta kwenye halmashauri, Hazina haileti fedha hizo kwa wakati uliopangwa, lakini kibaya zaidi fedha zinaletwa kidogo tofauti na tulizoidhinishiwa kwenye bajeti," alisema Bw. Kavumo. Diwani wa Kata ya Mtae Bw. Said Shehiza alisema madiwani bado hawajapewa meno ya kutosha kuwa walinzi wa fedha za halmashauri, kwani baadhi ya mikataba wao hawahusishwi. "Madiwani tunaambiwa halmashauri ni yetu, lakini tumewekewa mipaka tunaambiwa tusiingie jikoni, hivyo tunashindwa kujua kinachoendelea kwenye mambo mengi," alisema Bw. Shehiza. Diwani wa Kata ya Mamba, ambaye pia ni Mwenyekiti wa UWT Wilaya ya Lushoto Bi. Zubeda Titu alisema falsafa ya CCM kuwa Diwani ni figa la tatu haina maana kwao, kwani figa hilo limeonekana kama ngazi tu ya kumuwezesha Mbunge na Rais kupata madaraka.   "Figa la tatu ambalo ni sisi madiwani ni la kukanyagia ili mafiga mengine yapande. Diwani analipwa sh. 120,000 kwa mwezi, Mbunge pamoja na kulipwa mamilioni ya fedha bado akipewa uwaziri anafanya mambo ya kifisadi... Serikali ni lazima iangalie maslahi yetu na sisi madiwani," alisema Bi. Titu. Mwezeshaji wa mafunzo hayo kutoka Ofisi ya Mkuu wa Mkoa Tanga Bw. Yohana Miwa akitoa mada alisema Diwani ni mwakilishi wa wananchi, hivyo anatakiwa akutane mara kwa mara na waliomchagua ili kuchukua maoni yao na kuyafanyia kazi kwenye ngazi mbalimbali. Akizungumza na mwandishi, Makamu Mwenyekiti wa Halmashauri ya Wilaya ya Lushoto ambaye pia ni Diwani wa Kata ya Dule- Bumbuli Bw. Sebarua Shemboza alisema Rais Kikwete amepiga 'Ikulu' baada ya kuwaondoa wakaguzi wa ndani kwenye halmashauri. "Kama kuna jambo ambalo Rais Kikwete ameonesha nia ya dhati ya kufanya maboresho katika kudhibiti fedha za umma kutumika visivyo kwenye halmashauri ni kumuondoa Mkaguzi wa Ndani kuwa chini ya Mkurugenzi, hiyo itaongeza uwajibikaji na ulinzi wa fedha," alisema Bw. Shemboza.

UHURU WA HABARI Posted: 04 May 2012 12:20 AM PDT Mbunge Mteule wa Bunge la Jumuiya ya Afrika Mashariki (EAC), Bi, Shyrose Bhanji, akisikiliza mada mbalimbali wakati wa maadhimisho ya Siku ya Uhuru wa Vyombo vya Habari Duniani, Dar es Salaam jana, kushoto ni Mbunge wa Bunge la Jamhuri ya Muungano wa Tanzania, (Viti Maalumu)  Mkoa wa Mara, Bi, Ester Bulaya. (Picha na Charles Lucas)

Watakiwa kujenga utamaduni wa kupima ardhi, kumbukumbu Posted: 04 May 2012 12:01 AM PDT Na Florah Temba, Kilimanjaro WANANCHI mkoani Kilimanjaro wametakiwa kujijengea tabia ya kupima ardhi na kuweka kumbukumbu kwa njia ya maandishi hatua ambayo itasaidia kuondoa tatizo la migogoro ya ardhi baina ya wanandugu ambalo limekuwa likiyakumba maeneo mengi mkoani humo. Rai hiyo ilitolewa na Meneja Mkuu wa Kampuni ya Upimaji Ardhi na Uendelezaji wa Makazi mkoani hapa Bw. Evans Ngolly wakati akizungumza na waandishi wa habari ofisini kwake kuhusiana na changamoto wanazokabiliana nazo katika suala la upimaji ardhi kwenye jamii. Bw. Ngolly alisema utaratibu wa upimaji ardhi katika familia nyingi mkoani Kilimanjaro hauko bayana hali ambayo imekuwa ikisababisha kuzuka kwa migogoro baina ya wanandugu. Alisema, ni vema wananchi wakajiwekea utaratibu wa kupima maeneo yao na kuweka bayana taarifa kwa maandishi ili kuepuka matatizo ya migogoro ya mara kwa mara isiyo ya lazima katika familia ambayo imekuwa ikichangia kurudisha nyuma jitihada za kujiletea maendeleo. “Upimaji ardhi kwa familia nyingi hauko bayana, yaani ni kwamba wananchi wengi katika mkoa huu bado wamekuwa na taratibu za upimaji ardhi (Vuhamba) kizamani hawaweki taarifa kwa njia za maandishi na hali hii imesababisha kuwepo kwa migogoro baina ya wanandugu pindi mmoja anapotaka kupima ardhi yake na kupewa hati miliki ambapo kila mmoja huibuka na kusema sehemu hiyo ni yake,”alisema Bw. Ngolly. Bw. ANgolly alisema changamoto nyingine wanayokumbana nayo ni pamoja na wananchi wengi kutokuwa na uelewa wa upimaji ardhi na kupata hati miliki hali ambayo inawafanya wengi kuogopa kujitokeza kupima ardhi zao. Kutokana na hali hiyo Meneja huyo aliwashauri wananchi mkoani Kilimanjaro kuona umuhimu wa kupima ardhi ili kuweza kuepuka migogoro ya mara kwa mara ambayo inautesa mkoa huo katika maeneo mengi.

Kata za Rablwoo, Kisuma zakabidhiwa mradi wa maji Posted: 03 May 2012 11:59 PM PDT Na Timothy Itembe, Mara MBUNGE Rorya mkoani Mara Bw. Lameck Airo amekabidhi mradi wa visima viwili kwa nyakati tofauti uliogharimu sh. milioni 12 ndani ya kata za Rablwoo na Kisumwa jimboni humo. Akikabidhi visima hivyo jana kwa wananchi Bw.Airo alisema kuwa amelazimika kuwachimbia wananchi wake visima kwa kuwa ni moja ya ahadi aliyoahidi wakati wa kampeni zake. Mbunge huyo alisema, kwa hali hiyo hana budi kutimiza kutokana na ukame unao ikumba wilaya hiyo wa mara kwa mara na kusababisha kuwepo uhaba wa maji. Alisema, maji hayo yatawasaidia akina mama na watoto wanaotumia mwendo mrefu kwenda kuteka maji sehemu za mbali hususanimtoni na kwenye visima visivyo salama.   Aidha Bw. Lakairo alifafanua kuwa mradi huo uligharimu sh. milioni 12 chini ya usimamizi wa Shirika lisilo la Kiserikali, Global Resource Alliance. "Watakao nufaika na mradi huo ni Kata ya Rablwoo, Kijiji cha Buturi na Rablwoo pamoja na kitongoji cha Kitongo na Nyamisingisi vya kijiji cha Kisumwa kata ya Kisumwa," alisema. Mkurugenzi wa shirika hilo Bi. Ester Raphael alisema kuwa shirika lake linajishugulisha na uchimbaji wa visima virefu na pia linahudumia watoto waishio katika mazingira hatarishi. Naye Mkuu wa Wilaya ya Tarime Bw. John Henjewele ambaye alikuwa mgeni rasmi katika hafla hiyo alisema kuwa ni wabunge wachache wenye moyo wakujituma kama Bw. Lakairo kwa hali hiyo wananchi wamuunge mkono katika suala zima la maendeleo. Pia Bw. Henjewele aliongeza kuwa maji hayo yatumiwe bila ubaguzi na ukoo na kamati hiyo ipange bei itakayokubalika ambayo itasaidia kuendesha mradi huo katika matengenezo na mambo mengine yatakayojitokeza. Aidha, aliongeza kuwa kamati itakayochaguliwa ishirikishe vijana wa shule zilizo karibu watatu kutoka shule za sekondari na watatu kutoka shule za msingi.